រាជធានីភ្នំពេញ ៖ កម្មការិនីម្នាក់ធ្វើការនៅរោងចក្រកាត់ដេរសម្លៀកបំពាក់យីហោហាន់ស៊ីមែន ដែលមានទីតាំងក្នុងសង្កាត់ចោមចៅ ខណ្ឌដង្កោ ខណៈពេលកំពុងធ្វើការញាប់ដៃញាប់ជើង ដោយស្រេកទឹកពេកបានលូកដៃយកដបទឹកដែលដាក់លើតុយកមកផឹកដោយមិនបានពិនិត្យមើល រួចផឹកអស់កន្លះដបទើបដឹងថាជាសាំងក្រអូបដែល
រាជធានីភ្នំពេញ ៖ កម្មការិនីម្នាក់ធ្វើការនៅរោងចក្រកាត់ដេរសម្លៀកបំពាក់យីហោហាន់ស៊ីមែន ដែលមានទីតាំងក្នុងសង្កាត់ចោមចៅ ខណ្ឌដង្កោ ខណៈពេលកំពុងធ្វើការញាប់ដៃញាប់ជើង ដោយស្រេកទឹកពេកបានលូកដៃយកដបទឹកដែលដាក់លើតុយកមកផឹកដោយមិនបានពិនិត្យមើល រួចផឹកអស់កន្លះដបទើបដឹងថាជាសាំងក្រអូបដែលបន្ទាប់ពីផឹករួចក៏ក្ដៅអន្ទះអន្ទែង ស្អក.កនិយាយមិនចេញ ។ ហេតុការណ៍នេះបានកើតឡើងកាលពីវេលាម៉ោង១០និង៣០នាទីព្រឹកថ្ងៃទី២៩ មេសា ។
កម្មការិនីដែលផឹកសាំងក្រអូបច្រឡំថា ទឹកនោះឈ្មោះ ខេម ខុន អាយុ២២ឆ្នាំ ធ្វើការនៅរោងចក្រខាងលើផ្នែកកាត់ព្រុយកំណាត់ មានស្រុកកំណើតនៅភូមិក្ដីស្លា ឃុំស្វាយជ្រំ ស្រុកស្វាយជ្រំ ខេត្ដស្វាយរៀង និងស្នាក់នៅបន្ទប់ជួលជិតរោងចក្រ។ កម្មការិនីរូបនេះនិយាយថា ពេលកំពុងតែរវល់ញាប់ដៃញាប់ជើង ដោយសារស្រេកទឹកខ្លាំងពេកធ្វើការបណ្ដើរឈោងដៃយកដបទឹកដែលតែងតែយកមកទុកសម្រាប់ផឹកនោះបណ្តើរមកមួលគម្របរួចផឹកអស់កន្លះដបទើបដឹងថាជាដបសាំងក្រអូប។
កម្មការិនីរូបនេះបញ្ជាក់ថា ជាធម្មតាដបសាំងក្រអូបដាក់នៅក្រោមតុសម្រាប់ប្រើជាមួយម៉ាស៊ីនកាត់ព្រុយ ប៉ុន្ដែថ្ងៃនោះមិនដឹងអ្នកណា យកដបសាំងមកដាក់នៅកន្លែងដាក់ទឹកសម្រាប់ហូបទើបមិនបានចាប់អារម្មណ៍ទាល់តែផឹកអស់កន្លះដបទើបធុំក្លិនក៏រត់ទៅក្អួតតែក្អួតមិនចេញ ហើយប្រាប់កម្មការិនីធ្វើការជាមួយគ្នាថានាងច្រឡំផឹកសាំងក្រអូប ។ បន្ទាប់មក ក្នុងខ្លួនក្ដៅអន្ទះអន្ទែងហើយស្អក.កនិយាយក៏មិនចេញ ទើបគ្រូពេទ្យប្រចាំនៅរោងចក្រនោះនាំមកព្យាបាលនៅមន្ទីរពេទ្យព្រះកុសុមៈ ៕
ចែករំលែកព័តមាននេះ