បាតុភូតពពកយក្សស៊ូណាមិដ៏ធំសម្បើម បង្កការភ្ញាក់ផ្អើល និងព្រឺក្បាលគ្រប់ៗគ្នា (វីដេអូ)
ឥណ្ឌា ៖ បាតុភូតចម្លែកនៃរលកពពកដ៏ធំសម្បើម ដែលត្រូវបានហៅថា «ពពកយក្សស៊ូណាមិ» បាន
ឥណ្ឌា ៖ បាតុភូតចម្លែកនៃរលកពពកដ៏ធំសម្បើម ដែលត្រូវបានហៅថា «ពពកយក្សស៊ូណាមិ» បាន
ឥណ្ឌា ៖ បាតុភូតចម្លែកនៃរលកពពកដ៏ធំសម្បើម ដែលត្រូវបានហៅថា «ពពកយក្សស៊ូណាមិ» បានអណ្តែតគ្រប់ដណ្តប់លើទីក្រុង នៅភាគខាងជើងប្រទេសឥណ្ឌា ដោយបង្កើតបានជាផ្ទៃមេឃដ៏គួរឱ្យខ្លាចមួយ ដែលមើលទៅដូចជាក្នុងខ្សែភាពយន្តហូលីវូដ ខណៈដែលតំបន់នោះ បាននិងកំពុងប្រឈមនឹងជំនន់ទឹកភ្លៀងខ្លាំងជាពិសេសចាប់តាំងពីសប្តាហ៍មុនមកម្ល៉េះ។ នេះបើយោងតាមប្រភពពីគេហទំព័រ LADbible ចេញផ្សាយកាលពីថ្ងៃទី១១ ខែកក្កដា ឆ្នាំ២០២៣ កន្លងទៅ។
អាជ្ញាធរឥណ្ឌា បានព្រមានពីអាកាសធាតុបង្កឱ្យមានភ្លៀងធ្លាក់ខ្លាំង ខ្យល់មូសុងវាយលុកទីក្រុង Haridwar រដ្ឋ Uttarakhand។ នាយកដ្ឋានឧតុនិយមឥណ្ឌា (IMD) បានព្យាករណ៍ថា ទីក្រុង Haridwar នឹងមានភ្លៀងធ្លាក់ខ្លាំងក្នុងរយៈពេល៣ថ្ងៃបន្ទាប់។ ទោះយ៉ាងណាក៏ដោយ ភាពភ្ញាក់ផ្អើលបានកើតឡើង បន្ទាប់ពីអ្នកស្រុកប្រទះឃើញបាតុភូតព្យុះពពកដ៏ធំសម្បើម ដែលមិនធ្លាប់បានឃើញពីមុន អណ្តែតលើក្បាលរបស់ពួកគេ លាយឡំជាមួយនឹងផ្គររន្ទះ ដែលមើលទៅដូចជារលកយក្សស៊ូណាមិ។
ពពកដ៏ធំសម្បើមនោះ បានអណ្តែតនៅកម្រិតទាបមួយ ដែលអ្នកស្រុកបានឃើញបាតុភូតចម្លែកនោះ នៅជិតពួគគេ និងព្រឺក្បាលគ្រប់ៗគ្នា។ នៅក្នុងខ្សែអាត់វីដេអូ បានបង្ហាញអំពីអ្នកស្រុកនាំគ្នាឈប់នៅតាមដងផ្លូវ ឈរសម្លឹងមើលទៅមេឃ និងថតយកទិដ្ឋភាពដ៏ចម្លែកមួយនេះ។
យ៉ាងណាមិញ យោងតាមការិយាល័យ Met បានឱ្យដឹងថា ពពកបង្កើតបានជាខ្យល់ត្រជាក់ពីព្យុះផ្គររន្ទះ ហើយរុញច្រានខ្យល់ក្តៅ និងសំណើមឡើងទៅលើ ការរួមបញ្ចូលទាំងអស់នេះ នៅពេលខ្លះនឹងបង្កើតបានទៅជាព្យុះពពក ដែលដូចទៅនឹងរលកយក្សស៊ូណាមិ នៅលើមេឃ។
ខ្សែអាត់វីដេអូនៃ «ពពកយក្សស៊ូណាមិ» ដ៏ធំល្វឹងល្វើយ ត្រូវបានចែកចាយពេញនៅលើបណ្តាញសង្គម Twitter ហើយបានធ្វើឱ្យអ្នកទស្សនាមានការភ្ញាក់ផ្អើល ជាមួយការបញ្ចេញមតិជាច្រើន ខណៈដែលម្នាក់ក្នុងចំណោមនោះ បានសរសេរថា «មើលទៅដូចនៅក្នុងរឿងកុន។ តើនេះពិភពលោកនឹងបញ្ចប់ឬ?»។
សូមជម្រាបថា ភាគខាងជើងប្រទេសឥណ្ឌា បានរងនូវការខូចខាតដោយទឹកភ្លៀងក្នុងរយៈពេលប៉ុន្មានថ្ងៃថ្មីៗនេះ បង្កជាទឹកជន់លិចផ្លូវ ការបាក់ដី និងស្ពាន ដែលត្រូវបានបំផ្លាញក្នុងចំណោមការខូចខាតជាច្រើនផ្សេងទៀត។ លោក Pushkar Singh Dhami ប្រធានរដ្ឋ Uttarakhand បានជំរុញឱ្យប្រជាជនជៀសវាងការធ្វើដំណើរដែលមិនចាំបាច់ ហើយបានស្នើអ្នកទេសចរបញ្ឈប់ការធ្វើដំណើរទៅកាន់តំបន់នោះ រហូតដល់ស្ថានភាពត្រឡប់មកប្រក្រតីវិញ៕
ចែករំលែកព័តមាននេះ