នៅថ្ងៃទី៨ ខែមិថុនា ឆ្នាំ២០២៣នេះ តារាសម្ដែង ក៏ដូចជាតារាចម្រៀងដ៏ល្បីល្បាញស្រស់សង្ហា មុខមាត់មានមន្តស្នេហ៍ប្រចាំប្រទេសមីយ៉ាន់ម៉ា គឺលោក Paing Takhon បានចេញមុខមកបង្ហោះរូបភាពរបស់លោកប៉ុន្មានសន្លឹកនៅក្នុងគណនីហ្វេសប៊ុកផេកផ្ទាល់ខ្លួនរបស់លោកជាមួយនឹង
រាជធានីភ្នំពេញ ៖ នៅថ្ងៃទី៨ ខែមិថុនា ឆ្នាំ២០២៣នេះ តារាសម្ដែង ក៏ដូចជាតារាចម្រៀងដ៏ល្បីល្បាញស្រស់សង្ហា មុខមាត់មានមន្តស្នេហ៍ប្រចាំប្រទេសមីយ៉ាន់ម៉ា គឺលោក Paing Takhon បានចេញមុខមកបង្ហោះរូបភាពរបស់លោកប៉ុន្មានសន្លឹកនៅក្នុងគណនីហ្វេសប៊ុកផេកផ្ទាល់ខ្លួនរបស់លោកជាមួយនឹងការលេងខ្លួន ម៉ូដសក់ ពាក់អាវពណ៌.ស បញ្ចេញសាច់ដុំកង់ៗ ជាមួយនឹងស្នាមសាក់នៅលើដងខ្លួនរបស់លោកថែមទៀតនោះ មើលពីជ្រុងណាក៏មិនចេញធុញដែរ ជាពិសេសកាន់តែជះរាងសង្ហាតែម្ដង។
ហើយអ្វីដែលនឹកស្មានមិនដល់ជាងនេះទៅទៀតនោះ បើយើងនាំគ្នាតាមសង្កេតមើលឃើញថា ពីមួយថ្ងៃទៅមួយថ្ងៃតារាប្រុសរូបនេះ កំពុងតែឆក់យកនៅបេះដូងរបស់អ្នកគាំទ្រនៅខ្មែរមិនណយនោះទេ ចាប់តាំងតែពីលោកចេញមុខលេចវត្តមានមកសម្ដែងនៅខ្សែភាពយន្តរឿងភាគនៅប្រទេសកម្ពុជា មានចំណងជើងថា «RENT BOY»។ ក្នុងនោះផងដែរ នេះគឺជាខ្សែភាពយន្តថ្មីដែលចូលរួមសម្តែងដោយកញ្ញា ពេជ្រវត្តី ជាមួយនឹងតារាប្រុសលោក ខាត់ វៃហាំង និង តារាប្រុសមីយ៉ាន់ម៉ា លោក Paing Takhon។
ក្រោយពេលឃើញតារាប្រុសភូមា មីយ៉ាន់ម៉ាដ៏ស្រស់សង្ហាខាងលើរូបនេះ បង្ហាញខ្លួននៅក្នុងភាពយន្តរបស់ខ្មែររួចមក ធ្វើអោយអ្នកនិយមលេងនៅក្នុងបណ្ដាញសង្គមហ្វេសប៊ុកមិនតិចនាក់នោះទេ ហាក់សម្ដែងការភ្ញាក់ផ្អើល និងត្រេកអរយ៉ាងខ្លាំង បន្ទាប់ពីលោកចូលរួមសហការជាមួយតារាល្បីៗនៅខ្មែរ។ ហើយអ្វីដែលរឹតតែមិនចង់ជឿទៅទៀតនោះ គ្រាន់តែឃើញមុខមាត់ ក៏ដូចជារូបរាងលោកភ្លាម បានធ្វើអោយនារីៗមួយចំនួននៅក្នុងប្រទេសកម្ពុជា នាំគ្នាលង់ស្នេហ៍របស់លោកមិនស្ទើរនោះទេ ក្រោយឃើញនៅរូបរាងដ៏ស្រស់សង្ហា រាងខ្ពស់ស្រឡះ សាច់ដុំកង់ៗ មាឌធំរបស់លោក។ ជាពិសេស ជាមួយនឹងទឹកមុខបែបគួរអោយទាក់ទាញមានមន្តស្នេហ៍ទៀតនោះ ធ្វើអោយតារាប្រុសភូមា ប្រចាំប្រទេសមីយ៉ាន់ម៉ារូបនេះ ទទួលបាននូវការគាំទ្រ ក៏ដូចជាចូលចិត្តស្រលាញ់រូបលោកគ្រប់ៗគ្នាតែម្ដង។
មិននៅយូរតទៅទៀត ក្រោយពេលឃើញតារាប្រុសរូបនេះបង្ហោះរូបនៅក្នុងគណនីរបស់លោកមិនទាន់បានប៉ុន្មានផង ក៏មានអ្នកគាំទ្រជាច្រើននាំគ្នាចូលទៅខមិនថា «ពិតជាសង្ហាខ្លាំងណាស់អាយដលរបស់ខ្ញុំអើយ គួរអោយស្រលាញ់ខ្លាំងណាស់»។ អ្នកខ្លះទៀតក៏បញ្ចេញមតិថា «ចង់អោយអាយដលកុំកាត់សក់អី ទុកសក់វែងស្អាតជាងសក់ខ្លី ព្រោះខ្ញុំចូលចិត្ត»។ ហ្វេនៗមួយចំនួនទៀតក៏និយាយដែរថា «មនុស្សស្អី មើលពីជ្រុងណា កន្លែងណាក៏សង្ហាដែរ មិនដែលឃើញនោះទេលោកអើយ ពាក់អ្វីក៏អ៊ែមដែរ ជាពិសេសស្រលាញ់ត្រង់មានសាច់ភេកដុំកង់ៗនិងស្នាមសាក់នឹងតែម្ដង» និងនៅមានពាក្យខមិនជាច្រើនទៀតដែលយើងមិនអាចរៀបរាប់អស់បាននោះឡើយ។
សូមជំរាបផងដែរថា តារាប្រុសដ៏ស្រស់សង្ហាសាច់ដុំកង់ៗ មាឌធំឌាំងភូមា លោក Paing Takhon រូបនេះ លោកកើតនៅឆ្នាំ១៩៩៦។ មិនតែប៉ុណ្ណោះ លោកគឺជាតារាម៉ូដែល តារាសម្តែងដ៏ល្បីឈ្មោះ និងជាអ្នកចម្រៀងជនជាតិភូមា ដែលទទួលបាននៅការគាំទ្រមិនធម្មតាផងដែរ។ លោកបានចាប់ផ្តើមអាជីពកម្សាន្តរបស់លោកនៅក្នុងឆ្នាំ២០១៤ ជាម៉ូដែលផ្លូវរត់។ ហើយអ្វីដែលអ្នកទាំងអស់គ្នាមិនទាន់ដឹងទៅទៀតនោះ លោកក៏ជាពលរដ្ឋមីយ៉ាន់ម៉ាមួយរូប ក្នុងចំណោមពលរដ្ឋមីយ៉ាន់ម៉ាមួយចំនួន ដែលមានប្រវត្តិរូបអន្តរជាតិ ដោយផ្តល់ឱ្យប្រទេសនេះ ទើបតែចាប់ផ្តើមបើកទូលាយដល់ពិភពលោកខាងក្រៅក្នុងរយៈពេលមួយទសវត្សរ៍ចុងក្រោយនេះ។
ហើយនៅក្នុងឆ្នាំ២០១៨ តារាប្រុស Paing Takhon បានបង្ហាញខ្លួននៅក្នុងកម្មវិធី «BuzzFeed» បុរសអាស៊ីខាងត្បូងគួរឱ្យភ្ញាក់ផ្អើលជាខ្លាំង ដែលមុខមាត់របស់លោកស្រស់ស្អាតពេក។ មិនតែប៉ុណ្ណោះ នៅក្នុងឆ្នាំ២០១៩ លោកត្រូវបានចុះក្នុងបញ្ជី The Myanmar Times “Top 10 Actors” ផងដែរ៕ ដោយ ៖ សុភា ដានេត
ចែករំលែកព័តមាននេះ