នាវាផ្ទុកយន្តហោះចិនបើកកាត់ច្រកសមុទ្រតៃវ៉ាន់
ប្រទេសចិន ៖ ក្រសួងការពារតៃវ៉ាន់គូសបញ្ជាក់ថា នាវាចម្បាំងចិន៣គ្រឿងក្នុងនោះមាននាវាផ្ទុក
ប្រទេសចិន ៖ ក្រសួងការពារតៃវ៉ាន់គូសបញ្ជាក់ថា នាវាចម្បាំងចិន៣គ្រឿងក្នុងនោះមាននាវាផ្ទុក
ប្រទេសចិន ៖ ក្រសួងការពារតៃវ៉ាន់គូសបញ្ជាក់ថា នាវាចម្បាំងចិន៣គ្រឿងក្នុងនោះមាននាវាផ្ទុកយន្តហោះ១ផង បានបើកកាត់ច្រកសមុទ្រតៃវ៉ាន់កាលពីថ្ងៃទី២៧ ឧសភា ។
ក្នុងសេចក្ដីប្រកាសមួយក្រសួងនោះនិយាយថា នាវាចម្បាំង៣គ្រឿងរបស់កងទ័ពចិន នាំមុខ
ដោយនាវាផ្ទុកយន្តហោះ SHANDONG បានបើកឆ្លងកាត់ច្រកសមុទ្រតៃវ៉ាន់ នាវេលាថ្ងៃត្រង់
ថ្ងៃទី២៧ ឧសភានោះ ។ នាវាទាំង៣គ្រឿងនោះបើកពីភាគខាងលិចខ្សែបន្ទាត់មេឌីយ៉ានសំដៅ
ទៅទិសខាងជើង ។ ខ្សែបន្ទាត់មេឌីយ៉ាននោះសំដៅលើព្រំដែនទឹកដែលគូសវាសជាឯកតោភាគី
ដោយសហរដ្ឋអាមេរិក នាសម័យសង្គ្រាមត្រជាក់ ដែលក្រុងប៉េកាំងបដិសេធមិនទទួលស្គាល់ ។
សេចក្ដីប្រកាសបន្តថាកងទ័ពតៃវ៉ាន់ តាមដានសភាពការណ៍និងឲ្យបណ្ដាយន្តហោះល្បាតអាកាសស៊ីវិល បណ្ដានាវាចម្បាំងនិងប្រព័ន្ធមីស៊ីលនៅលើគោក ឆ្លើយតបចំពោះសកម្មភាពទាំងនេះ ។
ចិនចាត់ទុកតៃវ៉ាន់ជាផ្នែកមួយនៃដែនដីខ្លួន ដែលនៅមិនទាន់អាចបង្រួបបង្រួមបាន តាំងពី
សង្គ្រាមស៊ិវិលឆ្នាំ១៩៤៩មក ។ ទំនាក់ទំនងរវាងក្រុងប៉េកាំងនិងក្រុងតៃប៉ិបានធ្លាក់ចុះទាបបំផុត
តាំងពីការឡើងកាន់អំណាចរបស់លោកស៊ី ជីនពីង ពី១០ឆ្នាំមកហើយ ។ ទំនាក់ទំនងនោះកាន់តែដុនដាបថែមទៀតរយៈពេលប៉ុន្មានឆ្នាំចុងក្រោយនេះ ហើយចិនបង្កើនការលុកលុយខាងយោធានៅជុំវិញដែនកោះនោះ ៕
ចែករំលែកព័តមាននេះ