ដែនអភិរក្សអន្លង់គល់ គឺជាតំបន់ហាមឃាត់នេសាទមួយ ដែលស្ថិតត្រង់ចំណុចព្រែកបាទីធំ ក្នុងឃុំពាមមានជ័យ ស្រុកពាមរក៍ ខេត្តព្រៃវែង ហើយថ្មីៗនេះក៏មានជនខិលខូចមួយចំនួនបាននាំគ្នាលួចចូលទៅនេសាទក្នុងតំបន់នោះ ដោយប្រើប្រាស់
ខេត្តព្រៃវែង ៖ ដែនអភិរក្សអន្លង់គល់ គឺជាតំបន់ហាមឃាត់នេសាទមួយ ដែលស្ថិតត្រង់ចំណុចព្រែកបាទីធំ ក្នុងឃុំពាមមានជ័យ ស្រុកពាមរក៍ ខេត្តព្រៃវែង ហើយថ្មីៗនេះក៏មានជនខិលខូចមួយចំនួនបាននាំគ្នាលួចចូលទៅនេសាទក្នុងតំបន់នោះ ដោយប្រើប្រាស់ឧបករណ៍នេសាទខុសច្បាប់ប្រភេទស្បៃមុង ដាក់ពង្រាយយ៉ាងស្អេកស្កះពេញផ្ទៃទឹកតែម្តង។
ហើយដើម្បីទប់ស្កាត់បទល្មើសនេសាទផង និងដើម្បីការពារធនធានមច្ឆាជាតិក្នុងដែនអភិរក្សនេះផង នៅព្រឹកថ្ងៃទី២២ ខែមិថុនា ឆ្នាំ២០២៣នេះ មន្ត្រីជំនាញខណ្ឌជលផលខេត្តព្រៃវែង បានចុះធ្វើការបង្ក្រាប ដោយកា.ប់បំផ្លាញបង្គោលស្បៃមុខរាប់រយដើម និងដុតបំផ្លាញស្បៃមុងរាប់រយម៉ែត្រផងដែរ។
លោក ហ៊ុន សាវី មន្ត្រីជំនាញជលផល នៃសង្កាត់រដ្ឋបាលជលផលអ្នកលឿង បានអោយដឹងថា ដែនអភិរក្សអន្លង់គល់នេះ មានទីតាំងស្ថិតនៅឆ្ងាយពីដីគោក ហើយគ្មានផ្លូវគោកនោះទេ គឺមានតែផ្លូវទឹកមួយគត់ កត្តានេះហើយទើបបង្កឱកាសងាយស្រួលដល់ជនល្មើសក្នុងការប្រព្រឹត្តបទល្មើសនេសាទ។ តែទោះជាយ៉ាងណា កម្លាំងរបស់លោកក៏បានចុះល្បាត និងបង្ក្រាបជាញឹកញាប់ផងដែរ ជាក់ស្តែងដូចក្នុងថ្ងៃនេះស្រាប់ យើងបានកា.ប់បំផ្លាញបង្គោលឬស្សីចំនួន២៣០ដើម និងដុតបំផ្លាញលូស្បៃមុងចំនួន៩ ព្រមទាំងរបាំងស្បៃមុងចំនួន៨៩០ម៉ែត្រផងដែរ។
ដោយឡែកប្រជាពលរដ្ឋក្នុងស្រុកពាមរក៍វិញ បានលើកឡើងដែរថា ក្រៅពីក្នុងដែនអភិរក្សអន្លង់គល់នេះ នៅតាមបឹងព្រែកមួយចំនួន រួមទាំងតាមដងទន្លេតូច និងទន្លេមេគង្គ ស្ថិតក្នុងភូមិសាស្ត្រស្រុកពាមរក៍នេះ ក៏នៅមានបទល្មើសនេសាទជាច្រើនទៀតផងដែរ ជាពិសេសបទល្មើសនេសាទដោយប្រើប្រាស់ឧបករណ៍ឆក់ និងទូកអូសកាវ (ឆក់ត្រជាក់) នៅពេលយប់ជាដើម ដូច្នេះពលរដ្ឋសូមអោយមន្ត្រីជលផល ជួយធ្វើការបង្ក្រាបផង។
ចែករំលែកព័តមាននេះ