រាជធានីភ្នំពេញ ៖ ថ្ងៃទី១ ឧសភា គឺជាទិវាពលកម្មអន្តរជាតិដែលពិភពលោកបានធ្វើពិធីអបអរសាទរទិវានេះរៀងរាល់ឆ្នាំ ហើយសម្រាប់ឆ្នាំ២០១១នេះ គឺខួបលើកទី១២៥ ។ នៅព្រះរាជាណាចក្រកម្ពុជាទាំងមន្ត្រីរាជការ ក្រុមហ៊ុន រោងចក្រ សហគ្រាស និងអង្គការសង្គមស៊ីវិលមួយចំនួនត្រូវបានឈប់សម្រាកពីការងារតាមច្បាប់ដែលបានចែងនៅក្នុង
រាជធានីភ្នំពេញ ៖ ថ្ងៃទី១ ឧសភា គឺជាទិវាពលកម្មអន្តរជាតិដែលពិភពលោកបានធ្វើពិធីអបអរសាទរទិវានេះរៀងរាល់ឆ្នាំ ហើយសម្រាប់ឆ្នាំ២០១១នេះ គឺខួបលើកទី១២៥ ។ នៅព្រះរាជាណាចក្រកម្ពុជាទាំងមន្ត្រីរាជការ ក្រុមហ៊ុន រោងចក្រ សហគ្រាស និងអង្គការសង្គមស៊ីវិលមួយចំនួនត្រូវបានឈប់សម្រាកពីការងារតាមច្បាប់ដែលបានចែងនៅក្នុងប្រទេស។ ជាការអបអរសាទរទិវាពលកម្មអន្តរជាតិខួបលើកទី១២៥ ថ្ងៃទី១ ឧសភា ២០១១ នេះ សាលារាជធានីភ្នំពេញ បានរៀបចំកម្មវិធីកម្សាន្តសប្បាយរយៈពេលមួយព្រឹកធំនៅរមណីយដ្ឋានវត្តភ្នំ គឺការប្រគំតន្ត្រី និងក្រុមសិល្បៈកំប្លែងសម្តែងដោយក្រុមនាយកុយ ។ គោលបំណងសំខាន់គឺដើម្បីឱ្យប្រជាពលរដ្ឋ កម្មករនៅរាជធានីភ្នំពេញ ក្នុងពេលឈប់សម្រាកនេះបានសប្បាយរីករាយដោយសេរី ម្យ៉ាងជាការអបអរសាទរខួបលើកទី១២៥ ទិវាពលកម្មអន្តរជាតិ១ ឧសភា នេះតែម្តង ។
កម្មវិធីប្រគំតន្ត្រី និងឆាកកំប្លែងសម្តែងដោយក្រុមនាយកុយនោះ មានប្រជាពលរដ្ឋ កម្មករ កម្មការិនី រាប់ទាំងអ្នករត់ម៉ូតូ និងស៊ីក្លូ មានរាប់ពាន់នាក់ គឺច្រើនកុះករ បានទៅទស្សនាស្រែកហ៊ោសប្បាយ ដែលកម្មវិធីបានចាប់ផ្តើមពី ម៉ោង៧និង៣០នាទីព្រឹកដល់ម៉ោង១២និង៣០នាទីថ្ងៃត្រង់ទើបបញ្ចប់ ។ មហាជនចូលរួមពិតជាមានភាពសប្បាយរីករាយក្នុងទឹកមុខស្រស់ថ្លាមានន័យថា គ្មានទុក្ខកង្វល់គ្រប់ៗគ្នា និងមានការថ្លែងអំណរគុណដល់លោកកែប ជុតិមា អភិបាលរាជធានីភ្នំពេញ ដែលបានបង្កើតឱ្យមានកម្មវិធីសប្បាយរីករាយនៅរមណីយដ្ឋានវត្តភ្នំ ក្នុងពេលនេះ ៕
ចែករំលែកព័តមាននេះ