ក្រុងប៉ោយប៉ែត ៖ ពាក្យចចាមអារ៉ាមបង្កឱ្យមានការភ្ញាក់ផ្អើលដល់មនុស្សម្នាជាច្រើននៅក្រុងប៉ោយប៉ែត រហូតនាំគ្នាទៅមើលសាកសពដែលល្បីថា មានពលរដ្ឋខ្មែរជាច្រើនបានស្លា.ប់ត្រូវសៀមបញ្ជូនមកវិញកាលពីថ្ងៃទី៣០ មេសា មិនឃើញ និងបានចាត់ទុកថា ជារឿងមិនពិតនោះ ប៉ុន្តែមកដល់រសៀលថ្ងៃទី៨ ឧសភា ព័ត៌មានខាងលើបានក្លាយជា
ក្រុងប៉ោយប៉ែត ៖ ពាក្យចចាមអារ៉ាមបង្កឱ្យមានការភ្ញាក់ផ្អើលដល់មនុស្សម្នាជាច្រើននៅក្រុងប៉ោយប៉ែត រហូតនាំគ្នាទៅមើលសាកសពដែលល្បីថា មានពលរដ្ឋខ្មែរជាច្រើនបានស្លាប់ត្រូវសៀមបញ្ជូនមកវិញកាលពីថ្ងៃទី៣០ មេសា មិនឃើញ និងបានចាត់ទុកថា ជារឿងមិនពិតនោះ ប៉ុន្តែមកដល់រសៀលថ្ងៃទី៨ ឧសភា ព័ត៌មានខាងលើបានក្លាយជាការពិតទៅវិញ ដោយសារមានពលករខ្មែរ៤នាក់ត្រូវសៀមបញ្ជូនមកឱ្យប៉ូលិសអន្តោប្រវេសន៍នៅច្រកទ្វារអន្តរជាតិប៉ោយប៉ែត ទាំងមានរងរបួស ។ ពលករដែលរងរបួសទាំង៤នាក់ខាងលើ រួមមាន១-ឈ្មោះស៊ុន ធី ភេទប្រុស អាយុ៤០ឆ្នាំ ២-ឈ្មោះ ចឺក អាត ភេទស្រី អាយុ៣៨ឆ្នាំ ៣-ឈ្មោះធី ស្រីណែត ភេទស្រី អាយុ១០ឆ្នាំ និង៤-ឈ្មោះទិត្យ ទូច ភេទប្រុស អាយុ២៣ឆ្នាំ។ ចំពោះ ឈ្មោះធី និងឈ្មោះអាត ព្រមទាំងឈ្មោះស្រី ណែត គឺជាប្តី-ប្រពន្ធ និងកូន មកពីភូមិព្រៃត្បាល់ ឃុំចុងអំពិល ស្រុកកញ្ជ្រៀច ខេត្តព្រៃវែង ចំណែកឯឈ្មោះទូច មានទីលំនៅ ក្នុងភូមិព្រែករំពាក់ ឃុំអង្គកែវ ស្រុកទ្រាំង ខេត្តតាកែវ ។
បុរសឈ្មោះទូច បានរងរបួសដេរជាច្រើនថ្នេរ នៅក្បាល ឯគ្រួសារប្តីប្រពន្ធ និងកូនវិញបុរសជាប្តីរបួសក្បាលចំនួន២កន្លែងផ្នែកខាងក្រោយ ស្រ្តីជាប្រពន្ធ បាក់ភ្លៅខាងឆ្វេង ត្រូវចងអបដោយដែក ចំណែកកូនស្រីរបួសផ្ទៃមុខដោយអន្លើ និងបាក់ឆ្អឹងដងកាំបិតខាងឆ្វេង ។ ការរងរបួសរបស់ពួកគេទាំង៤នាក់នេះត្រូវបានប្រាប់ថា ដោយសារគ្រោះថ្នាក់ក្រឡាប់រថយន្តក្នុងទឹកដីសៀម ។ បើតាមប្តីប្រពន្ធរងគ្រោះប្រាប់ថា គ្រោះថ្នាក់នេះបានកើតឡើងនៅវេលាម៉ោងប្រហែល៤ទៀបភ្លឺថ្ងៃទី២៤ មេសា ខណៈពេលពួកគាត់កំពុងជិះរថយន្តមួយគ្រឿងមិនស្គាល់ម៉ាក ។
ពួកគាត់បន្តថា ពេលកើតគ្រោះថ្នាក់ គឺមានពលករខ្មែរទាំងអស់៣៥នាក់ ទាំងក្មេងទាំងចាស់ ជិះក្នុងរថយន្តនោះ ហើយពេលរថយន្តកំពុងបើកលឿន ក៏ត្រូវសមត្ថកិច្ចសៀមបានបាញ់បំបែកកង់ បណ្តាលឱ្យក្រឡាប់ ។ ស្ត្រីជាប្រពន្ធរៀបរាប់ថា ពេលនោះអ្នកជិះក្នុងរថយន្តសន្លប់បាត់ស្មារតីស្ទើរគ្រប់គ្នា ។ ឯបុរសជាប្តីប្រាប់ថា គាត់ឃើញមានអ្នកស្លាប់ចំនួន៦នាក់ត្រូវសមត្ថកិច្ចសៀមរុំសំពត់ស ប៉ុន្តែពុំដឹងថា ដឹកយកទៅណាឡើយ ហើយគ្រប់គ្នាត្រូវគេបញ្ជូនចូលមន្ទីរពេទ្យដោយបំបែកគ្នា និងពុំឱ្យដឹងថា អ្នកខ្លះទៅសម្រាកនៅមន្ទីរពេទ្យណានោះេទ ។ពួកគាត់ទាំង៤នាក់ប្រាប់ថា មុនបញ្ជូនពួកគាត់មកវិញ ក៏ត្រូវគេឃុំខ្លួនអស់៥យប់ដែរ ទាំងរបួស ។
ជនរងគ្រោះទាំងនេះ ត្រូវបានប៉ូលិសក្រុងប៉ោយប៉ែតហៅទៅសួរនាំដើម្បីធ្វើកំណត់ហេតុ និងត្រូវបានដឹងថា ពួកគាត់ចូលទៅដីសៀមតាមច្រករបៀងក្នុងស្រុកសំពៅលូន ខេត្តបាត់ដំបង ដើម្បីទៅស៊ីឈ្នួលចិញ្ចឹមជ្រូក ។ ចំពោះទីកន្លែងកើតគ្រោះថ្នាក់ចរាចរណ៍នោះពួកគាត់ប្រាប់ថា ពុំស្គាល់ថា នៅស្រុក ឬខេត្តអ្វីទេ។
គួរបញ្ជាក់ថា កាលពីថ្ងៃទី៣០ មេសា កន្លងទៅ នៅវត្តបាលិលេយ្យ ស្ថិតក្នុងភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត មានប្រជាពលរដ្ឋនាំគ្នាសម្រុកចូលវត្ត ដើម្បីរកមើលសាកសពដែលឮពាក្យចចាមអារ៉ាមថា មានសពពលរដ្ឋខ្មែរជាច្រើនត្រូវគេបញ្ជូនពីសៀមដោយអ្នកខ្លះថា ត្រូវថ្នាំពុល អ្នកខ្លះថា គេបាញ់ ឯអ្នកខ្លះថា គ្រោះថ្នាក់ចរាចរណ៍ ទីបំផុតពលករខ្មែរបានជួបគ្រោះថ្នាក់ពេលជិះរថយន្តក្នុងទឹកដីសៀមមែន ៕
ចែករំលែកព័តមាននេះ