រាជធានីភ្នំពេញ ៖ លោកអភិបាលខណ្ឌដូនពេញបានស្តីបន្ទោសចៅសង្កាត់ និងនគរបាលប៉ុស្តិ៍រដ្ឋបាលទាំង១១ កាលពីព្រឹក ថ្ងៃទី០៩ ខែឧសភា ឆ្នាំ២០១១ នៅក្នុងកិច្ចប្រជុំគណៈបញ្ជាការឯកភាពប្រចាំខែឧសភា ក្រោយពីមានសង្កាត់មួយចំនួនមិនទាន់អនុវត្តបានល្អតាមផែនការភូមិសង្កាត់មានសុវត្ថិភាព
រាជធានីភ្នំពេញ ៖ លោកអភិបាលខណ្ឌដូនពេញបានស្តីបន្ទោសចៅសង្កាត់ និងនគរបាលប៉ុស្តិ៍រដ្ឋបាលទាំង១១ កាលពីព្រឹក ថ្ងៃទី០៩ ខែឧសភា ឆ្នាំ២០១១ នៅក្នុងកិច្ចប្រជុំគណៈបញ្ជាការឯកភាពប្រចាំខែឧសភា ក្រោយពីមានសង្កាត់មួយចំនួនមិនទាន់អនុវត្តបានល្អតាមផែនការភូមិសង្កាត់មានសុវត្ថិភាព ។
លោកសុខ សម្បត្តិ អភិបាលខណ្ឌដូនពេញ មានប្រសាសន៍ថា លទ្ធផលក្នុងការអនុវត្តគោលនយោបាយភូមិ-សង្កាត់មានសុវត្ថិភាព ឃើញថា សង្កាត់មួយចំនួនបានអនុវត្តល្អប្រសើរ ក៏ប៉ុន្តែនៅមានសង្កាត់ខ្លះនៅមានភាពធូររលុង ដូចជាសង្កាត់ស្រះចកបញ្ហាសណ្តាប់ធ្នាប់តាមដងផ្លូវលេខ៨០,៩០ មហាវិថីព្រះមុនីវង្ស និងមហាវិថីសហព័ន្ធរុស្ស៊ី នៅតែមានភាពស្មុគស្មាញ លក់ដូរអនាធិបតេយ្យ ជាពិសេសមហាវិថីសហព័ន្ធរុស្ស៊ីតែម្តងបើទោះបីជាផ្នែកសណ្តាប់ធ្នាប់ខណ្ឌជួយរៀបចំក៏ដោយ ។
បញ្ហាទីតាំងជួញដូរនិងប្រើប្រាស់គ្រឿងញៀននៅតែមានទោះជាមិនទ្រង់ទ្រាយធំក៏ពិតមែនតែដាច់ខាតត្រូវតែលុបបំបាត់ឲ្យបានក្នុងនោះនៅម្ដុំកាហ្សា។ ដោយឡែកសង្កាត់ផ្សារចាស់ម្តុំប្លុកអ្នកតាចិន ផ្លូវលេខ១៣ បញ្ហាការលក់ដូរមានភាពអនាធិបតេយ្យ និងការជួញដូរគ្រឿងញៀន ដូច្នេះត្រូវកំណត់ ពេលវេលាក្នុងការឲ្យឈប់លក់នៅពេលយប់ ។
លោកអភិបាលខណ្ឌបានសរសើរដល់លោក គឹម វុត្ថា ប្រធានសណ្ដាប់ធ្នាប់ខណ្ឌដូនពេញដែលរៀបចំសណ្ដាប់ធ្នាប់តាមដងផ្លូវនានាក្នុងភូមិសាស្រ្តខណ្ឌបានល្អប្រសើរ ហើយចេះរាយការណ៍ជូនគណៈអភិបាលនិងសុំយោបល់ពេលជួបបាតុភាពផ្សេងៗ ។
លោកសុខ សម្បត្តិ បានព្រមានដល់ចៅសង្កាត់ និងនគរបាលប៉ុស្តិ៍រដ្ឋបាលណាដែលមិនយកចិត្តទុកក្នុងការអនុវត្តការងារសន្តិសុខ សណ្ដាប់ធ្នាប់សាធារណៈ និងត្រូវពង្រឹងឡើងវិញប៉ុស្តិ៍យាមនៅមូលដ្ឋានរបស់ខ្លួនដើម្បីចូលរួមការ ពារព្រះរាជពិធីបុណ្យចំរើនព្រះជន្មព្រះករុណាព្រះ បាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និងព្រះរាជពិធីបុណ្យច្រត់ព្រះនង្គ័ល ៕
ចែករំលែកព័តមាននេះ