បុរសម្នាក់បានស្លា.ប់ភ្លាមៗនៅនឹងកន្លែងកើតហេតុ ខណៈពេលផឹកស៊ីជួបជុំគ្នា រហូតទាស់ពាក្យសម្តីគ្នា ព្រោះតែរឿងបាត់លុយចំនួន១០ម៉ឺនរៀល ធ្វើអោយជនដៃដល់យក
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានស្លា.ប់ភ្លាមៗនៅនឹងកន្លែងកើតហេតុ ខណៈពេលផឹកស៊ីជួបជុំគ្នា រហូតទាស់ពាក្យសម្តីគ្នា ព្រោះតែរឿងបាត់លុយចំនួន១០ម៉ឺនរៀល ធ្វើអោយជនដៃដល់យកកូនកាំបិ.តចិតបន្លែចាក់ទៅលើបុរសរងគ្រោះចំដើមទ្រូងជាច្រើនកាំបិត ហើយរត់គេចខ្លួនបាត់ បង្កឱ្យមានការភ្ញាក់ផ្អើលកាលពីវេលាម៉ោង៦និង៤៥នាទីយប់ ថ្ងៃទី២៧ ខែឧសភា ឆ្នាំ២០២៣ ស្ថិតនៅផ្លូវបេតុង ចំណុចបន្ទប់ជួល ក្នុងភូមព្រៃព្រីងខាងជើង១ សង្កាត់ចោមចៅទី៣ ខណ្ឌពោធិ៍សែនជ័យ ។
សេចក្តីរាយការណ៍បន្តថា ជនរងគ្រោះដែលស្លា.ប់ខាងលើនេះមានឈ្មោះ គឹម ប្រាក់ ភេទប្រុស អាយុ៤៧ឆ្នាំ មុខរបររត់ម៉ូតូឌុប ស្នាក់នៅបន្ទប់ជួលលេខ៤B កន្លែងកើតហេតុខាងលើ និងមានស្រុកកំណើតនៅភូមក្រាំងដូង ឃុំសំរោងក្រោម ស្រុកបន្ទាសមាស ខេត្តកំពត។ ចំណែកជនដៃដល់វិញមានឈ្មោះ ប៉ុន វ៉ុន ភេទប្រុស អាយុ៣៥ឆ្នាំ មុខរបរកម្មករសំណង់ រស់នៅបន្ទប់ជួល ស្ថិតក្នុងភូមិត្រពាំងពោធិ៍ សង្កាត់ចោមចៅទី៣ ខណ្ឌពោធិ៍សែនជ័យ នឹងមានស្រុកកំណើតនៅភូមិព្រៃក្មេង ឃុំមេសាង ស្រុកមេសាង ខេត្តព្រៃវែង ព្រមទាំងមានកូនចំនួន៣នាក់ផងដែរ។
បើតាមប្រភពព័ត៌មានពីស្ត្រីម្នាក់សុំមិនបញ្ចេញឈ្មោះនៅកន្លែងកើតហេតុ បានអោយដឹងថា នៅមុនកើតហេតុ រូបគាត់ឃើញភាគីជនរងគ្រោះទាំង២នាក់ប្តីប្រពន្ធបានផឹកស៊ីជួបជុំគ្នាជាមួយមិត្តភក្កិ រួមទាំងជនដៃដល់ចំនួន៤នាក់នៅក្នុងបន្ទប់ជួលរបស់ជនរងគ្រោះ។ នៅពេលនោះ ជនដៃដល់បានយកធុងបាស់ទៅបញ្ចាំអោយប្រពន្ធជនរងគ្រោះចំនួន២០០០០រៀល ក្រោយមកបុរសជាជនដៃដល់ក៏សុំចូលបត់ជើងក្នុងបន្ទប់ទឹក រួចក៏ចេញមកវិញផឹកស៊ីបន្តទៀត រហូតដល់ស្រវឹងស្រឿងៗ ស្រាប់តែស្ត្រីជាប្រពន្ធជនរងគ្រោះបានឆោឡោថា «បាត់លុយចំនួន១០ម៉ឺនរៀល» ដោយស្ត្រីជាប្រពន្ធជនរងគ្រោះអះអាងថា «បានឃើញជនដៃដល់បានយកលុយរបស់ខ្លួន» តែជនដៃដល់ប្រកែកថា «មិនបានយកទេ» បន្ទាប់មកស្ត្រីជាប្រពន្ធរបស់ជនរងគ្រោះក៏ទារលុយពីជនដៃដល់វិញ ប៉ុន្តែជនដៃដល់មិនព្រមអោយ រួចឆ្លើយថា «មិនបានយក»។
ប្រភពដដែលបន្តថា បន្ទាប់ពីប្រកែកគ្នារួច ជនដៃដល់ក៏បានសុំទៅផ្ទះមុន ដោយនិយាយថា «អោយធុងបាស់របស់គេវិញ» ភ្លាមៗនោះស្ត្រីប្រពន្ធជនរងគ្រោះប្រាប់ថា «បើចង់យកធុងបាស់ទៅវិញ ត្រូវសងលុយ២០០០០រៀលថ្លៃបញ្ចាំធុងបាស់សិន ព្រោះអត់មានលុយទិញម្ហូបព្រឹកស្អែកទេ» តែជនដៃដល់មិនព្រមអោយវិញនោះទេ ក៏កើតជាជម្លោះទាស់ពាក្យសម្តីគ្នាមួយប្រាវតែម្តង។
ប្រភពដដែលបន្តថា ក្រោយពីជនដៃដល់ក៏បានជេរប្រមា.ថ និងមើលងា.យទៅលើក្រុមគ្រួសាររបស់ជនរងគ្រោះ ដោយនិយាយថា «កូនស្រីរបស់ជនរងគ្រោះបានដេកជាមួយរូបគេជាច្រើនដងមកហើយ»។ ភ្លាមៗនោះ បុរសរងគ្រោះខឹងយ៉ាងខ្លាំងក៏ស្ទុះទៅវា.យជនដៃដល់ត្រូវមួយដៃ ចំណែកជនដៃដល់ក៏បានទៅវា.យស្ត្រីជាប្រពន្ធជនរងគ្រោះមួយដៃចំផ្ទៃមុខផងដែរ។ បន្ទាប់មកបុរសជនរងគ្រោះនិងប្រពន្ធ ក៏ទាញដំបងឈើប្រវែងមួយម៉ែត្រជាង (ប៉ុនក.ដៃក្មេង) ដេញវា.យជនដៃដល់ ធ្វើឱ្យជនដៃដល់រត់គេចខ្លួនបាត់ទៅ។
ប្រភពដដែលបន្តទៀតថា លុះមួយសន្ទុះក្រោយមក ស្រាប់តែឃើញជនដៃដល់ជិះម៉ូតូម៉ាកហុងដាឌ្រីម សេ១២៥ ស៊េរីឆ្នាំ២០២២ ពណ៌ខ្មៅ ពាក់ផ្លាកលេខ ភ្នំពេញ 1JC-4317 ជិះម្នាក់ឯងត្រឡប់មកកន្លែងកើតហេតុវិញ រួចឈប់ពីមុខបន្ទប់ជួលជនរងគ្រោះ ហើយក៏ស្រែកជេរប្រមា.ថទៅលើជនរងគ្រោះទាំង២នាក់ប្តីប្រពន្ធ និងកូនស្រីម្តងទៀត ធ្វើអោយបុរសជនរងគ្រោះខឹងសម្បាយ៉ាងខ្លាំងក៏ស្ទុះទៅប្រវា.យប្រតប់ជាមួយជនដៃដល់ធ្វើអោយដួលម៉ូតូ។ បន្ទាប់មកជនដៃដល់ក៏បានយកកូនកាំបិ.តចិតបន្លែស្ទុះទៅចាក់បុរសរងគ្រោះចំដងខ្លួនចំនួន៤កាំបិ.ត បណ្តាលអោយដួលស្លា.ប់ភ្លាមៗនៅក្នុងថ្លុកឈា.មតែម្តង ចំណែកជនដៃដល់វិញ ក្រោយពេលកើតហេតុក៏បានរត់គេចខ្លួនបាត់ស្រមោលផងដែរ។
បន្ទាប់ពីកើតហេតុ គេបានឃើញសមត្ថកិច្ចជំនាញខណ្ឌពោធិ៍សែនជ័យ បានចុះមកដល់ទីតាំងកើតហេតុ រួចសាកសួរនាំបន្ត និងធ្វើកំណត់ហេតុ ហើយស្រាវជ្រាវរកមុខសញ្ញាជនដៃដល់ដើម្បីឃាត់ខ្លួនយកមកផ្តន្ទាទោសទៅតាមច្បាប់។ ចំណែកស.ពជនរងគ្រោះវិញ ត្រូវបានសមត្ថកិច្ចធ្វើកំណត់ហេតុ រួចប្រគល់ស.ពឲ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ