បង់ក្លាដែស និងមីយ៉ាន់ម៉ារងការវា.យប្រហារដោយព្យុះប្រភេទទី៥
មីយ៉ាន់ម៉ា-បង់ក្លាដែស ៖ ព្យុះស៊ីក្លូនឈ្មោះMOCHA កាលពីថ្ងៃទី១៤ ឧសភា បានវាយប្រហារលើ
មីយ៉ាន់ម៉ា-បង់ក្លាដែស ៖ ព្យុះស៊ីក្លូនឈ្មោះMOCHA កាលពីថ្ងៃទី១៤ ឧសភា បានវាយប្រហារលើប្រទេសបង់ក្លាដែស តែជំរំជនភៀសខ្លួនរ៉ូហ៊ីងយ៉ាអាចគេចផុតពីព្យុះនេះ និងលើភាគខាងលិចប្រទេសមីយ៉ាន់ម៉ា ដែលនៅទីនោះបណ្ដាផ្លូវថ្នល់ត្រូវទឹកជន់លិច ដំបូលផ្ទះត្រូវប៉ើង និងគមនាគមន៍ស្ទើរតែដាច់ទាំងស្រុង។
អមដោយកម្លាំងខ្យល់ដល់់១៩០គីឡូម៉ែត្រក្នុង១ម៉ោង ព្យុះMOCHAជាព្យុះស៊ីក្លូនប្រភេទទី៥ដែលខ្លាំងបំផុត បានវាយប្រហារលើដែនដីនៃទីក្រុងCOX’S BAZAR បង់ក្លាដែសដែលនៅតំបន់នោះមានជនភៀសខ្លួនរ៉ូហ៊ីងយ៉ារស់នៅប្រមាណ១លាននាក់ ព្រមទាំងវាយប្រហារលើក្រុងSITTEWE មីយ៉ាន់ម៉ាជារដ្ឋធានីនៃរដ្ឋរ៉ាឃីន បណ្ដាលឲ្យមានទឹកជន់លិច ដើមឈើបង្គោលភ្លើងរលំបាក់និងផ្ទះទាំងឡាយប៉ើងដំបូល។
យប់ថ្ងៃ១៤ឧសភាព្យុះនោះហាក់ដូចជាបោកបក់ផុត ដោយខាងឧតុនិយមឥណ្ឌានិយាយថា ព្យុះនេះបានថមថយកម្លាំងមុនពេលបោកបក់ដល់តំបន់កូនភ្នំ ខាងក្នុងប្រទេសមីយ៉ាន់ម៉ា។ ជម្រករវាងពី៤០០ទៅ៥០០រងការខូចខាតខ្លះ ក្នុងបណ្ដាជំរំជនភៀសខ្លួនរ៉ូហ៊ីងយ៉ានៅCOX’S BAZAR តែសំណាងល្អពុំមានសេចក្ដីរាយការណ៍ពីជនរងគ្រោះនៅឡើយសម្រាប់ពេលនេះ៕
ចែករំលែកព័តមាននេះ