ឆេះផ្សារអន្តរជាតិលក់គ្រឿងសំណង់ចិនមួយកន្លែង ផ្អើលមុខវត្តសំរោងអណ្តែត
- ភ្នំពេញ
រាជធានីភ្នំពេញ ៖ ផ្សារអន្តរជាតិលក់គ្រឿងសំណង់ចិនមួយកន្លែង នៅតាមបណ្តោយផ្លូវភ្នំពេញ
រាជធានីភ្នំពេញ ៖ ផ្សារអន្តរជាតិលក់គ្រឿងសំណង់ចិនមួយកន្លែង នៅតាមបណ្តោយផ្លូវភ្នំពេញ
រាជធានីភ្នំពេញ ៖ ផ្សារអន្តរជាតិលក់គ្រឿងសំណង់ចិនមួយកន្លែង នៅតាមបណ្តោយផ្លូវភ្នំពេញហាណូយ មុខខ្លោងទ្វារចូលវត្តសំរោងអណ្តែត ស្ថិតនៅភូមិឧកញ៉ាវាំង សង្កាត់ភ្នំពេញថ្មី ខណ្ឌសែនសុខ ត្រូវបានអគ្គីភ័យឆាបឆេះយ៉ាងសន្ធោសន្ធៅទាំងព្រលឹមស្រាងៗ បណ្តាលអោយឃ្លាំង រួមមានគ្រឿងផ្ទះបាយ , ម៉ាស៊ីនត្រជាក់និងឥដ្ឋការ៉ូរងការខូចខាតស្ទើរតែទាំងស្រុង ។ ទោះបីជាយ៉ាងណា ភ្លើងពុំឆេះបានបំផ្លាញផ្សារទាំងមូលឡើយ។
ហេតុការណ៍ខាងលើនេះបានកើតឡើងកាលពីវេលាម៉ោង៤និង៤០នាទីទៀបភ្លឺថ្ងៃទី១៦ ខែកក្កដា ឆ្នាំ២០២៣ហើយ ភ្លាមៗ រថយន្តពន្លត់អគ្គីភ័យជាច្រើនគ្រឿងទៅអន្តរាគមន៍បាញ់ពន្លត់។
ទីតាំងផ្សារដែលត្រូវភ្លើងឆេះនោះ ធ្វើអំពីដែក ប្រក់ស័ង្កសី ដែលបានខណ្ឌជាឃ្លាំងសម្រាប់លក់ដូរសម្ភារៈ និងមានថៅកែជាជនជាតិចិន ។
តាមព័ត៌មានពីកន្លែងកើតហេតុ បានអោយដឹងថា នៅមុនពេលកើតហេតុ គេឃើញបានឆាបឆេះយ៉ាងខ្មួលខ្មាញ់ចេញពីជាន់លើនៃកន្លែងលក់សម្ភារៈសំណង់ និងផ្ទះបាយ ដែលស្ថិតនៅផ្នែកខាងត្បូងហើយភ្លើង ឆាបឆេះយ៉ាងសន្ធោសន្ធៅនិងរាលដាល់ទៅកន្លែងលក់ម៉ាស៊ីនត្រជាក់និងឥដ្ឋការ៉ូ។
តាមព័ត៌មានអោយដឹងថា ហាងលក់គ្រឿងផ្ទះបាយដែលគេអះអាថាជាដើមភ្លើង មានថៅកែជាជនជាតិចិន មានប្រពន្ធខ្មែរ ហើយជាទូទៅ ម្តាយក្មេកជនជាតិចិន បានក្រោកដាំបាយកលក់ជាប្រចាំ។ ទោះបីជាយ៉ាងណា គេពុំដឹងពីមូលហេតុអ្វីឡើយបានជាភ្លើងឆាបឆេះ។
តាមនគរបាលការិយាល័យបង្ការពន្លត់អគ្គីភ័យ និងសង្គ្រោះនៃស្នងការនគរបាលរាជធានីភ្នំពេញបានអោយដឹងថា នៅក្នុងហេតុការណ៍ នេះរថយន្ត ពន្លត់អគ្គីភ័យចំនួន២៧គ្រឿង បានទៅអន្តរាគមន៍ បាញ់ពន្លត់ហើយភ្លើងបានរលត់ទៅវិញ ។
តាមនគរបាលអោយដឹងថា អគ្គីភ័យនេះបានបំផ្លាញឃ្លាំងលក់ដូរ គ្រឿងផ្ទះបាយ, ឥដ្ឋការ៉ូនិង ម៉ាស៊ីនត្រជាក់និងកន្លែងស្នាក់នៅជាន់លើ បានរងការខូចខាតស្ទើរតែទាំងស្រុងតែពុំបណ្តាលអោយមនុស្ស រងរបួសឡើយ។
ទាក់ទិននឹងការកើតមានអគ្គីភ័យខាងលើនេះដែរ សមត្ថកិច្ចពុំទាន់អោយដឹងពីមូលហេតុនៅឡើយ ទេ រង់ចាំការស្រាវជ្រាវសិន៕
ចែករំលែកព័តមាននេះ