រាជធានីភ្នំពេញ ៖ ក្រុមបាល់ទះជម្រើសជាតិកម្ពុជានឹងធ្វើការប្រកួតជាមួយក្រុមជម្រើសជាតិឥណ្ឌូនេស៊ី វិញ្ញាសាបាល់ទះបុរស វគ្គផ្តាច់ព្រ័ត្រ ក្នុងព្រឹត្តិការណ៍ស៊ីហ្គេម ២០២៣ នៅយប់ថ្ងៃទី៨ ឧសភានេះ ។…
រាជធានីភ្នំពេញ ៖ ក្រុមបាល់ទះជម្រើសជាតិកម្ពុជានឹងធ្វើការប្រកួតជាមួយក្រុមជម្រើសជាតិឥណ្ឌូនេស៊ី វិញ្ញាសាបាល់ទះបុរស វគ្គផ្តាច់ព្រ័ត្រ ក្នុងព្រឹត្តិការណ៍ស៊ីហ្គេម ២០២៣ នៅយប់ថ្ងៃទី៨ ឧសភានេះ ។
ការប្រកួតបាល់ទះរវាងកម្ពុជា និងឥណ្ឌូនេស៊ីវគ្គផ្តាច់ព្រ័ត្រដណ្តើមមេដាយមាសនឹងធ្វើឡើងនៅសាលពហុកីឡដ្ឋានជាតិអូឡាំពិក នៅថ្ងៃទី៨ ខែឧសភា ឆ្នាំ២០២៣នេះ វេលាម៉ោង៧កន្លះយប់ ។
សូមជម្រាបថា ការឈានវគ្គផ្តាច់ព្រ័ត្រនេះ បន្ទាប់ពីក្រុមជម្រើសជាតិកម្ពុជាបានយកឈ្នះថៃ នៅវគ្គពាក់កណ្តាលផ្តាច់ព្រ័ត្រក្នុងលទ្ធផល ៣សិត ទល់២សិត ។ ចំណែកឥណ្ឌូនេស៊ី បានយកឈ្នះទៅលើវៀតណាម ក្នុងលទ្ធផល៣សិតទល់០ ។
យ៉ាងណាអ្នកតាមដានបានទន្ទឹងរងចាំនៅក្នុងរាត្រីនេះ សង្ឃឹមថាក្រុមជម្រើសជាតិបាល់ទះកម្ពុជានឹងធ្វើបានលទ្ធផលល្អ ហើយយកមេដាយមាសជូនជាតិ ។
សូមជម្រាបថា ក្រុមជម្រើសជាតិឥណ្ឌូនេស៊ីត្រូវបានគេចាំថា ជាក្រុមជម្រើសជាតិ៨ សម័យកាលមកហើយ ក្នុងការទទួលមេដាយមាសពីព្រឹត្តិការណ៍ស៊ីហ្គេមជាបន្តបន្ទាប់មកនេះ ។
យ៉ាងណាក្តី បើតាមការសង្កេតមើលជាក់ស្តែង ក្រុមជម្រើសជាតិឥណ្ឌូនេស៊ី ពេលលេងមានកីឡាករប៉ុន្មានរូបមានភាពលិចធ្លោ ហើយអ្វីសំខាន់នោះគេចេះប្រើល្បិចវា.យយកពិន្ទុទោះបីមានបាំងប៉ុន្មានក៏ដោយវា.យយកប៉ះដៃ ៕
ចែករំលែកព័តមាននេះ