រាជធានីភ្នំពេញ ៖ ក្រោមចំណងថា «រថយន្តដឹកឈើគ្រញូងក្រឡាប់…» ចេញផ្សាយថ្ងៃទី២ ឧសភា ២០១១ របស់អ្នកយកព័ត៌មានខេត្តកំពង់ចាម បានផ្សាយថា រថយន្តបែនដឹកដីធុនធំមួយគ្រឿង ពាក់ស្លាកលេខភ្នំពេញ 3A-1916 ដែលទ្វាររថយន្តមានបិទឡូហ្គោរបស់ក្រុមហ៊ុន«ធីធីវ៉ាយអភិវឌ្ឍន៍ដំណាំកសិកម្ម និងអាហរ័ណ និហរ័ណ »
រាជធានីភ្នំពេញ ៖ ក្រោមចំណងថា «រថយន្តដឹកឈើគ្រញូងក្រឡាប់…» ចេញផ្សាយថ្ងៃទី២ ឧសភា ២០១១ របស់អ្នកយកព័ត៌មានខេត្តកំពង់ចាម បានផ្សាយថា រថយន្តបែនដឹកដីធុនធំមួយគ្រឿង ពាក់ស្លាកលេខភ្នំពេញ 3A-1916 ដែលទ្វាររថយន្តមានបិទឡូហ្គោរបស់ក្រុមហ៊ុន«ធីធីវ៉ាយអភិវឌ្ឍន៍ដំណាំកសិកម្ម និងអាហរ័ណ និហរ័ណ » បានក្រឡាប់នៅផ្លូវបំបែក ក្រែងជីមាន់ ស្រុកពញាក្រែក កាលពីវេលាម៉ោង១១កន្លះ ថ្ងៃទី៣០ មេសា ។ អ្វីដែលគួរកត់សម្គាល់នោះ គឺពេលដែលរថយន្តនេះក្រឡាប់គេឃើញក្អួតចេញមកសុទ្ធតែឈើគ្រញូងរាប់ពាន់កំណាត់ ដែលបម្រុងលោតឆ័ត្រ ទៅស្រុកយួន និងមានការសង្ស័យថាជារបស់ក្រុមហ៊ុនធីធីវ៉ាយ ។
ក្រោយពេលចេញផ្សាយភ្លាម នាយកក្រុមហ៊ុនធីធីវ៉ាយ មានប្រតិកម្មភ្លាមៗដែរ ដោយបានបញ្ជាក់ថា រថយន្តនេះ លោកបានលក់ឱ្យលោក ជា ប៉េងស្រូយ ហៅម៉ៅ តាំងពីថ្ងៃទី៧ មីនា ២០១១ម៉្លេះ តាមរយៈវិក័យប័ត្រលេខ ០០០៤២២ តើហេតុអ្វីបានជាលោក ជា ប៉េងស្រូយ ហៅម៉ៅ មិនបកឡូហ្គោចេញ បែរជាយករថយន្តដែលមានឡូហ្គោក្រុមហ៊ុនធីធីវ៉ាយទៅដឹកឈើគ្រញូងរកស៊ីខុសច្បាប់ទៅវិញ ។
យោងតាមការបំភ្លឺ ដោយមានឯកសារលក់រថយន្តបង្ហាញផង អាចបញ្ជាក់បានថា ជារថយន្តរបស់លោក ជា ប៉េងស្រូយ ហើយឈើគ្រញូងមួយរថយន្តបែនដែលមានរាប់ពាន់កំណាត់ក្រឡាប់នៅស្រុកពញាក្រែក កាលពីថ្ងៃទី៣០ ខែមេសានោះ អាចជាឈើរបស់ឈ្មួញឈ្មោះជា ប៉េងស្រូយ ហៅម៉ៅ មិនអាចប្រកែកបានឡើយ ដែលយើងរង់ចាំមើល តើអាជ្ញាធរខេត្តចាត់ការបែបណាដែរ លើឈ្មួញឈើដ៏ធំបែបនេះ ។
ខាងក្រោមនេះ ជាសេចក្តីបំភ្លឺរបស់ក្រុមហ៊ុនធីធីវ៉ាយ អភិវឌ្ឍន៍ដំណាំកសិកម្ម និងអាហរ័ណ នីហរ័ណ ដែលកោះសន្តិភាពថតចម្លងចុះផ្សាយទាំងស្រុង ដោយមិនធ្វើអត្ថាធិប្បាយបន្ថែមឡើយ។
ចែករំលែកព័តមាននេះ