រាជធានីភ្នំពេញ ៖ កម្មកររោងចក្រមិថុនា ប្រមាណ៣០០នាក់នៅព្រឹកថ្ងៃចន្ទ ទី២ ឧសភា នេះ បានបន្តជួបជុំគ្នាធ្វើកូដកម្មនៅមុខរោងចក្រដែលមានទីតាំងស្ថិតនៅក្នុងសង្កាត់ទឹកថ្លា ខណ្ឌសែនសុខ ប្រយោជន៍ដើម្បីទាមទារឱ្យថៅកែរោងចក្រដោះស្រាយប្រាក់អតីតភាពការងារ និងប្រាក់បំណាច់ឆ្នាំ បន្ទាប់ពីរោងចក្រមិថុនា ដែលមានកម្ពស់៤ជាន់
រាជធានីភ្នំពេញ ៖ កម្មកររោងចក្រមិថុនា ប្រមាណ៣០០នាក់នៅព្រឹកថ្ងៃចន្ទ ទី២ ឧសភា នេះ បានបន្តជួបជុំគ្នាធ្វើកូដកម្មនៅមុខរោងចក្រដែលមានទីតាំងស្ថិតនៅក្នុងសង្កាត់ទឹកថ្លា ខណ្ឌសែនសុខ ប្រយោជន៍ដើម្បីទាមទារឱ្យថៅកែរោងចក្រដោះស្រាយប្រាក់អតីតភាពការងារ និងប្រាក់បំណាច់ឆ្នាំ បន្ទាប់ពីរោងចក្រមិថុនា ដែលមានកម្ពស់៤ជាន់បានផ្អាកដំណើរការដោយសារអគ្គីភ័យបំផ្លាញទាំងស្រុងកាលពីរសៀលថ្ងៃទី៣០ មីនា ២០១១ នោះរួចមក ។ បាតុកម្មរបស់កម្មករដែលមានរយៈពេល៥ថ្ងៃមកហើយ ចាប់តាំងពីថ្ងៃទី២៨ មេសា កន្លងមក បានកើតឡើងបន្ទាប់ពីកម្មករមិនទទួលយការដោះស្រាយរបស់តំណាងរោងចក្រនូវទឹកប្រាក់ចំនួន៣០ដុល្លារ សម្រាប់កម្មករម្នាក់ៗជាថ្នូរទៅនឹងការបញ្ឈប់ការងារ និងបញ្ឈប់ការទាមទារប្រាក់ផ្សេងៗទៀតនោះ ។
គួរបញ្ជាក់ថា កាលពីថ្ងៃទី២៨ និង២៩ មេសា កន្លងមកនេះ ក្រុមកម្មករប្រមាណ៤ពាន់នាក់នៅរោងចក្រមិថុនាគ្រោងនឹងដង្ហែក្បួនទៅកាន់រោងចក្រវ៉ាយរ៉ូឡែត មានទីតាំងស្ថិតនៅក្នុងសង្កាត់អូរបែកក្អម ដែលជាសាខារបស់រោងចក្រមិថុនា ប្រយោជន៍ដើម្បីធ្វើសកម្មភាពផ្អាកចង្វាក់ផលិតកម្មររោងចក្រនេះ។ ប៉ុន្តែត្រូវបានសមត្ថកិច្ចបង្ក្រាបបាតុកម្មរារាងមិនអនុញ្ញាតឱ្យមានការដង្ហែក្បួន ។ ទោះជាយ៉ាងណា បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឱ្យដឹងថា នៅព្រឹកថ្ងៃអង្គារស្អែកនេះ តំណាងកម្មករបានអះអាងថា ពួកគេនឹងធ្វើមហាបាតុកម្មដ៏ធំ ដើម្បីដាក់ការគាបសង្កត់ឱ្យថៅកែរោងចក្រដោះស្រាយប្រាក់អតីតភាពការងារ និងប្រាក់បំណាច់ឆ្នាំ បើទោះបីជាមានការរារាំងពីសមត្ថកិច្ចនោះក៏ដោយ ៕
ចែករំលែកព័តមាននេះ