រាជធានីភ្នំពេញ ៖ នៅរោងចក្រ GAW ON APPAREL CO LTD កាលពីថ្ងៃទី៣០ មេសា បានរៀបចំពិធីបើកវគ្គបណ្តុះបណ្តាលប្រចាំឆ្នាំលើកទី៥ ស្តីអំពីមនសិការវិជ្ជាជីវៈដែលមានកម្មករ កម្មការិនីចូលរួមចំនួនជិត២ពាន់នាក់ ។ ពិធីនោះបានធ្វើឡើងក្រោមអធិបតីភាពលោកពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ
រាជធានីភ្នំពេញ ៖ នៅរោងចក្រ GAW ON APPAREL CO LTD កាលពីថ្ងៃទី៣០ មេសា បានរៀបចំពិធីបើកវគ្គបណ្តុះបណ្តាលប្រចាំឆ្នាំលើកទី៥ ស្តីអំពីមនសិការវិជ្ជាជីវៈដែលមានកម្មករ កម្មការិនីចូលរួមចំនួនជិត២ពាន់នាក់ ។ ពិធីនោះបានធ្វើឡើងក្រោមអធិបតីភាពលោកពេជ សោភ័ន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ។
មនសិការវិជ្ជាជីវៈគឺប្រៀបបាននឹងមនសិការជាតិដែរ មានន័យថា ការងារទាំងឡាយណាដែលយើងកំពុងប្រកបធ្វើជាមុខរបរចិញ្ចឹមជីវិត ការងារនោះត្រូវគិតឱ្យដូចការងាររបស់ខ្លួនឯង មិនខ្ជះខ្ជាយការងារ មិនខ្ជះខ្ជាយពេលវេលា យកចិត្តទុកដាក់ និងផ្ចិតផ្ចង់ឱ្យអស់ពីសមត្ថភាព។ដូច្នេះការបង្រៀនមនសិការវិជ្ជាជីវៈដល់កម្មករ កម្មការិនី គឺជាការបង្រៀនមួយធ្វើឱ្យកម្មករយល់ច្បាស់ថា ខ្លួនឯងជាអ្នកណា ជាកម្មករដែលប្រកបការងារនៅតាមរោងចក្រ សហគ្រាស។ កម្មករមិនមែនជាមនុស្សកំទេចកំទីនោះទេ គឺកម្មករជាមនុស្សសំខាន់ម្នាក់ដែលមានចំណែកក្នុងការរកចំណូលជូនប្រទេសជាតិ ធ្វើឱ្យប្រទេសជាតិមានការរីកចម្រើន រកចំណូលចូលក្នុងគ្រួសារ អាចចិញ្ចឹមសមាជិកក្នុងគ្រួសារបាន មានថ្ងៃឈប់សំរាក មានច្បាប់ការងារត្រឹមត្រូវ និងមានសេរីភាពគ្រប់យ៉ាងដូចមនុស្សផងទាំងពួង។
ក្រៅពីបង្រៀនឱ្យស្គាល់ពីតម្លៃខ្លួនឯងក៏បានបង្រៀនឱ្យស្គាល់ពីតម្លៃការងារ និងសីលធម៌ សុជីវធម៌ផងដែរ គឺការងារកម្មករ បើមិនស្មោះត្រង់នឹងការងារទេ សង្វាក់ផលិតកម្មនឹងស្ទះដំណើរការ គុណភាពផលិតផលនឹងធ្លាក់ចុះមិនអាចប្រកួតប្រជែងបាន ហើយទីបំផុតនឹងដួលរលំបាត់បង់ការងារ បាត់បង់ការចិញ្ចឹមជីវិត។ ដូច្នេះតម្លៃការងារទាមទារឱ្យមានភាពស្មោះត្រង់ ឧស្សាហ៍ យកចិត្តទុកដាក់ដើម្បីប្រកួតប្រជែង។
លោកពេជ សោភ័ន បានថ្លែងថា ដើម្បីឱ្យការងារល្អ គឺត្រូវបណ្តុះបណ្តាលធនធានមនុស្សឱ្យមានជំនាញវិជ្ជាជីវៈដែលផ្សារភ្ជាប់ទៅជាមួយនូវក្រមសីលធម៌ផងដែរ។ កម្មករមិនគោរពវិន័យធ្វើឱ្យសង្វាក់ផលិតកម្មត្រូវកកស្ទះ ហើយទីបំផុតនឹងឈានដល់ការបិទទ្វារ ហើយកម្មករក៏បាត់បង់ការងារធ្វើដែរ។ លោកពេជ សោភ័ន បានណែនាំដល់កម្មករកុំឱ្យស្តាប់តាមការញុះញង់ពីក្រុមអ្នកដើរអុជអាលដើម្បីផលប្រយោជន៍របស់គេ ៕
ចែករំលែកព័តមាននេះ