សេតវិមានប្រកាសអាសន្ន និងជម្លៀសមនុស្សចេញ ក្រោយប្រទះឃើញរបស់អាថ៌កំបាំងម្យ៉ាង
សហរដ្ឋអាមេរិក ៖ មានការប្រកាសអាសន្នខុសមួយកាលពីចុងសប្ដាហ៍កន្លងទៅនៅសេតវិមាន។
សហរដ្ឋអាមេរិក ៖ មានការប្រកាសអាសន្នខុសមួយកាលពីចុងសប្ដាហ៍កន្លងទៅនៅសេតវិមាន។ កាសែតវ៉ាស៊ីនតោនប៉ុស្តិ៍ថា និវេសនដ្ឋានផ្លូវការរបស់ប្រធានាធិបតីអាមេរិក ត្រូវជម្លៀសមនុស្សចេញរយៈពេលខ្លី កាលពីយប់ថ្ងៃទី២ កក្កដា ក្រោយប្រទះឃើញម្សៅពណ៌សក្នុងផ្នែកខាងលិចនៃសេតវិមានហៅផ្នែកWEST WING ។
តាមលោកANTHONY GUCLIELMI អ្នកនាំពាក្យប៉ូលិសសម្ងាត់ថា ការវិភាគដំបូងៗលើម្សៅនោះបង្ហាញថា សារធាតុអាថ៌កំបាំងនោះតាមពិតជាគ្រឿងញៀ.នកូកាអ៊ីន។ ការធ្វើតេស្តបន្ថែមទៀតបច្ចុប្បន្នកំពុងបន្ត ដើម្បីឲ្យច្បាស់ពីធាតុពិតនៃម្សៅពណ៌សនោះ ហើយការស៊ើបអង្កេតមួយក៏កំពុងធ្វើដើម្បីឲ្យដឹងថា តើម្សៅនោះនាំចូលសេតវិមានបានដោយរបៀបណា។
ម្សៅពណ៌សនេះត្រូវបានប្រទះឃើញដោយពួកភ្នាក់ងារសម្ងាត់ ខណៈពួកគេធ្វើការល្បាតជាទម្លាប់នាថ្ងៃទី២ កក្កដា។ ភ្នាក់ងារទាំងនេះបានឃើញវានៅផ្នែករួមនៃស្លាបខាងលិចរបស់សេតវិមាន ដែលពួកអ្នកទេសចរអាចចូលទៅបាន ហើយពុំមែនក្នុងការិយាល័យមួយឡើយ។ សេតវិមានត្រូវជម្លៀសមនុស្សចេញនាវេលាម៉ោង២០និង៤៥នាទីម៉ោងក្នុងស្រុក ទុកពេលឲ្យពួកអ្នកជំនាញរដ្ឋធានីសហព័ន្ធធ្វើអន្តរាគមន៍និងកំណត់ថា សារធាតុដែលរកឃើញនោះមិនមានគ្រោះថ្នាក់៕
ចែករំលែកព័តមាននេះ