ជិះម៉ូតូពូផ្ញើឱ្យពីស្រុកទៅហូបអីជាមួយមិត្តភក្តិ លុះមកវិញ ស្រាប់តែមានភ្លើងឆេះ ស្រែកហៅគេជួយផ្អើល
- ភ្នំពេញ
រាជធានីភ្នំពេញ ៖ បុរសម្នាក់ជិះម៉ូតូចេញពីហូបអីជាមួយមិត្តភក្តិតែម្នាក់ឯងសុខៗ ស្រាប់លេចចេញ
រាជធានីភ្នំពេញ ៖ បុរសម្នាក់ជិះម៉ូតូចេញពីហូបអីជាមួយមិត្តភក្តិតែម្នាក់ឯងសុខៗ ស្រាប់លេចចេញ
រាជធានីភ្នំពេញ ៖ បុរសម្នាក់ជិះម៉ូតូចេញពីហូបអីជាមួយមិត្តភក្តិតែម្នាក់ឯងសុខៗ ស្រាប់លេចចេញជាអណ្ដាតភ្លើងឆាបឆេះម៉ូតូយ៉ាងសន្ធោសន្ធៅ ធ្វើឲ្យបុរសជាម្ចាស់ម៉ូតូភ័.យលោតចុះពីលើម៉ូតូសឹងតែមិនទាន់ កាលពីវេលាម៉ោង១និង២០នាទីរំលងអាធ្រាត្រឈានចូលថ្ងៃទី៤ ខែកក្កដា ឆ្នាំ២០២៣ ត្រង់ចំណុចក្បែរភោជនីយដ្ឋានឈីរ៉ូ តាមបណ្ដោយផ្លូវបុរីអង្គរភ្នំពេញ ក្នុងសង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ ។
តាមប្រភពពីបុរសជាម្ចាស់ម៉ូតូបានឲ្យដឹងថា នៅមុនពេលកើតហេតុ គាត់បានជិះម៉ូតូមួយគ្រឿងម៉ាកហុងដាVISION ពាក់ស្លាកលេខ ភ្នំពេញ 1AF-4842 តែជិះចេញពីហូបអីជាមួយមិត្តភក្តិនៅក្បែរនោះ បំណងជិះត្រឡប់ទៅផ្ទះវិញនៅឯគីឡូលេខ៩ បានធ្វើដំណើរតាមបណ្ដោយផ្លូវបុរីអង្គរភ្នំពេញ ទិសដៅពីជើងទៅត្បូង។ លុះដល់ចំណុចកើតហេតុ ក៏ស្រាប់តែម៉ូតូនោះលេចចេញអណ្ដាតភ្លើងឆាបចេះពីម៉ាស៊ីនម៉ូតូ។ ខណៈពេលនោះគាត់ក៏បានលោតចុះពីលើម៉ូតូ និងបានស្រែកអោយគេជួយ ប៉ុន្តែដោយនៅកន្លែងកើតហេតុមានសភាពស្ងាត់ និងមិនមានទឹកដែលអាចដួសយកមកពន្លត់បាន ទើបធ្វើឲ្យអណ្ដាតភ្លើងឆាបឆេះកាន់តែខ្លាំងទៅៗអស់រយៈពេលតែជាង១០នាទីរហូតភ្លើងឆាបឆេះម៉ូតូរបស់គាត់ខូចខាតអស់ទាំងស្រុង សល់តែតួ និងកង់ម៉ូតូ ។
តាមប្រភពដដែលបន្តថា ម៉ូតូនោះគឺជាម៉ូតូរបស់ពូគាត់ផ្ញើរពីស្រុកឲ្យទុកជិះធ្វើការប្រចាំថ្ងៃ ។ នៅមុនថ្ងៃកើតហេតុគឺម៉ូតូនោះ វាបានហៀរសាំងរហូត ដោយគាត់ក៏មានគម្រោងយកម៉ូតូនោះទៅឲ្យជាងជួសជុលឡើងវិញ នៅព្រឹកស្អែក តែមិនទាន់បានធ្វើផង បែរជាត្រូវភ្លើងឆាបឆេះអស់បែបនេះតែម្ដង។
ក្រោយពេលកើតហេតុ ម្ចាស់ម៉ូតូបានត្រឹមតែហៅរ៉ឺម៉កមកធ្វើការដឹកយកឆ្អឹងម៉ូតូនោះត្រឡប់ទៅផ្ទះដោយក្តីអស់សង្ឃឹមប៉ុណ្ណោះ ៕
ចែករំលែកព័តមាននេះ