សំណង់ដែលសង់រំលោ.ភយកផ្លូវ ត្រូវបានអាជ្ញាធរចុះពិនិត្យ និងណែនាំ ព្រមទាំងធ្វើកិច្ចសន្យា ដោយទុករយៈពេល៧ថ្ងៃ ដើម្បីឱ្យរុះរើចេញ។ ការចុះណែនាំនេះ
ខេត្តបន្ទាយមានជ័យ ៖ សំណង់ដែលសង់រំលោ.ភយកផ្លូវ ត្រូវបានអាជ្ញាធរចុះពិនិត្យ និងណែនាំ ព្រមទាំងធ្វើកិច្ចសន្យា ដោយទុករយៈពេល៧ថ្ងៃ ដើម្បីឱ្យរុះរើចេញ។ ការចុះណែនាំនេះ ធ្វើការកាលពីថ្ងៃទី១៣ ខែឧសភា ឆ្នាំ២០២៣ នៅតាមផ្លូវ ស្ថិតក្នុងភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។
លោក វ៉ា ជឹមណារ៉េត ចៅសង្កាត់អូរជ្រៅ បានប្រាប់ឱ្យដឹងថា ក្រោយពីទទួលព័ត៌មានបានដឹងថា មានម្ចាស់សំណង់ឈ្មោះ តាំង ហ័រឃីម ជាអាជីវករលក់ដូរទូរស័ព្ទដៃ កសាងសំណង់រំលោ.ភដីចំណីផ្លូវ ដែលមានទទឹងជាង២ម៉ែត្រ និងបណ្តោយជិត២០ម៉ែត្រ ដោយរំលោ.ភយកដីផ្លូវរដ្ឋធ្វើអោយប៉ះពាល់ដល់ផ្លូវសាធារណៈរបស់ប្រជាពលរដ្ឋក្នុងការចេញចូល ហើយប្រជាពលរដ្ឋនាំគ្នារិះគន់ដែលបុរសរូបនេះមានបំណងរំលោ.ភយកដីផ្លូវរដ្ឋធ្វើកម្មសិទ្ធិ។
លោកបានបញ្ជាក់ថា ក្រោយពីអាជ្ញាធរសង្កាត់អូរជ្រៅ និងមន្ត្រីជំនាញ ចុះពិនិត្យឃើញថា ម្ចាស់សំណង់ឈ្មោះ តាំង ហ័រឃីម បានកសាងសំណង់រំលោ.ភចំណីផ្លូវរដ្ឋធ្វើឱ្យប៉ះពាល់ដល់សណ្តាប់ធ្នាប់ផ្លូវសាធារណៈភ្លាម មន្ត្រីជំនាញក៏បានហៅម្ចាស់សំណង់រូបនេះមកធ្វើកិច្ចសន្យា ដោយឱ្យបញ្ឈប់សកម្មភាព និងទុករយៈពេល១សប្តាហ៍ ឬ៧ថ្ងៃ ដើម្បីឱ្យរុះរើសំណង់នោះចេញវិញតាមការកំណត់ បើមិនអនុវត្តតាមការណែនាំ និងកិច្ចសន្យានេះទេ មន្ត្រីជំនាញនឹងមានវិធានការចាត់ការតាមផ្លូវច្បាប់។
លោក វ៉ា ជឹមណារ៉េត បានបញ្ជាក់ថា ជាការណែនាំពីលោក គាត ហ៊ុល អភិបាលក្រុងប៉ោយប៉ែត បានចុះពិនិត្យ និងធ្វើកិច្ចសន្យាចំពោះម្ចាស់សំណង់ ហើយក៏បានណែនាំដល់ម្ចាស់សំណង់ដទៃទៀត មិនត្រូវកសាងសំណង់រំលោ.ភយកដីផ្លូវរដ្ឋធ្វើកម្មសិទ្ធិនោះទេ ព្រោះជាអំពើល្មើសច្បាប់ ហើយសំណង់ដែលសាងសង់ត្រូវបិទបាំងឱ្យជិត ដើម្បីកុំឱ្យប៉ះពាល់អ្នកជិតខាងនៅលើផ្លូវសាធារណៈ បើកើតមានហេតុការណ៍ណាមួយ ត្រូវទទួលខុសត្រូវចំពោះមុខច្បាប់៕
ចែករំលែកព័តមាននេះ