តម្លៃមាសកើនឡើងដល់កម្រិតខ្ពស់ បានមកពីការគាំទ្រដោយប្រាក់ដុល្លារអាមេរិក
សហរដ្ឋអាមេរិក ៖ តម្លៃមាសនៅទូទាំងពិភពលោក បានកើនឡើងដល់កម្រិតខ្ពស់នៅក្នុងរយៈពេល
សហរដ្ឋអាមេរិក ៖ តម្លៃមាសនៅទូទាំងពិភពលោក បានកើនឡើងដល់កម្រិតខ្ពស់នៅក្នុងរយៈពេល
សហរដ្ឋអាមេរិក ៖ តម្លៃមាសនៅទូទាំងពិភពលោក បានកើនឡើងដល់កម្រិតខ្ពស់នៅក្នុងរយៈពេលជិតមួយខែ ដែលគាំទ្រដោយប្រាក់ដុល្លារអាមេរិក បន្ទាប់ពីទិន្នន័យនៃអតិផរណារបស់ប្រទេសមហាអំណាចសេដ្ឋកិច្ចទី១ពិភពលោកមួយនេះ បង្ហាញក្តីសង្ឃឹមថា ធនាគារកណ្តាលអាមេរិក នឹងបញ្ឈប់ការរឹតបន្តឹងគោលនយោបាយរូបិយវត្ថុរបស់ខ្លួន។ នេះបើយោងតាមប្រភពពីទីភ្នាក់ងារសារព័ត៌មាន Reuters ចេញផ្សាយនៅថ្ងៃទី១៣ ខែកក្កដា ឆ្នាំ២០២៣។
តម្លៃមាស (Spot Gold) បានកើនឡើង ០.៣% ក្នុងតម្លៃ ១,៩៦២.១១ដុល្លារក្នុង១អោន (ស្មើនឹង ០.៧៥៥៩៨៧៣ដំឡឹង) ដែលឡើងដល់កម្រិតខ្ពស់បំផុតចាប់តាំងពីថ្ងៃទី១៦ ខែមិថុនា ឆ្នាំ២០២៣ ខណៈដែលអនាគតមាសរបស់សហរដ្ឋអាមេរិក បានកើនឡើង ០.២% នៅក្នុងតម្លៃ ១,៩៦៥.៨០ដុល្លារ។ តម្លៃទំនិញប្រើប្រាស់របស់សហរដ្ឋអាមេរិក បានកើនឡើងតិចតួច នៅក្នុងខែមិថុនា ហើយបានចុះបញ្ជីការកើនឡើងប្រចាំឆ្នាំនៅក្នុងចំនួនតិចបំផុតរបស់ពួកគេក្នុងរយៈពេលជាង២ឆ្នាំចុងក្រោយ។
ជាមួយគ្នានោះ អ្នកជំនាញមួយចំនួនបានធ្វើការព្យាករណ៍ថា តម្លៃមាសអាចឡើងខ្ពស់ទៅជិតសញ្ញា ២,០០០ដុល្លារ ប៉ុន្តែឱកាសនៃតម្លៃធ្លាក់ចុះទំនងជាកើតឡើងនៅក្នុងត្រីមាសនេះផងដែរ។
ការផ្តោតអារម្មណ៍ជាច្រើន នៅតែមានលើកិច្ចប្រជុំកំណត់អត្រាការប្រាក់បន្ទាប់របស់ធនាគារកណ្តាលអាមេរិក ដែលអាចកំណត់តម្លៃមាសក្នុងរយៈពេលឆាប់ៗខាងមុខនេះ។ ការអត្ថាធិប្បាយថ្មីៗពីអ្នកបង្កើតគោលនយោបាយបានថ្លឹងថ្លែងលើតម្លៃមាស ដោយមាសដុំបានធ្លាក់ចុះជាង ១០០ដុល្លារ ចាប់តាំងពីតម្លៃកើនឡើងខ្ពស់ នៅក្នុងខែឧសភាកន្លងទៅ។
ដោយឡែក លោក Carsten Menke អ្នកវិភាគ Julius Baer ដែលស្ថាប័នអន្តរជាតិក្នុងការគ្រប់គ្រងទ្រព្យសម្បត្តិ បាននិយាយថា «ដោយមិនសង្ស័យ មានការភ័យខ្លាចខ្លះៗនៅក្នុងទីផ្សារមាស និងប្រាក់នៅពេលនេះ ដែលបង្ហាញឱ្យឃើញពីការផ្លាស់ប្តូរតម្លៃដ៏មុតស្រួច និងឆាប់រហ័ស នៅក្នុងប្រតិកម្មទៅនឹងទិន្នន័យសេដ្ឋកិច្ចរបស់សហរដ្ឋអាមេរិក»។
នៅក្នុងចំណោមលោហធាតុដ៏មានតម្លៃផ្សេងទៀត ប្រាក់បានកើនឡើង ០.៣% នៅក្នុងតម្លៃ ២៤.២១ដុល្លារក្នុង១អោន ខណដែលផ្លាទីនបានកើនឡើង ១.៦% ក្នុងតម្លៃ ៩៦១.៦៤ដុល្លារក្នុង១អោន៕
ចែករំលែកព័តមាននេះ