ខេត្តព្រៃវែង ៖ បុរសម្នាក់ត្រូវបានកម្លាំងនគរបាល នៃអធិការដ្ឋាននគរបាលស្រុកកំពង់ត្របែក ឃាត់ខ្លួន ក្រោយពេលធ្វើសកម្មភាពយកពូថៅវា.យបំបែកទូលក់ទូរស័ព្ទចំនួន០១ និងទូតាំងសម្ភារៈទូរស័ព្ទចំនួន០១ បណ្តាលឱ្យប្រេះស្រាំតែម្តង។ ក្រោយកើតហេតុភ្លាមៗ កម្លាំងនគរបាលបានចុះដល់ទីតាំងកើតហេតុ ដើម្បីអន្តរាគមន៍ តែត្រូវជនសង្ស័យចូលក្នុងផ្ទះ រួចយកចំពាមកៅស៊ូបា.ញ់ចំនគរបាលត្រូវ១គ្រាប់ក្រោមដើមទ្រូងខាងឆ្វេង និងថែមទាំងយកកាំបិ.តគំរា.មកា.ប់ទៅលើកម្លាំងនគរបាលទៀតផង។
ហេតុការណ៍ខាងលើនេះ បានកើតឡើងនៅវេលាម៉ោង១៦និង៤២នាទីល្ងាច ថ្ងៃទី១០ ខែកក្កដា ឆ្នាំ២០២៣ នៅត្រង់ចំណុចផ្ទះរបស់ឈ្មោះ ចិន ពៅតួ ភេទប្រុស អាយុ២៤ឆ្នាំ ស្ថិតក្នុងភូមិស្វាយចេក ឃុំព្រៃឈរ ស្រុកកំពង់ត្របែក ខេត្តព្រៃវែង។ ចំណែកជនសង្ស័យដែលត្រូវឃាត់ខ្លួនមានឈ្មោះ ប៊ី នឿន ភេទប្រុស អាយុ៥១ឆ្នាំ រស់នៅភូមិស្វាយចេក ឃុំព្រៃឈរ ស្រុកកំពង់ត្របែក ខេត្តព្រៃវែង បានយកពូថៅវា.យបំបែកទូលក់ទូរស័ព្ទចំនួន០១ ទូតាំងសម្ភារៈទូរស័ព្ទចំនួន០១ បណ្តាលឱ្យប្រេះស្រាំទាំង២ទូ។
ក្រោយពីទទួលបានបណ្ដឹងពីជនរងគ្រោះភ្លាម កម្លាំងនគរបាលខេត្តព្រៃវែង បានចុះទៅដល់ផ្ទះជនសង្ស័យ ដើម្បីកោះហៅមកសាកសួរ តែជនសង្ស័យមិនព្រមសហការនោះទេ បែរជាចូលក្នុងផ្ទះយកចំពាមកៅស៊ូបា.ញ់ត្រូវចំនគរបាលចំនួន១គ្រាប់ បណ្ដាលឱ្យរងរបួស និងយកកាំបិ.តគំរា.មកា.ប់មកលើនគរបាលថែមទៀតផង។
បច្ចុប្បន្ន ជនសង្ស័យខាងលើ ត្រូវបានចាប់ឃាត់ខ្លួននៅអធិការដ្ឋាននគរបាលស្រុកកំពុងត្របែក ហើយនៅរសៀលថ្ងៃទី១២ ខែកក្កដានេះ នឹងត្រូវបញ្ជូនបន្តទៅកាន់ស្នងការដ្ឋាននគរបាលខេត្តព្រៃវែង ដើម្បីចាត់ការបន្តតាមនីតិវិធីហើយ៕
ចែករំលែកព័តមាននេះ