ខេត្តកណ្តាល ៖ បុរសម្នាក់ដែលនៅតែបួនថ្ងៃទៀតប៉ុណ្ណោះនឹងក្លាយជាកូនកំលោះចូលរោងការ ត្រូវប៉ូលិសចាប់ខ្លួនកាលពីវេលាម៉ោង១០ និង៤៥នាទីយប់ថ្ងៃទី៧ ឧសភា នៅផ្ទះជួល ស្ថិតនៅភូមិដើមមៀន សង្កាត់ដើមមៀន ក្រុងតាខ្មៅ ដោយជាប់សង្ស័យពីបទចែកចាយថ្នាំញៀន។
ខេត្តកណ្តាល ៖ បុរសម្នាក់ដែលនៅតែបួនថ្ងៃទៀតប៉ុណ្ណោះនឹងក្លាយជាកូនកំលោះចូលរោងការ ត្រូវប៉ូលិសចាប់ខ្លួនកាលពីវេលាម៉ោង១០ និង៤៥នាទីយប់ថ្ងៃទី៧ ឧសភា នៅផ្ទះជួល ស្ថិតនៅភូមិដើមមៀន សង្កាត់ដើមមៀន ក្រុងតាខ្មៅ ដោយជាប់សង្ស័យពីបទចែកចាយថ្នាំញៀន។
ក្រោយពីចាប់ខ្លួនជនសង្ស័យ ប៉ូលិសដកហូតបានវត្ថុតាងថ្នាំញៀនប្រភេទមេតំហ្វេតាមីន ចំនួនពីរកញ្ចប់តូច ។ ជនសង្ស័យនោះឈ្មោះសឿន សុភ័ក្រ អាយុ២២ឆ្នាំ ស្នាក់នៅផ្ទះជួល ក្នុងភូមិដើមមៀន សង្កាត់ដើមមៀន ស្រុកតាខ្មៅ ស្រុកកំណើតនៅភូមិពាមផ្ទោល ឃុំលើកដែក ស្រុកកោះធំ ។ លោកវរសេនីយ៍ឯកលន់ សុផាត ស្នងការរងទទួលបន្ទុកប្រឆាំងគ្រឿងញៀនឱ្យដឹងថា ដោយអនុវត្តតាមការចង្អុលបង្ហាញពីលោកស្នងការ កម្លាំងការិយាល័យជំនាញបានស្រាវជ្រាវរហូតដល់កំណត់មុខសញ្ញាជនសង្ស័យចែកចាយថ្នាំញៀន និងដោយមានការឯកភាពពីលោកព្រះរាជអាជ្ញាអមសាលាដំបូងខេត្ត លោកបានដឹកនាំកម្លាំងជំនាញ ដោយសហការជាមួយប៉ូលិសក្រុងតាខ្មៅ និងប៉ូលិសប៉ុសិ៍្តដើមមៀនឆែកឆេរ និងចាប់ខ្លួនជនសង្ស័យឈ្មោះសឿន សុភ័ក្រ ជាមួយវត្ថុតាងថ្នាំញៀនប្រភេទមេតំហ្វេតាមីន ឬម៉ាទឹកកក ចំនួនពីរកញ្ចប់តូចដែលគេទិញសម្រាប់ចែកចាយបន្ត ។
មន្ត្រីប៉ូលិសឱ្យដឹងថា ជនសង្ស័យនេះនៅសល់តែ៤ថ្ងៃទៀតប៉ុណ្ណោះនឹងចូលរោងការនៅភូមិព្រែកកំពិស ខណ្ឌដង្កោ រាជធានីភ្នំពេញ។ នៅអធិការដ្ឋានក្រុងតាខ្មៅគេសង្កេតឃើញក្រុមគ្រួសារជនសង្ស័យនាំគ្នាមកបំណងរត់ការ ឱ្យសមត្ថកិច្ចដោះលែង ដើម្បីបានជនសង្ស័យទៅ រៀបការ ប៉ុន្តែប៉ូលិសមិនដោះលែងឡើយ ផ្ទុយទៅវិញកសាងសំណុំរឿងបញ្ជូនទៅសាលាដំបូងចាត់ការបន្តទៀត ៕
ចែករំលែកព័តមាននេះ