រឿងធំបាត់! អ៊ីមែលយោធាអាមេរិករាប់លាន ផ្ញើច្រឡំទៅប្រទេសសម្ព័ន្ធមិត្តរបស់រុស្ស៊ី
សហរដ្ឋអាមេរិក ៖ អ៊ីមែលយោធាអាមេរិករាប់លាន បានផ្ញើច្រឡំទៅប្រទេសម៉ាលី ដែលជាសម្ព័ន្ធមិត្ត
សហរដ្ឋអាមេរិក ៖ អ៊ីមែលយោធាអាមេរិករាប់លាន បានផ្ញើច្រឡំទៅប្រទេសម៉ាលី ដែលជាសម្ព័ន្ធមិត្តរបស់ប្រទេសរុស្ស៊ី ដោយសារកំហុសក្នុងការវាយអក្សរចុងកន្ទុយនៃអាស័យដ្ឋានវ៉េបសាយ។ នេះបើយោងតាមប្រភពពីសារព័ត៌មាន BBC ចេញផ្សាយនៅថ្ងៃទី១៨ ខែកក្កដា ឆ្នាំ២០២៣។
អ៊ីមែល ដែលមានបំណងសម្រាប់ការផ្ញើជាមួយនឹងកន្ទុយពាក្យ «.mil» របស់យោធាសហរដ្ឋអាមេរិកអស់រយៈពេលជាច្រើនឆ្នាំមកហើយនោះ ត្រូវបានផ្ញើទៅកាន់ប្រទេសម៉ាលី ដែលស្ថិតនៅអាហ្វ្រិកខាងលិច ដែលបញ្ចប់ដោយកន្ទុយពាក្យ «.ml» ។
អ៊ីមែលមួយចំនួន ត្រូវបានរាយការណ៍ថា មានព័ត៌មានរសើបដូចជា ពាក្យសម្ងាត់ កំណត់ត្រាវេជ្ជសាស្ត្រ និងទិន្នន័យមន្ត្រីកំពូលៗរបស់សហរដ្ឋអាមេរិក។ ពាក់ព័ន្ធជុំវិញបញ្ហានេះ មន្ទីរបញ្ចកោណបានលើកឡើងថា ខ្លួនបានចាត់វិធានការ ដើម្បីដោះស្រាយបញ្ហានេះ។
យោងតាមកាសែត Financial Times ដែលបានរាយការណ៍រឿងនេះជាលើកដំបូង បានឱ្យដឹងថា សហគ្រិនអ៊ីនធឺណិតជនជាតិហូឡង់ លោក Johannes Zuurbier បានកំណត់លើបញ្ហានេះជាង ១០ឆ្នាំមុន។ ចាប់តាំងពីឆ្នាំ ២០១៣ មក លោកមានកិច្ចសន្យាគ្រប់គ្រង Domain ឬ ដែននៃអាស័យដ្ឋានវែបសាយរបស់ប្រទេសម៉ាលី ហើយក្នុងរយៈពេលប៉ុន្មានខែថ្មីៗនេះ ហើយតាមសេចក្តីរាយការណ៍ ប្រមូលបានអ៊ីមែលផ្ញើខុសទិសដៅរាប់ម៉ឺនឯកសារ។ គ្មាននរណាម្នាក់ត្រូវបានចាត់ថ្នាក់នោះទេ ប៉ុន្តែយោងតាមកាសែត Financial Times បានឱ្យដឹងថា អ៊ីមែលទាំងនោះបានរួមបញ្ចូលទាំងទិន្នន័យវេជ្ជសាស្ត្រ ផែនទីនៃកន្លែងយោធាសហរដ្ឋអាមេរិក កំណត់ត្រាហិរញ្ញវត្ថុ និងឯកសាររៀបចំផែនការសម្រាប់ការធ្វើដំណើរផ្លូវការ ក៏ដូចជាសារការទូតមួយចំនួនផងដែរ។
លោក Johannes Zuurbier បានសរសេរសំបុត្រមួយច្បាប់ផ្ញើទៅកាន់មន្ត្រីអាមេរិក នៅក្នុងខែនេះ ដើម្បីលើកឡើងពីការប្រកាសអាសន្ន ដោយគាត់និយាយថា កិច្ចសន្យារបស់គាត់ជាមួយរដ្ឋាភិបាលម៉ាលី នឹងត្រូវបញ្ចប់ក្នុងពេលឆាប់ៗនេះ ដែលមានន័យថា ហានិភ័យពិតគឺប្រាកដជាកើតឡើង ហើយអាចត្រូវបានកេងប្រវ័ញ្ចដោយសត្រូវរបស់សហរដ្ឋអាមេរិក ដោយរដ្ឋាភិបាលយោធារបស់ប្រទេសម៉ាលី គ្រោងនឹងគ្រប់គ្រងដែននៃអាស័យដ្ឋានវ៉េបសាយនេះវិញ នៅថ្ងៃទី១៧ ខែកក្កដា ឆ្នាំ២០២៣៕ (ប្រភពពី BBC)
ចែករំលែកព័តមាននេះ