ចិនវ៉ាដាច់ជប៉ុន! ក្លាយជាប្រទេសនាំចេញរថយន្តកំពូលរបស់ពិភពលោក
ចិន ៖ ប្រទេសចិនបានអះអាងថា ខ្លួនបានក្លាយជាប្រទេសនាំចេញរថយន្តដ៏ធំបំផុតរបស់ពិភព
ចិន ៖ ប្រទេសចិនបានអះអាងថា ខ្លួនបានក្លាយជាប្រទេសនាំចេញរថយន្តដ៏ធំបំផុតរបស់ពិភព
ចិន ៖ ប្រទេសចិនបានអះអាងថា ខ្លួនបានក្លាយជាប្រទេសនាំចេញរថយន្តដ៏ធំបំផុតរបស់ពិភពលោក បន្ទាប់ពីវ៉ាដាច់ប្រទេសជប៉ុន នៅក្នុងរយៈពេល៣ខែដំបូងនៃឆ្នាំ ២០២៣។ នេះបើយោងតាមប្រភពពីសារព័ត៌មាន BBC ចេញផ្សាយកាលពីថ្ងៃទី២០ ខែឧសភា កន្លងទៅ។
តួលេខផ្លូវការ ដែលចេញផ្សាយកាលពីសប្តាហ៍មុនបានបង្ហាញថា ប្រទេសចិនបាននាំចេញរថយន្តចំនួន ១.០៧លានគ្រឿងក្នុងរយៈពេល៣ខែដំបូងនៃឆ្នាំនេះ កើនឡើង ៥៨% បើធៀបនឹងត្រីមាសទីមួយនៃឆ្នាំ ២០២២។ ក្នុងពេលជាមួយគ្នានោះផងដែរ ការនាំចេញរថយន្តរបស់ប្រទេសជប៉ុនមានត្រឹមតែ ៩៥៤,១៨៥គ្រឿង បន្ទាប់ពីកើនឡើង ៦% បើធៀបនឹងឆ្នាំមុន។
ការនាំចេញរបស់ប្រទេសចិន ត្រូវបានជំរុញដោយតម្រូវការរថយន្តអគ្គិសនី និងការលក់ទៅឱ្យប្រទេសរុស្ស៊ី។ កាលពីឆ្នាំមុន ចិនបានវ៉ាដាច់ប្រទេសអាល្លឺម៉ង់ ដើម្បីក្លាយជាប្រទេសនាំចេញរថយន្តធំជាងគេទី២ របស់ពិភពលោក។
យោងតាមរដ្ឋបាលគយទូទៅរបស់ប្រទេសចិនបានឱ្យដឹងថា ប្រទេសចិនបាននាំចេញរថយន្តចំនួន ៣.២លានគ្រឿង នៅក្នុងឆ្នាំ ២០២២ ធៀបនឹងការនាំចេញរថយន្តចំនួន ២.៦លានគ្រឿងរបស់ប្រទេសអាល្លឺម៉ង់ ហើយការផ្លាស់ប្តូរឆ្ងាយពីឥន្ធនៈហ្វូស៊ីលបានជួយជំរុញឱ្យមានការកើនឡើងនៃឧស្សាហកម្មម៉ូតូរបស់ប្រទេសចិនផងដែរ។
ក្រុមហ៊ុន Tesla’s China arm ក្រុមហ៊ុន SAIC ដែលជាម្ចាស់ម៉ាកយីហោរថយន្ត MG រួមនិងក្រុមហ៊ុន BYD ដែលត្រូវបានគាំទ្រដោយវិនិយោគិនជនជាតិអាមេរិកជើងចាស់ លោកមហាសេដ្ឋី Warren Buffett ស្ថិតក្នុងចំណោមក្រុមហ៊ុននាំចេញរថយន្តកំពូលរបស់ចិន។
ក្រុមហ៊ុនផលិតរថយន្តអគ្គិសនីរបស់មហាសេដ្ឋីអាមេរិក លោក Elon Musk មានរោងចក្រផលិតដ៏ធំនៅទីក្រុងសៀងហៃ ដែលនាំចេញទៅកាន់តំបន់នានា រួមទាំងប្រទេសជប៉ុន និងអឺរ៉ុបផងដែរ។ រោងចក្រ Gigafactory របស់ក្រុមហ៊ុន Tesla បច្ចុប្បន្នមានសមត្ថភាពផលិតរថយន្តបាន ១.២៥លានគ្រឿងក្នុងមួយឆ្នាំ ហើយក្រុមហ៊ុនកំពុងរៀបចំផែនការបង្កើនសមត្ថភាពរបស់ខ្លួនបន្ថែមទៀត ខណៈកាលពីខែមុន វាបានចាប់ផ្តើមផលិតរថយន្តស្ព័រ Model Y សម្រាប់នាំចេញទៅកាន់ប្រទេសកាណាដា។
ទន្ទឹមជាមួយគ្នានោះផងដែរ ប្រទេសចិនក៏បានមើលឃើញផងដែរនូវការនាំចេញទៅកាន់ប្រទេសរុស្ស៊ី បានកើនឡើងចាប់តាំងពីការចាប់ផ្តើមសង្គ្រាមនៅអ៊ុយក្រែន ខណៈដែលប្រទេសលោកខាងលិចបានដាក់ទណ្ឌកម្មពាណិជ្ជកម្មលើទីក្រុងម៉ូស្គូ។ កាលពីឆ្នាំមុន ក្រុមហ៊ុនផលិតរថយន្តចិន រួមទាំង Geely, Chery និង Great Wall បានឃើញចំណែកទីផ្សារពួកគេនៅក្នុងប្រទេសរុស្ស៊ីកើនឡើង បន្ទាប់ពីគូប្រជែងរួមមាន Volkswagen និង Toyota បានចាកចេញពីប្រទេសមួយនេះ បន្ទាប់ពីការលុកលុយរបស់ពួកគេលើអ៊ុយក្រែន៕
ចែករំលែកព័តមាននេះ