ខេត្តកំពង់ស្ពឺ ៖ ផ្នែករដ្ឋបាលព្រៃឈើឱរ៉ាល់ព្រឹកថ្ងៃទី២៩ មេសា បានប្រារព្ធពិធីផ្សព្វផ្សាយច្បាប់ស្តីពីព្រៃឈើ និងលិខិតបទដ្ឋានពាក់ព័ន្ធលើវិស័យព្រៃឈើនៅបរិវេណចំការកូនឈើភ្នំខ្ទង់ ស្ថិតក្នុងភូមិត្រពាំងត្រោក និងភូមិត្រពាំងត្រើណ ឃុំប្រាំបីមុម ស្រុកថ្ពង ។ ចូលរួមជាអធិបតីនាឱកាសនោះមានលោកអ៊ូ សាមឿន នាយផ្នែករដ្ឋបាលព្រៃឈើឱរ៉ាល់
ខេត្តកំពង់ស្ពឺ ៖ ផ្នែករដ្ឋបាលព្រៃឈើឱរ៉ាល់ព្រឹកថ្ងៃទី២៩ មេសា បានប្រារព្ធពិធីផ្សព្វផ្សាយច្បាប់ស្តីពីព្រៃឈើ និងលិខិតបទដ្ឋានពាក់ព័ន្ធលើវិស័យព្រៃឈើនៅបរិវេណចំការកូនឈើភ្នំខ្ទង់ ស្ថិតក្នុងភូមិត្រពាំងត្រោក និងភូមិត្រពាំងត្រើណ ឃុំប្រាំបីមុម ស្រុកថ្ពង ។ ចូលរួមជាអធិបតីនាឱកាសនោះមានលោកអ៊ូ សាមឿន នាយផ្នែករដ្ឋបាលព្រៃឈើឱរ៉ាល់ លោកសរ ទុំ នាយរងផ្នែករដ្ឋបាលព្រៃឈើឱរ៉ាល់ លោកនួន សុង អភិបាលស្រុកថ្ពង រួមទាំងការចូលរួមពីមន្ត្រីឃុំ និងប្រជាពលរដ្ឋចំនួនជាង១០០នាក់ ។
លោកអ៊ូ សាមឿន បានលើកឡើងថា ច្បាប់ស្តីពីព្រៃឈើមាន១៨ជំពូក និងមាន១០៩មាត្រា ដែលប្រកាសឱ្យប្រើតាមព្រះរាជក្រមលេខនស/រកម/០៨០២ /០១៦ ចុះថ្ងៃទី៣១ សីហា ឆ្នាំ២០០២ ។ ក្នុងបណ្តាជំពូកនីមួយៗមានកំណត់សមត្ថកិច្ចគ្រប់គ្រងព្រៃឈើ ដែលមានសក្តានុពលលើធនធានព្រៃឈើជីវភាពប្រជាជន និងបរិស្ថាន។ ព្រៃឈើ ជាសម្បត្តិអចិន្ត្រៃយ៍របស់រដ្ឋនិងវិធានការគ្រប់គ្រងការពារអភិរក្សធនធានសត្វព្រៃគ្រប់ប្រភេទផងដែរ ។
លោកអ៊ូ សាមឿនបន្តថា ទន្ទឹមនឹងវិធានការការពារអភិរក្សនេះ ក៏ត្រូវមានការចាំបាច់នូវការរុករានកាប់ឆ្ការព្រៃ ការដុត ការឈូសឆាយ និងហ៊ុមព័ទ្ធកាន់កាប់ព្រៃឈើផងដែរ ។ ការផ្សព្វផ្សាយច្បាប់ស្តីពីព្រៃឈើនេះត្រូវតែបំផុសដល់គ្រប់ស្រទាប់មហាជន កងកម្លាំងប្រដាប់អាវុធ មន្ត្រីរាជការ សិស្សានុសិស្ស ឱ្យបានជ្រួតជ្រាបគ្រប់មជ្ឈដ្ឋានឱ្យចេះការពារ ស្រឡាញ់ និងដាំដុះបន្ថែមទៀតដើមឈើ ពិសេសទប់ស្កាត់ការសម្លាប់សត្វព្រៃដែលត្រូវរក្សា ។
ពាក់ព័ន្ធលិខិតបទដ្ឋានលើវិស័យព្រៃឈើ លោកសន ទុំ នាយរងផ្នែករដ្ឋបាលព្រៃឈើ ឱរ៉ាល់បានសង្កត់ធ្ងន់ថា កត្តាធំគឺការទប់ស្កាត់បង្ក្រាប ការដុត ឈូសឆាយ រុករានដីព្រៃហ៊ុមព័ទ្ធឱ្យបាន ។ ត្រូវត្រួតពិនិត្យលើឧបករណ៍រណារយន្តកាត់ឈើ ដែលគ្រប់គ្រងដោយឯកជននោះឱ្យម៉ត់ចត់ ។ លោកទួន សុង អភិបាលស្រុកថ្ពង បានលើកឡើងថា ពលរដ្ឋយើងត្រូវតែចូលរួមការពារអភិរក្សទាំងអស់គ្នានូវព្រៃឈើព្រោះព្រៃឈើធ្វើឱ្យមនុស្សយើងមានរបាំងការពារពីខ្យល់ព្យុះ ការហូរក្រោមដី និងទាក់ទាញទឹកភ្លៀងផងដែរ ។ លោកអ៊ូ សាមឿន បានធ្វើរបាយការណ៍ជូនអង្គប្រជុំថា ក្នុងត្រីមាសទី១ ដើមឆ្នាំ២០១១ នេះ រដ្ឋបាលព្រៃឈើបង្ក្រាបបាន៩ករណីក្នុងនោះមានរណារយន្ត១ករណី សិប្បកម្មកែច្នៃ២ ករណី ការដឹកជញ្ជូនឈើ៦ករណី ត្រូវពិន័យអន្តរកាលបាន២លើក និង៣ករណីកំពុងចាត់ការត្រូវពិន័យជាប្រាក់ប្រមាណជាង១០លានរៀល ៕
ចែករំលែកព័តមាននេះ