Twitter បាត់បង់ចំណូលពាណិជ្ជកម្មស្ទើរពាក់កណ្តាល ចាប់តាំងពីលោក Elon Musk ចូលកាន់កា.ប់
សហរដ្ឋអាមេរិក ៖ Twitter បានបាត់បង់ស្ទើរតែពាក់កណ្តាលនៃប្រាក់ចំណូលលើការផ្សាយពាណិជ្ជកម្ម
សហរដ្ឋអាមេរិក ៖ Twitter បានបាត់បង់ស្ទើរតែពាក់កណ្តាលនៃប្រាក់ចំណូលលើការផ្សាយពាណិជ្ជកម្ម
សហរដ្ឋអាមេរិក ៖ Twitter បានបាត់បង់ស្ទើរតែពាក់កណ្តាលនៃប្រាក់ចំណូលលើការផ្សាយពាណិជ្ជកម្មរបស់ខ្លួន ចាប់តាំងពីក្រុមហ៊ុននេះ ត្រូវបានទិញដោយកំពូលមហាសេដ្ឋីបច្ចេកវិទ្យារបស់សហរដ្ឋអាមេរិក លោក Elon Musk ក្នុងតម្លៃ ៤៤ពាន់លានដុល្លារ កាលពីខែតុលា ឆ្នាំមុន។ នេះបើយោងតាមប្រភពពីសារព័ត៌មាន BBC ចេញផ្សាយនៅថ្ងៃទី១៧ ខែកក្កដា ឆ្នាំ២០២៣។
មហាសេដ្ឋីអាមេរិក កើតនៅអាហ្វ្រិកខាងត្បូងវ័យ៥២ឆ្នាំរូបនេះ បានអះអាងថា ក្រុមហ៊ុនមិនបានឃើញការកើនឡើងនៃការលក់ ដែលត្រូវបានរំពឹងទុកសម្រាប់ខែមិថុនានោះទេ ប៉ុន្តែនៅក្នុងខែកក្កដា ទំនងជាទទួលបានលទ្ធផលល្អជាងនេះ។
កន្លងមក លោក Elon Musk បានបណ្តេញបុគ្គលិកប្រហែលពាក់កណ្តាលនៃបុគ្គលិក ៧,៥០០ របស់ក្រុមហ៊ុន Twitter នៅពេលគាត់ចូលកាន់តំណែងនៅក្នុងឆ្នាំ ២០២២ នៅក្នុងកិច្ចខិតខំប្រឹងប្រែងកាត់បន្ថយលើការចំណាយ។
ការប្រកាសអំពីកម្មវិធីថ្មី «Threads» របស់ក្រុមហ៊ុន Meta កាលពីថ្ងៃទី០៥ ខែកក្កដា ឆ្នាំ២០២៣ កន្លងទៅ ដែលឥឡូវនេះ មានអ្នកប្រើប្រាស់ដល់ ១៥០លាននាក់។ កម្មវិធីថ្មីនេះ ត្រូវបានតភ្ជាប់ទៅនឹងកម្មវិធី Instagram ដោយស្វ័យប្រវត្តិ ដែលនឹងផ្តល់ឱ្យវេទិកាដែលរចនាឡើងដោយក្រុមហ៊ុន Meta នឹងដំណើរការទៅកាន់អ្នកប្រើប្រាស់ដ៏មានសក្តានុពលចំនួន ២ពាន់លាននាក់ នៅទូទាំងពិភពលោក ខណៈដែលកម្មវិធីគូប្រជែងមួយនេះ «Threads» កំពុងតែបង្កការឈឺក្បាល ក៏ដូចជាដាក់បន្ទុកយ៉ាងខ្លាំងដល់កម្មវិធី Twitter ។
លោក Elon Musk បានលើកឡើងកាលពីចុងសប្តាហ៍មុនថា លំហូរសាច់ប្រាក់នៅតែអវិជ្ជមាន បើទោះបីជាលោកមិនបានកំណត់ពេលវេលាប្រកាសអំពីការធ្លាក់ចុះ ៥០% នៃប្រាក់ចំណូលពីការផ្សាយពាណិជ្ជកម្មយ៉ាងណាក៏ដោយ។ នៅក្នុងការបង្ហោះលើបណ្តាញទំនាក់ទំនងសង្គម Twitter មហាសេដ្ឋីរូបនេះ បានឱ្យដឹងដច្នេះថា «ចាំបាច់ត្រូវតែឈានដល់លំហូរសាច់ប្រាក់ជាវិជ្ជមាន មុនពេលដែលយើងមានប្រណីតភាពលើអ្វីផ្សេងៗទៀត»។
គួររំលឹកថា បន្ទាប់ពីការបញ្ឈប់បុគ្គលិករាប់ពាន់នាក់រួចមក លោក Elon Musk បានប្រកាសថា Twitter កំពុងស្ថិតនៅលើផ្លូវ ដើម្បីប្រកាសប្រាក់ចំណូលចំនួន ៣ពាន់លានដុល្លារនៅក្នុងឆ្នាំ ២០២៣ ដែលធ្លាក់ចុះពី ៥.១ពាន់លានដុល្លារនៅក្នុងឆ្នាំ ២០២១៕ (ប្រភពពី BBC)
ចែករំលែកព័តមាននេះ