ព្យុះស៊ីក្លូនវា.យប្រហារអាស៊ី ខណៈចិន និងវៀតណាមជម្លៀសមនុស្សចេញជាង២០ម៉ឺននាក់
ព្យុះវាយប្រហារអាស៊ី ៖ តាមអាជ្ញាធរមូលដ្ឋានថាមនុស្សជិត២៣០.០០០នាក់ត្រូវបានចម្លៀសចេញ
ព្យុះវាយប្រហារអាស៊ី ៖ តាមអាជ្ញាធរមូលដ្ឋានថាមនុស្សជិត២៣០.០០០នាក់ត្រូវបានចម្លៀសចេញ
ព្យុះវាយប្រហារអាស៊ី ៖ តាមអាជ្ញាធរមូលដ្ឋានថាមនុស្សជិត២៣០.០០០នាក់ត្រូវបានចម្លៀសចេញកាលពីថ្ងៃទី១៧កក្កដា នៅភាគខាងត្បូងចិន រួចជើងហោះហើរជាច្រើនរបស់យន្តហោះត្រូវបានលុបចោល ព្រោះការបោកបក់មកដល់នៃព្យុះស៊ីក្លូនមួយ។
ផ្នែកឧតុនិយមចិនរាយការណ៍ថា ព្យុះស៊ីក្លូនឈ្មោះTALIM បានបោកបក់មកដល់ដែនដីនៃឆ្នេរសមុទ្រខេត្តក្វាងទុងភាគអា គ្នេយ៍ចិន នាវេលាម៉ោង២២និង២០នាទីម៉ោងក្នុងស្រុក ជាមួយខ្យល់បោកបក់ក្នុងល្បឿនលើសពី១៣៦គីឡូម៉ែត្រក្នុង១ម៉ោង។ ខ្យល់និងភ្លៀងយ៉ាងខ្លាំងកើតមាននៅខេត្តភាគខាងត្បូងចិនគឹខេត្តក្វាងទុងនិងខេត្តហៃណាន់។ ព្យុះនោះត្រូវចុះថយល្បឿននាព្រឹកថ្ងៃទី១៨កក្កដា រួចកាន់តែខ្សោយនិងរលាយទៅវិញនាភាគខាងជើងវៀតណាមនាថ្ងៃទី១៩កក្កដា។ តាមអ្នកវិទ្យាសាស្ត្រថា ព្យុះនានាក្លាយកាន់តែសាហាវទៅៗ មកពីការកើនកំដៅបរិយាកាស។
ទីភ្នាក់ងារព័ត៌មានចិនស៊ីនហួ គូសបញ្ជាក់ថា មនុស្សជិត២៣០.០០០នាក់ ត្រូវបានជម្លៀសចេញនៅខេត្តក្វាងទុង ក្នុងនោះជាង៨០០០នាក់ជានិយោជិតនៃបណ្ដាកសិដ្ឋានវារីវប្បកម្ម ដែលត្រូវនាំមកកាន់ដែនដី។ អាជ្ញាធរព្រលានយន្តហោះអន្តរជាតិក្រុងហុងកុងនិយាយថា អ្នកដំណើរជាង១០០០នាក់ជាប់់គាំង ដោយការលុបចោលជើងហោះហើរឬជើងហោះហើរត្រូវយឺតយ៉ាវ។ ព្រលានយន្តហោះក្រុងម៉ាកាវក៏លុបចោលជើងហោះហើរ៨០ជើងដែរ។ បណ្ដានាវានៅក្នុងខេត្តហៃណាន់ ស្នើឲ្យវិលចូលកំពង់ផែដោយឆាប់រហ័ស ព្រោះរលកសមុទ្រអាចមានកម្ពស់ដល់៦ម៉ែត្រ។
នៅប្រទេសវៀតណាមជិតខាង អាជ្ញាធររៀបចំជម្លៀសមនុស្សចេញ៣០.០០០នាក់ ក្នុងខេត្តក្វាងនីញនិងខេ្តហៃហ្វុង ដែលអាចរងការប៉ះពាល់ខ្លាំងចាប់ពីរសៀលថ្ងៃទី១៧កក្កដាទៅ។ ខាងផ្នែកគ្រប់គ្រងគ្រោះមហន្តរាយវៀតណាមនិយាយថា ព្យុះនេះអាចជាព្យុះដ៏ខ្លាំងបោកបក់លើឈូងសមុទ្រតុងកឹងរយៈពេលប៉ុន្មានឆ្នាំចុងក្រោយនេះ៕
ចែករំលែកព័តមាននេះ