រាជធានីភ្នំពេញ ៖ តម្លៃប្រេងសាំងនៅក្នុងរាជធានីភ្នំពេញនៅថ្ងៃសៅរ៍ ទី៧ ឧសភា ២០១១ នេះ នៅតាមស្ថានីយប្រេងកាល់តិច និងតូតាល់ ប្រេងធម្មតាបានឡើងដល់តម្លៃ៥.៣០០រៀល ក្នុង១លីត្រ និងសាំងស៊ុបពែរ មានតម្លៃ៥.៦០០រៀល ក្នុង១លីត្រ ខណៈពេលដែលតម្លៃប្រេងនៅលើទីផ្សារអន្តរជាតិបានធ្លាក់ចុះអស់ប្រហែល៩ភាគរយ មកនៅក្រោមតម្លៃ១០០ដុល្លារក្នុង១បារ៉ែល។
រាជធានីភ្នំពេញ ៖ តម្លៃប្រេងសាំងនៅក្នុងរាជធានីភ្នំពេញនៅថ្ងៃសៅរ៍ ទី៧ ឧសភា ២០១១ នេះ នៅតាមស្ថានីយប្រេងកាល់តិច និងតូតាល់ ប្រេងធម្មតាបានឡើងដល់តម្លៃ៥.៣០០រៀល ក្នុង១លីត្រ និងសាំងស៊ុបពែរ មានតម្លៃ៥.៦០០រៀល ក្នុង១លីត្រ ខណៈពេលដែលតម្លៃប្រេងនៅលើទីផ្សារអន្តរជាតិបានធ្លាក់ចុះអស់ប្រហែល៩ភាគរយ មកនៅក្រោមតម្លៃ១០០ដុល្លារក្នុង១បារ៉ែល។
ការធ្លាក់ចុះតម្លៃប្រេងនៅលើទីផ្សារអន្តរជាតិនេះ មានរយៈពេលជាច្រើនថ្ងៃមកហើយ ប៉ុន្តែតម្លៃប្រេងនៅក្នុងប្រទេសកម្ពុជាមិនទាន់ឃើញធ្លាក់ចុះគួរឱ្យអាចទទួលយកបាននោះទេ…ពេលដែលនៅតាមបណ្តាប្រទេសជឿនលឿន ឬបណ្តាប្រទេសផលិតប្រេងឡើងថ្លៃ គឺកម្ពុជាឡើងថ្លៃវឹបៗតែម្តង ដើម្បីដេញឱ្យទាន់ទីផ្សារអន្តរជាតិ ប៉ុន្តែនៅពេលដែលបណ្តាប្រទេសទាំងនោះចុះថ្លៃវិញ ប្រទេសកម្ពុជាបែរជាមិនចុះថ្លៃវឹបៗតាមគេសោះនៅកេងចំណេញម៉ាឆ្អែតសិន ។
ការធ្លាក់ចុះតម្លៃប្រេងនៅលើទីផ្សារអន្តរជាតិនេះដែរ ដោយសារតែការព្រួយបារម្ភអំពីតម្រូវការប្រេងដែលកាន់តែធ្លាក់ចុះនៅសហរដ្ឋអាមេរិក ។ គួរបញ្ជាក់ថា ថ្លៃប្រេងបានកើនឡើងដល់៣៥ភាគរយ គឺចាប់តាំងពីពាក់កណ្តាលខែកុម្ភៈ រហូតដល់ដំណាច់ខែមេសា ឆ្នាំ២០១១ ។ នៅពេលដែលថ្លៃប្រេងបានកើនឡើងជាង១០០ដុល្លារ ក្នុងមួយបារ៉ែលនោះ ក្រុមអ្នកសេដ្ឋកិច្ចបានព្រមានថា តម្លៃប្រេងឡើង ខ្ពស់បាននិងកំពុងបង្កការលំបាកយ៉ាងខ្លាំងដល់សេដ្ឋកិច្ចអាេមរិក ។ ជាមួយគ្នានេះ លោកប្រធានាធិបតីសហរដ្ឋអាមេរិកបារ៉ាក់ អូបាម៉ា បានធ្វើការរិះគន់ដល់បណ្តាក្រុមហ៊ុនប្រេងធំៗមួយចំនួន ដែលឆ្លៀតឱកាសពីវិបត្តិនៅប្រទេសលីប៊ីបានដំឡើងតម្លៃប្រេងនោះផងដែរ ៕
ចែករំលែកព័តមាននេះ