ក្ដៅខ្លាំងបំផុត! ចិនជាង៥២អង្សា អ៊ីតាលី៤៨អង្សា និងអេស្ប៉ាញ៤៦អង្សា
ធាតុអាកាសក្ដៅខ្លាំង ៖ ពិភពលោកឆ្នាំនេះរងឥទ្ធិពលនៃការកើនកម្ដៅផែនដី ដោយក្នុងចុងសប្ដា
ធាតុអាកាសក្ដៅខ្លាំង ៖ ពិភពលោកឆ្នាំនេះរងឥទ្ធិពលនៃការកើនកម្ដៅផែនដី ដោយក្នុងចុងសប្ដាហ៍កន្លងទៅ សីតុណ្ហភាពមានដល់ជាង៥២អង្សាសេនៅចិន ៤៨អង្សានៅក្រុងPHOENIX សហរដ្ឋអាមេរិកនិង៤៦អង្សានៅអេស្ប៉ាញ។
កាលពីថ្ងៃទី១៦កក្កដាចិនជួបប្រទះនឹងធាតុអាកាសក្ដៅខ្លាំងបំផុត ដល់ទៅ៥២,២អង្សាសេពិសេសនៅឃុំដាច់ស្រយាលSANBAOតំបន់TURPANខេត្តស៊ីនជាំង។ នេះបើតាមកាសែត XINJIANG DAILY។ ធាតុអាកាសក្ដៅខ្លាំងអាចអូសបន្លាយពេល នៅតំបន់TURPANភាគនិរតីចិននោះ រយៈពេលយ៉ាងតិច៥ថ្ងៃទៀត។
ចាប់តាំងពីខែមេសាមក ប្រទេសអាស៊ីជាច្រើនរងការវាយប្រហារដោយរលកក្ដៅខ្លាំង បំផុត។ លក្ខខណ្ឌឧតុនិយមអាក្រក់បែបនេះនាំឲ្យមានការព្រួយបារម្ភថា តើគេអាចធន់បានទេ? ក្នុងខែមេសានៅថៃសីតុណ្ហភាពមានខ្ពស់បំផុតដល់៤៥អង្សាសេ។ នៅវៀតណាមសីតុណ្ហភាពមានដល់៤៥អង្សាសេ។
កាលពីខែមុនរលកក្ដៅខ្លាំងនៅរដ្ឋ២ដែលមានប្រជាជនច្រើនជាងគេរបស់ឥណ្ឌា បណ្ដាលឲ្យមនុស្សច្រើនពាន់នាក់ចូលមន្ទីរពេទ្យ ដោយក្នុងចំណោមមនុស្សទាំងនេះមានស្លាប់ជិត១៧០នាក់។ កូរ៉េខាងត្បូងជួបប្រទះនឹងទឹកជំនន់ដ៏អាក្រក់ កាលពីចុងសប្ដាហ៍កន្លងទៅ បន្ទាប់ពីការប្រកាសអាសន្នពីធាតុអាកាសក្ដៅខ្លាំងកាលពីដើមខែ៕
ចែករំលែកព័តមាននេះ