ADផ្ទាំងផ្សព្វផ្សាយពាណិជ្ជកម្ម

វៀតណាមកំពុងចាត់វិធានការក្ដៅលើក្រុមខេផប់កូរ៉េ Blackpink ដែលផ្សព្វផ្សាយផែនទីមានជម្លោះ

1 ឆ្នាំ មុន

០៦ ខែ កក្កដា ឆ្នាំ ២០២៣ ម៉ោង ២០:០២

អាជ្ញាធរវៀតណាមចាប់ផ្ដើមស៊ើបអង្កេតគេហទំព័ររបស់ស្ថាប័នរៀបចំកម្មវិធីសម្ដែងរបស់ក្រុមចម្រៀងខេបផប់កូរ៉េប្លេកភីង (Blackpink) មុនពេលក្រុមនេះទៅសម្ដែងនៅទីក្រុងហាណូយ។ ចំណាត់ការនេះធ្វើឡើងនៅពេលមានការរិះគន់ពីសំណាក់ប្រិយមិត្តរបស់ក្រុមសម្ដែងនេះដែលអះអាងថាក្រុមនេះបានបង្ហាញផែនទីសមុទ្ទចិនខាងត្បូងដែលកំពុងមានភាពចម្រូងចម្រាស។ ថ្មីៗនេះ, វៀតណាមទើបតែហាមចាក់បញ្ចាំងរឿងបាប៊ី (Barbie) នៅតាមរោងភាពយន្តរបស់ខ្លួន ដោយសារភាពយន្តនេះនិយាយពីខ្សែបន្ទាត់ដាច់ៗចំនួន៩ចំណុចនៅសមុទ្ទចិនខាងត្បូង។ វៀតណាមមិនទទួលស្គាល់ផែនទីនេះទេ…

ថ្មីៗនេះ, វៀតណាមទើបតែហាមចាក់បញ្ចាំងរឿងបាប៊ី (Barbie) នៅតាមរោងភាពយន្តរបស់ខ្លួន ដោយសារភាពយន្តនេះនិយាយពីខ្សែបន្ទាត់ដាច់ៗចំនួន៩ចំណុចនៅសមុទ្ទចិនខាងត្បូង។ វៀតណាមមិនទទួលស្គាល់ផែនទីនេះទេ ព្រោះប៉ះពាល់បូរណភាពទឹកដីរបស់ខ្លួន។

រូប poster របស់ខ្សែភាពយន្តរឿង Barbie ដែលវៀតណាមហាមចាក់បញ្ចាំងនៅតាមរោងកុនរបស់ខ្លួន។ រឿងនេះគ្រោងចាក់នៅរោងកុនអង់គ្លេសនាថ្ងៃទី២១ ខែកក្កដាខាងមុខនេះ។

ក្រសួងវប្បធម៌វៀតណាមថ្លែងកាលពីល្ងាចថ្ងៃពុធថាខ្លួនបានបញ្ជាឱ្យត្រួតពិនិត្យមើលគេហទំព័ររបស់ក្រុមចម្រៀងកូរ៉េខាងលើ ដើម្បីផ្ទៀងផ្ទាត់ថាតើក្រុមរៀបចំការសម្ដែងរបស់ប្លេកភីងពិតជាបានផ្សព្វផ្សាយផែនទីដូចការសង្ស័យដែរឬទេ។ ក្រសួងមិនបានឆ្លើយតបចំពោះសំណួររបស់អ្នកកាសែតដែលសួរថានឹងមានលទ្ធផលយ៉ាងណាចំពោះការត្រួតពិនិត្យនេះ។ ម៉្យាងទៀត គេមិនទាន់ដឹងថាលទ្ធផលស៊ើបអង្កេតនេះនឹងប្រកាសឱ្យដឹងនៅពេលណាទេ។

ក្រុមអាយអឹមអ៊ី (iME) របស់ចិន និងវ៉ាយជី អឹនធើថេនមេន (YG Entertainment) របស់កូរ៉េខាងត្បូងដែលទទួលរ៉ាប់រងរៀបចំការសម្ដែងរបស់ក្រុមប្លេកភីង មិនទាន់ធ្វើអត្ថាធិប្បាយយ៉ាងណានៅឡើយទេ។ កាលពីថ្ងៃព្រហស្បតិ៍, គេហទំព័រប្លេកភីងមិនអាចបើកចេញទេ។ ប៉ុន្តែកាលពីថ្ងៃទី៤ ខែកក្កដា, គេបានមើលឃើញផែនទីប្រើបន្ទាត់ដាច់ៗ៩ចំណុចពិតមែន។ វៀតណាម និងចិនមានភាពចម្រូងចម្រាសខ្លាំងពាក់ព័ន្ធនឹងតំបន់ត្រួតស៊ីគ្នាដែលសម្បូរធនធានធម្មជាតិក្រោមបាតសមុទ្ទ។

ក្រុមប្លេកភីងជាករណីថ្មីបំផុតដែលមានបញ្ហាចម្រូងចម្រាសនៅវៀតណាមពាក់ព័ន្ធនឹងបញ្ហាផែនទីបន្ទាត់ដាច់ៗចំនួន៩ចំណុច។ ប្រិយមិត្ត និងអ្នកលេងបណ្ដាញសង្គមរបស់វៀតណាមហាក់ដូចជាមិនសប្បាយចិត្តទាល់តែសោះ នៅពេលពួកគេឃើញផែនទីនេះនៅលើគេហទំព័ររបស់ក្រុមប្លេកភីង។

ប្រិយមិត្តរបស់ក្រុមប្លេកភីងម្នាក់ឈ្មោះធូអាញ់ស៊ិញ (Tu Anh Xinh) សរសេរនៅលើហ្វេសប៊ុកថាខ្លួនទិញសំបុត្រទៅមើលការសម្ដែងរបស់ប្លេកភីង២សន្លឹក។ នៅពេលខ្លួនឃើញរូបផែនទីនេះហើយ, ខ្លួនអស់អារម្មណ៍នឹងទៅមើលការសម្ដែងរបស់ក្រុមនេះ។

ក្រុមតារាសម្ដែងខេផប់របស់កូរ៉េខាងត្បូងឈ្មោះប្លេកភីងត្រៀមទៅសម្ដែងនៅប្រទេសវៀតណាមជាលើកដំបូងរយៈពេល២ថ្ងៃនៅថ្ងៃទី២៩ និងថ្ងៃទី៣០ ខែកក្កដាខាងមុខនេះ។ ក្រុមនេះបានទទួលលិខិតអនុញ្ញាតពីរដ្ឋាភិបាលទីក្រុងហាណូយរួចហើយ។ វៀតណាមស្នើសុំឱ្យក្រុមប្លេកភីងអនុវត្តឱ្យបានខ្ជាប់ខ្ជួនតាមគោលនយោបាយ និងបទបញ្ញត្តិរបស់រដ្ឋាភិបាល៕

ប្រភព៖ Channel News Asia
https://www.channelnewsasia.com/asia/vietnam-probe-blackpink-concert-organiser-yg-entertainment-south-china-sea-map-3610011