ដុ.តសម្លា.ប់គ្នាក្នុងពន្ធនាគារស្ត្រីមួយកន្លែង ឆ.ក់យកជីវិតអ្នកទោសជាង៤០នាក់
ប្រទេសហុងឌូរ៉ាស ៖ ប៉ូលិសរាយការណ៍ថា ការប៉ះទង្គិចគ្នារវាងក្រុមអ្នកទោសនារីដែលប្រជែងគ្នា
ប្រទេសហុងឌូរ៉ាស ៖ ប៉ូលិសរាយការណ៍ថា ការប៉ះទង្គិចគ្នារវាងក្រុមអ្នកទោសនារីដែលប្រជែងគ្នា បណ្ដាលឲ្យមនុស្សស្លា.ប់យ៉ាងតិច៤១នាក់កាលពីថ្ងៃទី២០ មិថុនា ក្នុងពន្ធនាគារសម្រាប់នារីមួយស្ថិតនៅក្បែររដ្ឋធានីហុងឌូរ៉ាស។
អ្នកនាំពាក្យម្នាក់របស់ប៉ូលិសហុងឌូរ៉ាសលោកអេដហ្គាដូបារ៉ាហូណាថ្លែងប្រាប់AFPថា មនុស្សយ៉ាងតិច៤១នាក់ស្លាប់ ក្នុងការប៉ះទង្គិចគ្នានៅពន្ធនាគារនោះ ស្ថិតនៅចម្ងាយប្រមាណជា២៥គីឡូម៉ែត្រ ខាងជើងរដ្ឋធានីតេហ្គូស៊ីហ្គាល់ប៉ា។ អនុរដ្ឋមន្ត្រីសន្តិសុខហុងឌូរ៉ាស លោកស្រីជូលីសាវីលឡានូអ៊ីវ៉ាប្រកាសតាមTWITTER ពីសភាពការណ៍បន្ទាន់ ដោយបរិហារអំពើបំផ្លិចបំផ្លាញ។
ប្រធានសមាគមគ្រួសារពួកអ្នកទោស លោកស្រីដែលម៉ាអ័រដូណេសគូសបញ្ជាក់ប្រាប់បណ្ដាសារព័ត៌មានក្នុងស្រុកថា បណ្ដាសមាជិកក្រុមអ្នកទោសនារីមួយ បានយកភ្លើងមកដុ.តកន្លែងឃុំឃាំងពួកអ្នកទោសនារីជាគូប្រជែង។ អគារដែលត្រូវដុ.តស្លា.ប់មនុស្សដ៏ច្រើននោះ រងការបំផ្លាញទាំងស្រុងក្លាយជាផេះ។
លោកស្រីបញ្ជាក់ថា ក្នុងពន្ធនាគារនោះមានអ្នកទោសនារី៩០០នាក់។ ប៉ូលិសនិងទាហានជាច្រើនត្រូវបានដាក់ពង្រាយ តាមច្រកចូលពន្ធនាគារនោះ។ សាច់ញាតិគ្រួសារពួកអ្នកទោសបានលើកគ្នាមកកាន់ពន្ធនានោះដើម្បីតាមដានព័ត៌មាន៕
ចែករំលែកព័តមាននេះ