រាជធានីភ្នំពេញ ៖ សម្តេចតេជោនាយករដ្ឋមន្ត្រីហ៊ុន សែន បានអញ្ជើញនិវត្តន៍មកដល់ព្រះរាជាណាចក្រកម្ពុជា ប្រកបដោយសុវត្ថិភាពហើយកាលពីវេលាម៉ោង៦និង៤៥នាក់ល្ងាចថ្ងៃទី៨ ឧសភា បន្ទាប់ពីសម្តេចតេជោបានអញ្ជើញចូលរួមក្នុងកិច្ចប្រជុំកំពូលអាស៊ានលើកទី១៨ ដែលប្រារព្ធធ្វើនៅទីក្រុងហ្សាការតា ប្រទេសឥណ្ឌូណេស៊ី រយៈពេល២ថ្ងៃនោះរួចមក
រាជធានីភ្នំពេញ ៖ សម្តេចតេជោនាយករដ្ឋមន្ត្រីហ៊ុន សែន បានអញ្ជើញនិវត្តន៍មកដល់ព្រះរាជាណាចក្រកម្ពុជា ប្រកបដោយសុវត្ថិភាពហើយកាលពីវេលាម៉ោង៦និង៤៥នាក់ល្ងាចថ្ងៃទី៨ ឧសភា បន្ទាប់ពីសម្តេចតេជោបានអញ្ជើញចូលរួមក្នុងកិច្ចប្រជុំកំពូលអាស៊ានលើកទី១៨ ដែលប្រារព្ធធ្វើនៅទីក្រុងហ្សាការតា ប្រទេសឥណ្ឌូណេស៊ី រយៈពេល២ថ្ងៃនោះរួចមក។
កាលពីថ្ងៃអាទិត្យម្សិលមិញក្រោមការរៀបចំរបស់លោកស៊ូស៊ីឡូ បាំបាង យូដូ យ៉ូណូ ប្រធានាធិបតីនៃសាធារណរដ្ឋឥណ្ឌូណេស៊ី ជំនួបមេដឹកនាំកម្ពុជា-ថៃ និងឥណ្ឌូណេស៊ី ត្រូវបានប្រារព្ធធ្វើឡើងនៅក្រៅកិច្ចប្រជុំកំពូលអាស៊ានលើកទី១៨ នៅទីក្រុងហ្សាការតា ប្រទេសឥណ្ឌូណេស៊ី កាលពីវេលាម៉ោង៧និង៥៥នាក់ព្រឹកថ្ងៃទី៨ ឧសភា ពោលគឺនៅមុន១ម៉ោង នៃពិធិបើកកិច្ចប្រជុំចង្អៀត របស់កិច្ចប្រជុំកំពូលអាស៊ាន លើកទី១៨ ។ ជំនួបពិភាក្សារបស់ប្រមុខថ្នាក់ដឹកនាំនៃប្រទេសទាំងបី ដែលបានចំណាយពេល១ម៉ោងនេះ ប្រព្រឹត្តទៅប្រកបដោយភាពស្និទ្ធស្នាលរាក់ទាក់បំផុត ។ បន្ទាប់ពីជំនួបពិភាក្សារបស់ប្រមុខដឹកនាំនៃប្រទេសទាំង៣ លោកហោ ណាំហុង ឧបនាយករដ្ឋមន្ត្រី រដ្ឋមន្ត្រីក្រសួងការបរទេស បានមានប្រសាសន៍ឱ្យដឹងថា សម្តេចតេជោនាយករដ្ឋមន្ត្រីបានទទូចអំពាវនាវដល់ភាគីថៃ ឱ្យចុះហត្ថលេខាលិខិតយល់ព្រមយកលក្ខខណ្ឌប្រតិបត្តិដាក់អ្នកសង្កេតការណ៍ឥណ្ឌូណេស៊ីជាមុន ប៉ុន្តែភាគីថៃមិនយល់ព្រមទេ ដោយនិយាយពង្វាងឱ្យកម្ពុជាដកទ័ពចេញពីប្រាសាទព្រះវិហារឯណា ឯណោះឆ្កុយ។
ទាក់ទិនទៅនឹងបញ្ហានេះ លោកឧបនាយករដ្ឋមន្ត្រីកម្ពុជាហោ ណាំហុង បានធ្វើការគូសបញ្ជាក់ថា ភាគីថៃចង់ឱ្យគណៈកម្មការព្រំដែនធ្វើការជួបប្រជុំគ្នាជាមុនសិន មុននឹងដាក់អ្នកសង្កេតការណ៍ឥណ្ឌូណេស៊ី និងបន្តទទូចឱ្យមានការដោះស្រាយបញ្ហាដកកងទ័ពនៅតំបន់ព្រំដែនប្រាសាទព្រះវិហារថែមទៀត ។ នៅចំពោះមុខមេដឹកនាំទាំងបី សម្តេចតេជោបានមានប្រសាសន៍សង្កត់ធ្ងន់ថា កម្ពុជាមិនឆោតល្ងង់ដល់ថ្នាក់បំផ្លាញប្រាសាទទេ យើងយល់ពីអ្វីដែលជាបេតិកភណ្ឌពិភពលោក ដោយសារប្រាសាទព្រះវិហារជាសម្បត្តិបេតិកភណ្ឌពិភពលោក យើងមិនបានដាក់កងទ័ពនៅលើប្រាសាទព្រះវិហារនោះទេ ៕
ចែករំលែកព័តមាននេះ