ADផ្ទាំងផ្សព្វផ្សាយពាណិជ្ជកម្ម

សម្តេចតេជោហ៊ុន សែន និងលោកជំទាវបណ្ឌិតនឹងអញ្ជើញជាអធិបតីទិវាពិភពលោកកាកបាទក្រហម អឌ្ឍចន្ទក្រហម ព្រឹកថ្ងៃទី៣ ឧសភា

14 ឆ្នាំ មុន

០២ ខែ ឧសភា ឆ្នាំ ២០១១ ម៉ោង ០១:៤៨

រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រី និងលោកជំទាវ បណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា នឹងអញ្ជើញជាអធិបតីក្នុងពិធីមិទ្ទីងរំឭកខួបលើកទី១៤៨ ទិវាពិភពលោកកាកបាទក្រហម អឌ្ឍចន្ទក្រហម ក្រោមប្រធានបទ «កម្លាំងអ្នកស្ម័គ្រចិត្ត ប្រសិទ្ធភាពមនុស្សធម៌» វេលាម៉ោង៨ព្រឹកថ្ងៃទី៣ ឧសភា ២០១១

មិទ្ទីងទី១៤៨ ទិវាពិភពលោកកាកបាទក្រហមអឌ្ឍចន្ទក្រហមដែលបានរៀបចំធ្វើឡើងជារៀងរាល់ឆ្នាំក្នុងគោលដៅកៀងគរមូលនិធិសប្បុរសជនទាំងថ្នាក់ជាតិ-អន្តរជាតិ ទាំងនៅក្នុង និងក្រៅប្រទេស សម្រាប់បម្រើដល់សកម្មភាពមនុស្សធម៌របស់កាកបាទក្រហម ។ ជាមួយនេះនឹងមានមន្ត្រីជាន់ខ្ពស់រដ្ឋាភិបាល តំណាងស្ថានទូតនានា អង្គការជាតិ-អន្តរជាតិ ដៃគូផ្តល់ជំនួយ និងសមាជិក សមាជិកា កាកបាទក្រហមចូលរួមយ៉ាងច្រើនកុះករ ៕