ខេត្តកំពង់ចាម ៖ គ្រោះអគ្គិភ័យបានឆាបឆេះយ៉ាងសន្ធោសន្ធៅដោយមានផ្សែងហុយក្មួលខ្មាញ់ទៅលើអាកាសចេញពីកន្លែងស្នាក់នៅរបស់ក្រុមហ៊ុន សិន ទ្រី ដែលហេតុការណ៍នេះបានកើតឡើងវេលាម៉ោង១និង៣០នាទីរសៀល ថ្ងៃទី០៣ ខែមិថុនានេះ នៅភូមិអណ្ដូងច្រុះ ឃុំអំពិល…
ខេត្តកំពង់ចាម ៖ គ្រោះអគ្គិភ័យបានឆាបឆេះយ៉ាងសន្ធោសន្ធៅដោយមានផ្សែងហុយក្មួលខ្មាញ់ទៅលើអាកាសចេញពីកន្លែងស្នាក់នៅរបស់ក្រុមហ៊ុន សិន ទ្រី ដែលហេតុការណ៍នេះបានកើតឡើងវេលាម៉ោង១និង៣០នាទីរសៀល ថ្ងៃទី០៣ ខែមិថុនានេះ នៅភូមិអណ្ដូងច្រុះ ឃុំអំពិល ស្រុកកំពង់សៀម នៅជិតអតីតសាលាឃុំអំពិល ។ ភ្លាមៗនោះរថយន្តពន្លត់អគ្គិភ័យនៃអធិការដ្ឋាននគរបាលស្រុកកំពង់សៀម បានចេញមកអន្តរាគមន៍បា.ញ់ទឹកពន្លត់មុនគេ ។
សមត្ថកិច្ចបានប្រាប់ឲ្យដឹងថា ដំបូងគេឃើញភ្លើងឆេះបន្តិចបន្ទាប់មកក៏ឆេះកាន់តែខ្លាំងឡើង ធ្វើឲ្យមនុស្សដែលស្នាក់នៅទីនោះមានការភ្ញាក់ផ្អើលឆោឡោ តែមិនអាចប្រើប្រាស់ឧបករណ៍បា.ញ់ពន្លត់ភ្លើងដែលឆេះនោះបានទេ ។ រោងដែលទទួលរងការឆាបឆេះនោះ មានម្ចាស់ឈ្មោះឈុំ សារ៉ុន ភេទប្រុស អាយុ៤០ឆ្នាំ ជាតិខ្មែរ និងប្រពន្ធឈ្មោះវន់ គឹមហ៊ាន់ អាយុ៣៣ឆ្នាំ ជនជាតិខ្មែរ ។ គ្រោះអគ្គិភ័យនេះបានបង្កឲ្យប្រជាពលរដ្ឋនៅក្បែរនោះមានការភ្ញាក់ផ្អើល និងទូរសព្ទសុំអន្តរាគមន៍ពីរកម្លាំងអធិការដ្ឋាននគរបាលស្រុកកំពង់សៀម ។
សមត្ថកិច្ចបានបន្តហើយដឹងទៀតថា បន្ទាប់ពីភ្លើងបានឆាបឆេះឡើងក្មួលខ្មាញ់រថយន្តពន្លត់អគ្គិភ័យនៃអធិការដ្ឋាននគរបាលស្រុកកំពង់សៀម ចេញមកអន្តរាគមន៍មុនគេបន្ទាប់មកក៏មានរថយន្តពន្លត់អគ្គិភ័យនៃស្នងការដ្ឋាននគរបាលខេត្តចេញមកអន្តរាគមន៍បា.ញ់ទឹកពន្លត់ជាបន្តបន្ទាប់ដោយធ្វើឲ្យភ្លើងបានបន្ថយទៅបន្តិចម្ដងៗ ។
សូមបញ្ជាក់ថា ក្នុងប្រតិបត្តិការចុះបាញ់ទឹកពន្លត់អគ្គិភ័យនេះគេឃើញមានកម្លាំងនគរបាលកម្លាំងអាវុធហត្ថ ហើយក៏មានវត្តមានលោកអភិបាលស្រុកកំពង់សៀម ចុះបញ្ជាដោយផ្ទាល់ផងដែរ ។ អគ្គិភ័យកើតឡើងបណ្ដាលឱ្យបាត់បង់ និងខូចខាតសម្ភារៈមានដូចជា រោងមានទំហំ(១៥x៤៥)ម៉ែត្រ និងរបួសមនុស្ស០២ នាក់(ប្រុស) ។ ចំពោះខូចខាតរថយន្ដចំនួន០៦គ្រឿង និងខូចខាតម៉ូតូ០៦គ្រឿង ឆេះសម្ភារៈ និងឯកសារមួយចំនួនទៀត ។
អគ្គិភ័យនេះមិនបណ្ដាលឲ្យឆេះរាលដាលដល់ផ្ទះប្រជាពលរដ្ឋក្បែរនោះឡើយ ។ មូលហេតុ ឆ្លងចរន្តអគ្គិសនីប្រើប្រាស់ឡានពន្លត់អគ្គិភ័យរបស់អធិការដ្ឋាននគរបាលស្រុកកំពង់សៀម ឡានពន្លត់អគ្គិភ័យរបស់អធិការដ្ឋាននគរបាលស្រុកព្រៃឈរ ឡានពន្លត់អគ្គិភ័យរបស់អធិការដ្ឋាននគរបាលក្រុងកំពង់ចាម និងឡានពន្លត់អគ្គិភ័យរបស់ស្នងការដ្ឋាននគរបាលខេត្តកំពង់ចា មសរុបប្រើប្រាស់ទឹកអស់១៨រថយន្ត ៕
ចែករំលែកព័តមាននេះ