រាជធានីភ្នំពេញ ៖ រាជរដ្ឋាភិបាលកម្ពុជាបានទទួលឥណទានសម្បទាននិងហិរញ្ញប្បទានឥតសំណងចំនួន៥៥លានដុល្លារបន្ថែមពីរាជរដ្ឋាភិបាលជប៉ុន ដើម្បីយកមកអភិវឌ្ឍន៍ហេដ្ឋរចនាសម្ព័ន្ធសេដ្ឋកិច្ចសង្គមក្នុងប្រទេស ។
នៅព្រឹកថ្ងៃទី២៤ ខែឧសភា ឆ្នាំ២០២២នេះថា ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសកម្ពុជា និងឯកឧត្តមយូនីអូ អាដហ្សូហ្ស៊ី(UENO Atsushi)ឯកអគ្គរាជទូតជប៉ុនប្រចាំនៅព្រះរាជាណាចក្រកម្ពុជា អញ្ញើញចុះហត្ថលេខាដោយផ្ទាល់លើលិខិតប្តូរប្រគល់ និងទទួលឥណទាននេះ នៅទីស្តីការក្រសួងការបរទេសកម្ពុជា ។
ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិថ្លែងថា ថវិកាទាំងនេះនឹងជួយដល់ការអភិវឌ្ឍន៍ហេដ្ឋារចនាសម្ព័ន្ធសេដ្ឋកិច្ចសង្គមកម្ពុជា និងពង្រឹងទំនាក់ទំនងកាន់តែខ្លាំងក្លារឹងមាំបន្ថែមទៀតរវាងប្រទេសទាំងពីរ និងប្រជាជនទាំងពីរថែមទៀត ។
ឯកឧត្តមឧបនាយករដ្ឋមន្ត្រីបញ្ជាក់ថា ឥណទានទាំងនេះសម្រាប់អនុវត្តគម្រោងចំនួនពីររួមមាន ៖១.ឥណទានសម្បទានទឹកប្រាក់ចំនួន៧២០៥លានយ៉េន (ប្រមាណ៥២,៦លានដុល្លារអាមេរិក)សំរាប់អនុវត្តគម្រោងធ្វើឲ្យប្រសើរឡើងវិញនូវផ្លូវជាតិលេខ៥ (កំណាត់ផ្លូវព្រែកក្តាម-ធ្លាម្អម)ដំណាក់កាលទី៤ ។ ២.ហិរញ្ញប្បទានឥតសំណងដែលមានទឹកប្រាក់ចំនួន៣៦៦លានយ៉េន(ប្រមាណ២,៦៧លានដុល្លារអាមេរិក)សម្រាប់គម្រោងអាហារូបករណ៍អភិវឌ្ឍធានមនុស្ស ។
ឯឧត្តម ឧបនាយករដ្ឋមន្ត្រីបញ្ជាក់ថា ការផ្តល់ជំនួយអភិវឌ្ឍផ្លូវការខាង លើនឹងចូលរួមចំណែកក្នុងការខិតខំប្រឹងប្រែងអភិវដ្ឍសេដ្ឋ.សង្គមជាបន្តបន្ទាប់របស់រាជរដ្ឋាភិបាលកម្ពុជា ព្រមទាំងបង្កើនការពង្រឹងទំនាក់ទំនងដ៏ល្អប្រពៃ និងកិច្ចសហប្រតិបត្តិការដែលកំពុងលូតលាស់លើគ្រប់វិស័យរវាងប្រជាជាតិទាំពីរ ។
ចំណែកឯកឧត្តមយូនីអូ អាដហ្សូហ្ស៊ី(UENO Atsushi) ឯក អគ្គរាជទូតជប៉ុ នប្រចាំនៅព្រះរាជាណាចក្រកម្ពុជាថ្លែងថា តាមរយៈឥណទាន និងហិរញ្ញប្បទានទាំងនេះ គឺទឹកប្រាក់ចំនួន២,៦៧លានដុល្លារអាមេរិកជួយដល់ការអភិវឌ្ឍធនធានមនុស្ស(ផ្តល់អាហារូបករណ៍)ដល់និស្សិតខ្មែរគិតពីឆ្នាំ២០០១មកដល់បច្ចុប្បន្នមានចំនួន៥០០នាក់បានទៅសិក្សានៅប្រទេសជប៉ុន ។
ឯកអគ្គរាជទូតជប៉ុនបន្តថា ចំណែកទឹកប្រាក់៥២,៦លានដុល្លារអាមេរិកសម្រាប់គម្រោងកែលម្អ និងសាងសង់ហេដ្ឋានរចនាផ្លូវជាតិលេខ៥ពីព្រែកក្តាមដល់ធ្លាម្អម) ជាផ្នែកមួយនៃការតភ្ជាប់ពីខេត្តបាត់ដំបង-ទៅប្រជុំស៊ីសុផុន ខេត្តបន្ទាយមានជ័យ និងតភ្ជាប់ពីប្រទេសវៀតណាម កម្ពុជា និងថៃទៀតផង៕
ចែករំលែកព័តមាននេះ