យុវជន១ក្រុមមានគ្នាចំនួន៤នាក់ដែលបានកា.ប់បំផ្លាញម៉ូតូ និងដេញកា.ប់ជនរងគ្រោះជាជាងទូរស័ព្ទរត់ចែកជើងគ្នា ត្រូវបានបញ្ជូនទៅកាន់សាលាដំបូងខេត្ត ដើម្បីចាត់ការតាមច្បាប់នៅថ្ងៃទី១៨ ខែមិថុនា ឆ្នាំ២០២៣នេះ។ បន្ទាប់ពី
ខេត្តបន្ទាយមានជ័យ ៖ យុវជន១ក្រុមមានគ្នាចំនួន៤នាក់ដែលបានកា.ប់បំផ្លាញម៉ូតូ និងដេញកា.ប់ជនរងគ្រោះជាជាងទូរស័ព្ទរត់ចែកជើងគ្នា ត្រូវបានបញ្ជូនទៅកាន់សាលាដំបូងខេត្ត ដើម្បីចាត់ការតាមច្បាប់នៅថ្ងៃទី១៨ ខែមិថុនា ឆ្នាំ២០២៣នេះ។ បន្ទាប់ពីកម្លាំងមូលដ្ឋានកងរាជអាវុអហត្ថស្រុកមង្គលបូរី ឃាត់ខ្លួនក្នុងករណីធ្វើឱ្យខូចខាតដោយចេតនា ប្រព្រឹត្តិកាលពីវេលាម៉ោង០៩និង៤៦នាទី ថ្ងៃទី១៥ ខែមិថុនា ឆ្នាំ២០២៣ នៅចំណុចភូមិជំទាវ ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។ ហើយការឃាត់ខ្លួននេះ គឺអនុវត្តតាមពាក្យបណ្តឹងរបស់ឈ្មោះ ញិប សេងហួរ ភេទប្រុស អាយុ៣២ឆ្នាំ មានទីលំនៅភូមិជំទាវ ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។
លោកវរសេនីយ៍ត្រី ចាន់ រដ្ឋា មេបញ្ជាការមូលដ្ឋានកងរាជអាវុហត្ថស្រុក បានឱ្យដឹងថា ជនសង្ស័យទាំង៤នាក់ខាងលើនេះ រួមមាន ៖ ១- ឈ្មោះ ឆោម សុធារ៉ុង ភេទប្រុស អាយុ២០ឆ្នាំ បច្ចុប្បន្នរស់នៅភូមិអូរតាម៉ា ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។ ២- ឈ្មោះ ធី វីរធូន ភេទប្រុស អាយុ១៨ឆ្នាំ បច្ចុប្បន្នរស់នៅភូមិអូរតាប៊ុន ឃុំចំណោម ស្រុកមង្គលបូរី ខេត្តបន្ទាយមានជ័យ។ ៣- ឈ្មោះ ជួប សុជាតិ ភេទប្រុស អាយុ១៦ឆ្នាំ បច្ចុប្បន្នរស់នៅភូមិចំណោម ឃុំចំណោម ស្រុកមង្គលបូរី ខេត្តបន្ទាយមានជ័យ។ ៤- ឈ្មោះ យិន សំណាង ហៅក្តី ភេទប្រុស អាយុ២០ឆ្នាំ ជនជាតិខ្មែរ បច្ចុប្បន្នរស់នៅភូមិចំការតាដោក ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។ ចំណែកវត្ថុតាងមាន ៖ ម៉ូតូចំនួន៤គ្រឿង កាំបិ.តចំនួន៥ដើម និងទូរស័ព្ទចំនួន៣គ្រឿងផងដែរ។
លោកវរសេនីយ៍ត្រី ចាន់ រដ្ឋា បានបញ្ជាក់ថា តាមការរៀបរាប់របស់ដើមបណ្តឹងបានឱ្យដឹងថា នៅវេលាម៉ោង២១និង៤៧នាទីយប់ ថ្ងៃទី១៥ ខែមិថុនា ឆ្នាំ២០២៣ ជនរងគ្រោះកំពុងមើលទូរស័ព្ទជាមួយកូននៅក្នុងផ្ទះ ហើយក៏លឺសំឡេងកា.ប់របស់អ្វីមួយនៅខាងក្រៅផ្ទះរបស់គាត់។ ក្រោយមកប្រពន្ធរបស់គាត់បានរត់មកប្រាប់ថា មានគេមកកា.ប់ម៉ូតូរបស់ខ្លួនម៉ាកហុងដាឌ្រីម ពណ៌ខ្មៅ ផលិតឆ្នាំ២០១៦ ពាក់ស្លាកលេខ បន្ទាយមានជ័យ 1N-2815 ដែលទុកនៅមុខផ្ទះ ពេលនោះ គាត់បានទៅមើល ក៏ឃើញម៉ូតូត្រូវគេកា.ប់បំផ្លាញខូចខាតយ៉ាងដំណំ។ ភ្លាមៗនោះ គាត់បានហៅកូនជាងដែលស្នាក់នៅជាមួយគាត់ចំនួន០៤នាក់មកសួរនាំ ពួកគេបានប្រាប់ថា ពួកគេនាំគ្នាអង្គុយលេងនៅក្រោយផ្ទះក្បែរតារាងបាល់ (AG Sport) ស្រាប់តែយុវជនមួយក្រុមរត់ចេញពីតារាងបាល់ស្ទុះមកកា.ប់ពួកខ្លួន ពេលនោះពួកខ្លួនបានរត់ចូលពួនក្នុងផ្ទះ ហើយយុវជនក្រុមនោះក៏បានចូលមកកា.ប់ម៉ូតូតែម្ដង។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ និងបង្ក្រាបបទល្មើសបានឱ្យដឹងថា ការបង្ក្រាបករណីខាងលើនេះ ក៏ទទួលបានការអនុញ្ញាតពីលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពី ឯកឧត្តម កើត វណ្ណារ៉េត ព្រះរាជអាជ្ញា អមសាលាដំបូងខេត្តផងដែរ ៕
ចែករំលែកព័តមាននេះ