ខេត្តបាត់ដំបង ៖ យោងតាមសេចក្ដីរាយការណ៍បឋមបានឲ្យដឹងថា គេឃើញយុវជន០២នាក់ជិះម៉ូតូមួយគ្រឿងជិះដេញតាមកា-ប់យ៉ាងប្រផាប់ប្រភីងទៅលើភាគីម្ខាងទៀតដែលមានគ្នា០៣នាក់ ក្នុងនោះមានស្រីម្នាក់ផង ដែលកំពុងជិះម៉ូតូឌុបគ្នា បង្កឲ្យមានការភ្ញាក់ផ្អើលយ៉ាងខ្លាំងនៅតាមដងផ្លូវ ខណ:ភាគី០៣នាក់បានព្យាយាមជិះរត់គេចទាំងព្រលឹងចុងសក់ រហូតដូលលើចិញ្ចើមថ្នល់បណ្ដាលឲ្យរងរបួសទាំង០៣នាក់ កាលពីវេលាម៉ោង៩ និង៣០នាទីយប់ថ្ងៃទី០៩ កក្កដា នៅចំណុចជិតស្ដុបផ្សារបឹងឈូក ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង តែរហូតមកដល់ពេលនេះគេពុំទាន់ដឹងពីមូលហេតុនៅឡើយទេ ។
នៅកន្លែងកើតហេតុនាយប់នោះ គេមិនទាន់ស្គាល់អត្តសញ្ញាណភាគីរងគ្រោះទាំង០៣នាក់នោះនៅឡើយទេ តែគេបានដឹងថា ពួកគេទាំង០៣នាក់ មានម្នាក់រងរបួសត្រង់ក្បាកធ្ងន់ធ្ងរ រីឯ០២នាក់ទៀត ដែលមានស្រីម្នាក់ផង រងរបួសស្រាល ។ បើតាមប្រភពព័ត៌មានបឋមនៅកន្លែងកើតហេតុ ពួកគេទាំង០៣នាក់មិនមែនរងរបួសដោយសារកាំបិតគូសត្រូវដេញតាមកាប់ទេ គឺរបួសដោយសារពួកគេភ័យខ្លាំងជិះម៉ូតូដូលបុកចិញ្ចើមថ្នល់ពេញទំហឹង ។ នៅកន្លែងកើតហតុ យុវជនម្នាក់ដែលរបួសស្រាលបានប្រាប់ក្រុមអ្នកសារព័ត៌មានអនឡាញថា ក្រុមជនដៃដល់បានជិះម៉ូតូដេញតាមកាប់ពួកខ្លួនតាំងពីចំណុចផ្សារទំនើប ភូពុយ រហូតដល់ចំណុចម្ដុំភ្លើងស្ដុបផ្សារបឹងឈូក នៅពេលខ្លួនដូលម៉ូតូ ។
ពួកខ្លួនមិនធ្លាប់ស្គាល់ជន០២នាក់នោះទេ ហើយពួកខ្លួនក៏មិនដឹងពីហេតុផលដែលជន០២នាក់នោះជិះតាមកាប់ពួកខ្លួនដែរ ។ ប៉ុន្តែនារីម្នាក់ដែលរងរបួស្រាល ត្រូវបានគេស្រង់សំដីនៅកន្លែងកើតហេតុថា ដំបូងជន០២នាក់នោះ បានព្យាយាមលូកដៃឆក់យកទូរស័ព្ទពីនាង តែឆក់មិនបានក៍ព្យាយាមជិះម៉ូតូដេញតាម និង ដកកាំបិតកាប់មកលើនាង តែកាប់ខុស ហើយជននោះបានជិះដឹញតាមពីក្រោយរហូត។ ពេលជិះដេញតាមពីក្រោយ នាងបានស្រែក «ចោរ ចោរ» ឲ្យគេជួយទៀតផង លុះដល់ចំណុចខាងក៏ដូលម៉ូតូបណ្ដាលឲ្យរងបួសទាំងអស់គ្នា។
យ៉ាងណាក្ដី នៅកន្លែងកើតហេតុ គេឃើញទាំងសមត្ថកិច្ចទាំងក្រុមអ្នកសារព័ត៌មាន បានព្យាយាមសួរនាំជនរងគ្រោះដែលរបួសស្រាល ដើម្បីចង់ដឹងពីមូលហេតុដែលនាំឲ្យមានការជិះម៉ូតូដេញកាប់គ្នានេះ តែមិនទទូលបានចម្លើយជាក់លាក់នោះទេ ។ បើស្ថាប់តាមការបំភ្លឺបឋមពីនារីរងគ្រោះ គេសន្និដ្ឋានថា អាចជាករណីឆក់ទូរស័ព្ទមិនបានសម្រេច ហើយជិះតាមកាប់ ។ យ៉ាងណានេះគ្រាន់តែចាត់ទុក ជាការផ្ដល់ចម្លើយមិនច្បាស់លាស់ប៉ុណ្ណោះ។ ប៉ុន្តែរហូតមកដល់ពេលនេះគេនូវតែមិនទាន់ដឹងថា តើនៅក្នុងព្រឹត្តិការណ៍ជនពាលជិះម៉ូតូដេញកាប់គ្នាខាងលើនេះ ជាករណីជិះតាមឆក់យកទ្រព្យសម្ប្បត្តិ ឬ ជិះតាមកាប់ប្លន់ ឬ ជិះតាមកាប់ព្រោះតែរឿងគំនុំ ឬ យ៉ាងណានោះទេ.?
ដោយឡែក បើនិយាយពីកម្លាំងសមត្ថកិច្ចដែលចុះទៅកាន់កន្លែងកើតហេតុភ្លាមៗដែរ ក៍មិនទទូលបានចម្លើយជាវជ្ជមានពីជនរងគ្រោះទាំង០៣នាក់នោះដែរ ។ បើតាមមន្ត្រីដែលចុះទៅនោះបាននិយាយថា ជនរងគ្រោះ ហាក់ផ្ដល់ចម្លើយមិនជាក់លាក់សោះនៅកន្លែងកើតហេតុ ដូច្នេះគេមិនទាន់ដឹងថា តើករណីខាងលើនេះ ផ្ដើមឡើងពីអ្វីឲ្យប្រាកដទេ ព្រោះជនរងគ្រោះភ័យនឹងសត្រូវដេញកាប់ផង និង បារម្ភពីអ្នករងរបួសធ្ងន់ផង ។ ប៉ុន្តែយ៉ាងណា ពេលនេះ កម្លាំងជំនាញកំពុងចុះសាកសួរជនរងគ្រោះបន្តហើយ ដើម្បីស្វែងរកមូលហេតុពិតប្រាកដ ៕
ចែករំលែកព័តមាននេះ