រាជធានីភ្នំពេញ ៖ គោ១ក្បាលដែលឈ្មួញដឹកយកទៅកា.ប់នៅទីសត្តឃាតបឹងសាឡាង ស្ថិតក្នុងសង្កាត់បឹងសាឡាង ខណ្ឌទួលគោក បានធ្លាក់ពីលើរថយន្ត ហើយរត់ពេញផ្លូវជល់រថយន្តម៉ាកមែរសឺដេសរបស់លោកស៊ុក សុភា ហៅនាយខៀវ ជាពិធីករទូរទស្សន៍ និងជាតារាសម្តែង បណ្តាលឱ្យបែកកញ្ចក់ចំហៀង និងកញ្ចក់មុខអស់មួយផ្នែកធំ។
រាជធានីភ្នំពេញ ៖ គោ១ក្បាលដែលឈ្មួញដឹកយកទៅកាប់នៅទីសត្តឃាតបឹងសាឡាង ស្ថិតក្នុងសង្កាត់បឹងសាឡាង ខណ្ឌទួលគោក បានធ្លាក់ពីលើរថយន្ត ហើយរត់ពេញផ្លូវជល់រថយន្តម៉ាកមែរសឺដេសរបស់លោកស៊ុក សុភា ហៅនាយខៀវ ជាពិធីករទូរទស្សន៍ និងជាតារាសម្តែង បណ្តាលឱ្យបែកកញ្ចក់ចំហៀង និងកញ្ចក់មុខអស់មួយផ្នែកធំ។
ហេតុការណ៍នេះកើតឡើងនៅលើផ្លូវលេខ២៧១ ស្ថិតក្នុងសង្កាត់ទួលទំពូងទី២ ខណ្ឌចំការមន កាលពីវេលាម៉ោង២រំលងអធ្រាត្រឈានចូលថ្ងៃទី៦ ឧសភា។
តាមប្រភពព័ត៌មានឱ្យដឹងថា លោកខៀវ ជិះរថយន្តតែម្នាក់ឯង ចំណែកសត្វគោ១ក្បាលនោះឈ្មួញដឹកតាមរថយន្តយកទៅចូលទីសត្តឃាត។ គោនោះបានរបូតធ្លាក់ពីលើរថយន្ត រួចរត់ឆ្លេឆ្លាលើដងផ្លូវ ហើយដោយចាំងភ្នែកនឹងភ្លើងរថយន្តលោកខៀវ វាក៏រត់ទៅបុក និងជល់បែកកញ្ចក់រថយន្តអស់ជាច្រើនកន្លែង។
បន្ទាប់ពីមានហេតុការណ៍នេះកើតឡើង ម្ចាស់រថយន្ត និងម្ចាស់គោបានចរចាគ្នាសងថ្លៃខូចខាតរថយន្ត។ពាក់ព័ន្ធនឹងព័ត៌មាននេះ ពេលអ្នកយកព័ត៌មានកោះសន្តិភាពទូរស័ព្ទទៅសួរលោកខៀវ ត្រូវលោកនិយាយថា លោកពិតជាជួបហេតុការណ៍នោះមែន៕
ចែករំលែកព័តមាននេះ