ខេត្តបាត់ដំបង ៖ បុរសប្រមឹកម្នាក់ត្រូវកម្លាំងសមត្ថកិច្ចមូលដ្ឋានធ្វើការឃាត់ខ្លួនភ្លាមៗ ក្រោយវាយសម្លាប់ប្រពន្ធខ្លួនឯងយ៉ាងឃោរឃៅ កាលពីវេលាម៉ោងជាង១ឈានចូលថ្ងៃទី១៨ កក្កដា នៅចំណុចអូរត្រជាក់ចិត្ត ស្ថិតក្នុងភូមិរកាភឹង ឃុំត្រែង ស្រុករតនមណ្ឌល…
ខេត្តបាត់ដំបង ៖ បុរសប្រមឹកម្នាក់ត្រូវកម្លាំងសមត្ថកិច្ចមូលដ្ឋានធ្វើការឃាត់ខ្លួនភ្លាមៗ ក្រោយវាយសម្លាប់ប្រពន្ធខ្លួនឯងយ៉ាងឃោរឃៅ កាលពីវេលាម៉ោងជាង១ឈានចូលថ្ងៃទី១៨ កក្កដា នៅចំណុចអូរត្រជាក់ចិត្ត ស្ថិតក្នុងភូមិរកាភឹង ឃុំត្រែង ស្រុករតនមណ្ឌល ដែលផ្ដើមចេញពីស្រវឹងជោកជាំ ។
មន្ត្រីរដ្ឋបាលប៉ុស្ដិ៍បានឲ្យដឹងថា ជនដៃដល់ឈ្មោះ ជា សុភាព អាយុ៣១ឆ្នាំ បានទាញគល់ប្ញស្សីវាយសំពងទៅលើប្រពន្ធឈ្មោះ ឆួយ វន អាយុ៤៨ឆ្នាំ រាប់សិបដំបង រហូតដល់ស្លា-ប់ភ្លាមៗនៅកន្លែងកើតហេតុ តែក៏ត្រូវកម្លាំងប៉ុស្ដ៏រដ្ឋបាលឃាត់ខ្លួនភ្លាមៗដែរ ។
សេចក្ដីរាយការណ៍បានឲ្យដឹងថា អំពើហឹង្សារហូតក្លាយជាអំពើឃាតកម្មនេះ បានផ្ដើមចេញពីការផឹកស៊ីស្រវឹង ហើយក៏ចាប់ផ្ដើមឈ្លោះប្រកែកគ្នាដែលជាទម្លាប់ នៃគ្រួសារក្រីក្រមួយនេះ។ កន្លងទៅក៏ធ្លាប់ឈ្លោះប្រកែកបែបនេះ ប្រើអំពើហឹង្សាបែបនេះទៅលើប្រពន្ធដែរ តែមិនធ្ងន់ធ្ងរ លុះលើកចុងក្រោយនេះឈាន់ដល់ការវាយប្រពន្ធរហូតដល់ស្លាប់តែម្ដង។
បើតាមសាក្សីបាននិយាយថា ប្ដីប្រពន្ធនេះរស់នៅលើដីអ្នកដទៃទេ ក្រីក្រហើយតែងនាំគ្នាផឹកស្រាស្រវឹងដូចគ្នាស្ទើររាល់ថ្ងៃ។ ពេលស្រវឹងម្ដងៗ ប្ដីប្រពន្ធនេះតែងបង្កហិង្សាជាមួយគ្នាទៅវិញទៅមក ស្ទើរតែក្លាយជាទម្លាប់ទៅហើយ។ ប៉ុន្តែនៅថ្ងៃកើតហេតុ ប្ដីប្រពន្ធនេះក៏បានទិញស្រាផឹកដែរ ហើយបើតាមការសួរនាំ គឺផឹកអស់ប្រហែល០២លីត្រទៅហើយ ស្រាប់តែផ្ទុះជម្លោះវាយតប់គ្នា ហើយបុរសជាប្ដីទាញគល់ឬស្សីវាយសំពងប្រពន្ធរហូតដល់់ស្លាប់ ។
សមត្ថកិច្ចបានឲ្យដឹងដែរថា បើតាមការពិនិត្យជាក់ស្ដែង សាកសពជនរងគ្រោះ មានស្លាកស្នាមរបួសស្ទើរសុះសាច់ ដែលអាចត្រូវជនដៃដល់វាយសំពងរាប់សិបដំបងឬស្សី។ ជនរងគ្រោះបានស្លាប់នៅកន្លែងកើតហេតុ ហើយត្រូវកម្លាំងមូលដ្ឋានចុះអន្តរាគមន៏ឃាត់ខ្លួនជននេះភ្លាមៗតែម្ដង។ នេះជាអំពើហិង្សា បានក្លាយជាអំពើឃាតកម្ម ដែលផ្ដើមចេញពីស្រវឹងជោកជាំ ។
ចែករំលែកព័តមាននេះ