ខេត្តបាត់ដំបង ៖ សិស្សានុសិស្សថ្នាក់ទី១២ ជាង២០០នាក់ មកពីវិទ្យាល័យនេត្រយ៉ង់ វិទ្យាល័យសម្តេចឪ និងវិទ្យាល័យព្រះមុនីវង្ស ក្នុងក្រុងបាត់ដំបងបានមកជួបជុំគ្នានៅក្នុងសាលប្រជុំសាកលវិទ្យាល័យអន្តរជាតិឌូវី ដើម្បីធ្វើសិក្ខាសាលាស្តីអំពីការស្រាវជ្រាវព័ត៌មានតាមប្រព័ន្ធអ៊ីនធើរណេត នៅព្រឹកថ្ងៃទី៨ ឧសភា ក្រោមការរៀបចំពី
ខេត្តបាត់ដំបង ៖ សិស្សានុសិស្សថ្នាក់ទី១២ ជាង២០០នាក់ មកពីវិទ្យាល័យនេត្រយ៉ង់ វិទ្យាល័យសម្តេចឪ និងវិទ្យាល័យព្រះមុនីវង្ស ក្នុងក្រុងបាត់ដំបងបានមកជួបជុំគ្នានៅក្នុងសាលប្រជុំសាកលវិទ្យាល័យអន្តរជាតិឌូវី ដើម្បីធ្វើសិក្ខាសាលាស្តីអំពីការស្រាវជ្រាវព័ត៌មានតាមប្រព័ន្ធអ៊ីនធើរណេត នៅព្រឹកថ្ងៃទី៨ ឧសភា ក្រោមការរៀបចំពីលោកខែម រស្មី សាកលវិទ្យាធិការ និងលោកបណ្ឌិតរ៉ាយម៉ែន ហ្សិប (Raymond Zepp) សាកលវិទ្យាធិការរងមកពីសហរដ្ឋអាមេរិក និងការធ្វើបទបង្ហាញដោយលោកសាស្ត្រាចារ្យ Helmut Sachs ជាគ្រូឯកទេសកុំព្យូទ័រមកពីប្រទេសអាល្លឺម៉ង់ ។
លោកខែម រស្មី សាកលវិទ្យាធិការនៃសាកលវិទ្យាល័យអន្តរជាតិឌូវី បានបញ្ជាក់ពីគោលបំណងដែលសិស្សទាំងអស់ទទួលបានអត្ថប្រយោជន៍យល់ដឹងនោះគឺមាន តើប្រព័ន្ធអ៊ីនធើរណេតគឺជាអ្វី? របៀបស្វែងរកព័ត៌មានបានលឿនរហួស ការប្រើប្រាស់ Google ឬ Wikipedia និងប្រភពបណ្តាញព័ត៌មានល្បីៗជាច្រើនទៀតទាំងនៅក្នុងប្រទេសកម្ពុជា និងលើសាកលលោក។ របៀបស្វែងរក ថតចម្លងបទចម្រៀង និងវីដេអូថ្មីៗកំពុងពេញនិយម ទាំងអស់នេះសិស្សានុសិស្សភាគច្រើនមិនទាន់មានការយល់ដឹងនៅឡើយ ដូច្នេះហើយនេះជាពេលវេលាសមស្របមួយដែលក្មួយៗត្រូវតែខិតខំទទួលយកនូវចំណេះដឹងបែបសម័យថ្មីទៅប្រើប្រាស់ឱ្យទាន់អារ្យប្រទេសលើពិភពលោកកំពុងប្រើប្រាស់ជារៀងរាល់ថ្ងៃ ហើយការសិក្សានេះគឺគ្មានគិតថ្លៃអ្វីឡើយ និងទទួលបានលិខិតបញ្ជាក់ពីសាកលវិទ្យាល័យអន្តរជាតិឌូវីផងដែរ។
លោកបន្តថា នៅសប្តាហ៍ក្រោយ នឹងមានសិក្ខាសាលាមួយទៀតបញ្ជាក់ពីរូបមន្តនៃការធ្វើគណិតវិទ្យា និងផ្នែកសេដ្ឋកិច្ចដោយលោកបណ្ឌិតរ៉ាយម៉ែន ហ្សិប មកពីសហរដ្ឋអាមេរិក យកបទពិសោធន៍ និងការអនុវត្តផ្ទាល់មកបង្រៀនបញ្ចូលគ្នាទាំងទ្រឹស្តី និងការអនុវត្ត ព្រោះកន្លងមកសិស្សទទួលយកបានត្រឹមតែទ្រឹស្តីហើយការចុះប្រឡូកផ្ទាល់ត្រូវប្រើពេលរាប់ឆ្នាំ បន្តទៀត ដើម្បីយកបទពិសោធន៍ក្នុងការអនុវត្តតាមទ្រឹស្តីដែលរៀនចេះនេះជាវិធីសាស្ត្រថ្មីដែលគេកំពុងផ្លាស់ប្តូរនៅលើសាកលលោកបច្ចុប្បន្ន ៕
ចែករំលែកព័តមាននេះ