រាជធានីភ្នំពេញ ៖ នៅតាមផ្សារក្នុងរាជធានីភ្នំពេញ ទំនិញគ្រាប់មុខមានការឡើងថ្លៃជាបន្តបន្ទាប់ ជាពិសេសគ្រឿងឧបភោគ បរិភោគធ្វើឱ្យអាជីវករ និងប្រជាពលរដ្ឋរអ៊ូរទាំជាខ្លាំង ។ ជាក់ស្តែងសាច់ជ្រូកលក់លើទីផ្សារក្នុងរាជធានីភ្នំពេញ ឡើងរហូតដល់ទៅ២១.០០០រៀល ឬ២២.០០០រៀល ក្នុងមួយគីឡូក្រាម។ មូលហេតុដែលនាំឱ្យសាច់ជ្រូក
រាជធានីភ្នំពេញ ៖ នៅតាមផ្សារក្នុងរាជធានីភ្នំពេញ ទំនិញគ្រាប់មុខមានការឡើងថ្លៃជាបន្តបន្ទាប់ ជាពិសេសគ្រឿងឧបភោគ បរិភោគធ្វើឱ្យអាជីវករ និងប្រជាពលរដ្ឋរអ៊ូរទាំជាខ្លាំង ។ ជាក់ស្តែងសាច់ជ្រូកលក់លើទីផ្សារក្នុងរាជធានីភ្នំពេញ ឡើងរហូតដល់ទៅ២១.០០០រៀល ឬ២២.០០០រៀល ក្នុងមួយគីឡូក្រាម។ មូលហេតុដែលនាំឱ្យសាច់ជ្រូកឡើងថ្លៃនោះមានកត្តាច្រើនយ៉ាង ទី១-ដោយការចិញ្ចឹមជ្រូកក្នុងស្រុករបស់ប្រជាពលរដ្ឋមានការធ្លាក់ចុះមិនអាចផ្គត់ផ្គង់លើទីផ្សារប្រចាំថ្ងៃបានគ្រប់គ្រាន់ ទី២-បច្ចុប្បន្នជ្រូកនាំចូលពីប្រទេសថៃ មានចំនួនតិច ដែលត្រូវបែងចែកទៅលក់នៅលើទីផ្សារ តាមបណ្តាខេត្តមួយចំនួន ទី៣-កត្តាទំនិញផ្សេងៗឡើងថ្លៃខ្ពស់ដូចជា ប្រេងឥន្ធនៈជាដើម និងទី៤-ការបំផុសចលនាប្រជាពលរដ្ឋចិញ្ចឹមជ្រូកកាន់តែច្រើន និងឱ្យបានជាប្រចាំសម្រាប់តម្រូវការទីផ្សារក្នុងស្រុកនោះ ហាក់ដូចជាកាត់បន្ថយ ។
មន្ត្រីបសុពេទ្យនៃមន្ទីរកសិកម្មរាជធានីភ្នំពេញ បានឱ្យកោះសន្តិភាពដឹងនៅព្រឹកថ្ងៃទី៩ ឧសភា ២០១១ នេះថា មូលហេតុដែលសាច់ជ្រូកឡើងថ្លៃនៅលើទីផ្សារក្នុងរាជធានីភ្នំពេញ ដោយសារយើងខ្វះសត្វជ្រូកសម្រាប់កាប់សាច់លក់ និងប្រជាពលរដ្ឋនាំគ្នាផ្អាកចិញ្ចឹម ពីព្រោះឆ្នាំកន្លងទៅពួកគាត់នាំគ្នាចិញ្ចឹមច្រើន ប៉ុន្តែទីផ្សារជ្រូកធ្លាក់ថ្លៃ ។ ម្យ៉ាងទីផ្សារយើងរំពឹងជ្រូកសាច់នាំចូលពីប្រទេសថៃ រហូតដល់ទៅ៧០ ឬ៨០% ឯណោះ ចំណែកឯជ្រូកដែលចិញ្ចឹមក្នុងស្រុកប្រមាណតែ២០ ឬ៣០%ប៉ុណ្ណោះ ហើយប្រជាពលរដ្ឋយើងឆាប់រាងចាល ឧទាហរណ៍ឆ្នាំ២០០៨ ជ្រូកឡើងថ្លៃនាំគ្នាចិញ្ចឹមស្ទើរគ្រប់គ្នា លុះដល់ឆ្នាំក្រោយ ជ្រូកធ្លាក់ថ្លៃក៏នាំគ្នាឈប់ចិញ្ចឹមវិញ ។
មន្ត្រីបសុពេទ្យដដែលបានឱ្យដឹងទៀតថា ឆ្នាំកន្លងទៅជ្រូកនាំចូលពីប្រទេសថៃ មិនមានបែងចែកលក់នៅតាមបណ្តាខេត្តនោះទេ គឺផ្គត់ផ្គង់តែនៅទីផ្សារក្នុងរាជធានីភ្នំពេញប៉ុណ្ណោះ តែពេលនេះនៅតាមបណ្តាខេត្តផ្សេងៗប្រជាពលរដ្ឋមិនសំបូរចិញ្ចឹមជ្រូកទេ ទើបបែងចែកទៅលក់នៅតាមខេត្ត ។ លើសពីនេះ ជ្រូកសាច់មួយចំនួនក៏មាននាំចូលពីប្រទេសវៀតណាមដែរ តែពេលនេះត្រូវបានបិទឬផ្អាកដែលយើងនាំចូលតែពីប្រទេសថៃច្រើនព្រោះមានអាជ្ញាប័ណ្ណ៕
ចែករំលែកព័តមាននេះ