ADផ្ទាំងផ្សព្វផ្សាយពាណិជ្ជកម្ម

Picture

គ្រូ​ជម្រើស​ជាតិ​វៀតណាម​សូម​ឱ្យ​កូន​ក្រុម​ខិតខំ​​​បន្ថែម​​ទៀត​ បន្ទាប់​ពី​ឈ្នះ​ឡាវ​២-០

11 ខែ មុន

គ្រូ​ជម្រើស​ជាតិ​វៀតណាម​មាន​មោទ​ក​ភាព​ចំពោះ​ក្រុម​វៀតណាម​ដែល​បាន​​​ទាត់​បាល់​ចូល​ខាង​ក្រុម​​ឡាវ​ ដើម្បី​យក​ឈ្នះ​នៅ​វគ្គ​ជម្រុះ​កាល​ពី​យប់​ថ្ងៃ​អាទិត្យ​​​។ ប៉ុន្តែ​លោក​សង្កត់​ធ្ងន់​ថា​ក្រុម​​របស់​លោក​​ត្រូវ​ការ​កែ​សម្រួល​បន្ថែម​ទៀត​ដើម្បី​ពង្រឹង​សមត្ថ​ភាព​ប្រកួត​ឱ្យ​បាន​​កាន់​តែ​ល្អ​ប្រសើរ​។​ លោក​ថ្លែង​​ថា​មាន​បញ្ហា​ខ្លះ​ៗ​ដែល​ត្រូវ​ដោះ​ស្រាយ​។​ ខ្ញុំ​ពេញ​ចិត្ត​នឹង​លទ្ធផល​ប្រកួត​ថ្ងៃ​នេះ​​។ យើង​​ឈ្នះ​២​គ្រាប់​ដាច់​តែ​ម្ដង​ ដោយ​មិន​ទុក​​ឱកាស​ឱ្យ​​គូ​ប្រកួតរបស់​យើង​​​អាច​​​ទាត់​​ចូល​ខាង​យើង​​​សូម្បី​តែ​១​​​គ្រាប់។​ ​​​គ្រូ​ជម្រើស​ជាតិ​វៀតណាម​ លោក​ ហ្វ៊ីលីពី…

គ្រូ​ជម្រើស​ជាតិ​វៀតណាម​មាន​មោទ​ក​ភាព​ចំពោះ​ក្រុម​វៀតណាម​ដែល​បាន​​​ទាត់​បាល់​ចូល​ខាង​ក្រុម​​ឡាវ​ ដើម្បី​យក​ឈ្នះ​នៅ​វគ្គ​ជម្រុះ​កាល​ពី​យប់​ថ្ងៃ​អាទិត្យ​​​។ ប៉ុន្តែ​លោក​សង្កត់​ធ្ងន់​ថា​ក្រុម​​របស់​លោក​​ត្រូវ​ការ​កែ​សម្រួល​បន្ថែម​ទៀត​ដើម្បី​ពង្រឹង​សមត្ថ​ភាព​ប្រកួត​ឱ្យ​បាន​​កាន់​តែ​ល្អ​ប្រសើរ​។​ លោក​ថ្លែង​​ថា​មាន​បញ្ហា​ខ្លះ​ៗ​ដែល​ត្រូវ​ដោះ​ស្រាយ​។​ ខ្ញុំ​ពេញ​ចិត្ត​នឹង​លទ្ធផល​ប្រកួត​ថ្ងៃ​នេះ​​។ យើង​​ឈ្នះ​២​គ្រាប់​ដាច់​តែ​ម្ដង​ ដោយ​មិន​ទុក​​ឱកាស​ឱ្យ​​គូ​ប្រកួតរបស់​យើង​​​អាច​​​ទាត់​​ចូល​ខាង​យើង​​​សូម្បី​តែ​១​​​គ្រាប់។​

អ្នក​ចាំ​ទី​ក្រុម​ជម្រើស​ជាតិ​ឡាវ​រាង​ពិបាក​ចាប់​បន្តិច​ គ្រាប់​បាល់​ដែល​ហោះ​​ឡើង​ទៅកៀក​នឹង​សំណាញ់​ទី​ខាង​លើ; បាល់​បែប​ហ្នឹង​មិន​មែន​ងាយ​ស្រួល​ចាប់​ប៉ុន្មាន​ទេ ព្រោះ​អ្នក​ចាំ​ទី​ត្រូវ​ងើយ​មើល​ទៅ​លើ​

​​​គ្រូ​ជម្រើស​ជាតិ​វៀតណាម​ លោក​ ហ្វ៊ីលីពី ទ្រូស​ស្យេ​ (Philippe Troussier) សង្ឃឹម​ថា​ការ​រក​បាន​២​គ្រាប់​ និង​មាន​៣​ពិន្ទុ​នៅ​ក្នុង​ដៃ​អាច​​​ធ្វើ​ឱ្យ​វៀតណាម​​​ឈរ​នៅ​ក្នុង​ទី​តាំង​ល្អ​គួរ​សម​។ នៅ​​សល់​បី​ប្រកួត​ទៀត​, បើ​វៀតណាម​​អាច​លេង​បាន​ល្អ​​កម្រិត​ហ្នឹង​​​ទៀត​ លោក​រំពឹង​ថា​យ៉ាង​ហោច​ណាស់​ក៏​​យើង​មាន​សង្ឃឹម​ឆ្លង​ទៅ​​វគ្គ​ជម្រុះ​ជា​បន្ត​ទៀត។​​ បើ​មិន​បាន​លេខ​១​ ក៏បាន​លេខ​២​នៅ​ក្នុង​ពូល ​​B ​ផង​ដែរ​។

គ្រូ​ជម្រើស​ជាតិ​វៀតណាម និង​ក្រុម​ជំនួយ​ការ​របស់​លោក​ស្ទុះ​ចេញ​ពី​កៅអី​ទាំង​អស់​គ្នា​ ដើម្បី​អប​អរ​សាទរ​គ្រាប់​បាល់​ទី​១​

​នៅ​ពេល​ប៉ះ​​គ្នា​ជា​​មួយ​​ក្រុម​ជម្រើស​ជាតិ​ឡាវ​កាល​ពី​យប់​មិញ​​, ​គ្រាន់​តែ​បើក​ការ​ប្រកួត​មិន​ទាន់​បាន​ប៉ុន្មាន​ផង​, វៀតណាម​​អាច​រក​បាន​១​គ្រាប់​នៅ​​នាទី​ទី​​២​​​ ដោយ​​​កីឡាករ​ ​ង្វៀនវ៉ាន់ថុង (Nguyen Van Tung)​ ប្រើ​ក្បាល​តែត​បញ្ចូល​ទី​នាំ​មុខ​ក្រុម​ឡាវ​​។ ​ប៉ុន្តែ​​នៅ​ពេល​ម៉ោង​​ប្រកួត​ចេះតែ​​រំកិល​ទៅ​មុខ,​ គេ​ឃើញ​ថាកីឡាករ​វៀតណាម​​​ចាប់​ផ្ដើម​ថម​ថយ​​កម្លាំង​បន្តិ​ចម្ដង​ៗ​​។ ​​ពួក​គេ​វាយ​សម្រុក​​ខ្លាំង​ពី​​ដំបូង​ដៃ​​ ​និង​​ពេល​ខ្លះ​ហាក់​ដូច​ជា​លេង​មិន​សូវ​យល់​ចិត្ត​គ្នា​​​ប៉ុន្មាន​ទេ​​​​។ ​រីឯ​​​​ក្រុម​ឡាវ​ចាប់​ផ្ដើម​ពង្រឹង​ខ្សែ​ការ​ពារ​ និង​បិទ​យ៉ាង​ជិត​។​

មិត្ត​រួម​ក្រុម​ជម្រើស​ជាតិ​វៀតណាម​ចូល​រួម​អប​អរ​សាទរ​ចំពោះ​ការ​ទាត់​ចូល​គ្រាប់​បាល់​ទី​១​

នៅ​សល់​ម្ភៃ​នាទី​មុន​ការ​បញ្ចប់​តង់​​ទី​១​, អ្នក​ចាំ​ទី​វៀតណាម​ កីឡាករ​ ខ្វាន​វ៉ាន់​ឈុន (Quan Van Chuan) ​និង​​​មិត្ត​រួម​ក្រុម​មាន​ការ​ងារ​ធ្វើ​ច្រើន​ និង​ហត់​នឿយ​ខ្លាំងមែន​ទែន​​ ព្រោះ​​​ក្រុម​ឡាវ​​​វាយ​សម្រុក​ទៅ​លើ​ក្រុម​វៀតណាម​​ដោយ​ឥត​បន្ធូរ​ដៃ​។​ ​វៀតណាម​ឆ្លៀត​វាយ​ឆ្មក់​បាន​១​គ្រាប់​​ទៀត​នៅ​ម៉ោង​បន្ថែម​តង់​ទី២ ​នាទី​ទី​៩២​ ទាត់​បញ្ចូល​ទី​​ដោយ​កីឡាករ​ង្វៀន​កុក​វៀត (Nguyen Quoc Viet)​។ គ្រាប់​បាល់​ទី២​នេះ​​​​​ធ្វើ​ឱ្យ​វៀតណាម​មាន​ទំនុក​ចិត្ត​បំផុត​ថា​ខ្លួន​នឹង​ឈ្នះ​ ព្រោះរក​បាន​២​គ្រាប់​ និង​ជិត​ចប់​ម៉ោង​ប្រកួត​។​​​

ប្រិយមិត្ត​របស់​ក្រុម​ជម្រើស​ជាតិ​វៀតណាម​ស្រែក​ហ៊ោរ​ពេញ​ពហុកីឡដ្ឋាន​ បន្ទាប់​ពី​ក្រុម​ខ្លួន​ទាត់​ចូល​គ្រាប់​ទី​១​

​​​ការ​ប្រកួត​លើក​នេះ​គឺ​ជា​ការ​ដក​ពិសោធ​សម្រាប់​​គ្រូ​បង្វឹក​ថ្មី​ដែល​ជា​អ្នក​​​ដឹក​នាំ​ក្រុម​ និង​​​រៀប​ចំ​យុទ្ធ​សាស្ត្រ​នៅ​ក្នុង​ការ​ប្រកួត​។ មែន​ទែន​ទៅ,​ លោក​ទ្រូស​ស្យេ​ទើប​តែ​​ចូល​ដឹក​នាំ​ក្រុម​ជម្រើស​ជាតិ​វៀត​ណាម​នៅ​ក្នុង​ឆ្នាំ​២០២៣​នេះ​តែ​ប៉ុណ្ណោះ​ ជំនួស​​ឱ្យ​លោក​ផាក​ហាង​ស៊ូ (Park Hang-seo) ដែល​ជា​គ្រូ​ជម្រើស​ជាតិ​ពី​មុន​។ ​គ្រូ​បង្វឹក​សញ្ជាតិ​បារាំង​ លោក​ទ្រូស​ស្យេ​ ទទួល​ស្គាល់​ចំណុច​ខ្សោយ​របស់​ក្រុម​លោក​។ ​​នៅ​ពេល​ខ្លះ, ​កីឡាករ​របស់​លោក​ហាក់​ដូច​ជា​លេង​រាង​តឹង​ដែរ​។​ មិន​ងាយ​​ស្រួល​ប៉ុន្មាន​ទេ​។

​​លោក​យល់​ថា​​​​ល្អ​មែន​ទែនដែល​​វៀតណាម​​អាច​​រក​បាន​គ្រាប់បាល់​​ភ្លាម​ៗ បន្ទាប់​ពី​ចាប់​ផ្ដើម​ប្រកួត​ទើប​តែ​បាន២​នាទី​​​​។ ប៉ុន្តែ​លោក​យល់​ថា​កីឡាករ​របស់​លោក​គួរ​ណាស់​លេង​បាន​ល្អ​ជាង​នេះ​។ ដូច្នេះ ​​​លោក​មិនទាន់​ត្រេក​អរ​ខ្លាំង​ពេក​ទេ​។

​​​បើ​គេ​ស្ដាប់​ពី​​ខាង​ក្រុម​​ជម្រើស​ជាតិ​ឡាវ​វិញ​ម្ដង។​​ ថ្វីដ្បិត​ចាញ់​វៀតណាម​២​គ្រាប់​ទល់​នឹង​សូន្យ, ប៉ុន្តែ​ឡាវ​នៅ​សល់​​បី​​ប្រកួត​ទៀត​នៅ​ក្នុង​ដៃ​។ ថ្លែង​ប្រាប់​អ្នក​សារព័ត៌មាន​ក្រោយ​ចប់​ការ​ប្រកួត​, គ្រូ​ជម្រើស​ជាតិ​ឡាវ​​​​ លោក​ម៉ៃឃើល វេស (Michael Weiss) យល់​​​ថា​​​នៅ​ក្នុង​ពេល​ប្រកួត​នោះ​, សាច់​បាល់​​ហាក់​ដូច​ជា​មិន​លើស​លស់​គ្នា​ប៉ុន្មាន​ទេ​​​។ ​ដូច្នេះ លោក​នៅ​តែ​មិន​អស់​ចិត្ត​។ មិន​គួរ​ណា​លទ្ធផល​បែរ​ជា​ចាញ់​យ៉ាង​ដូច្នេះ​សោះ​។​​ លោក​យល់​ថា​​​​លទ្ធផល​​សម​តែ​ស្មើ​គ្នា​​​​​។​ ​គ្រូ​ជម្រើស​ជាតិ​វៀតណាម​មិន​យល់​ដូច្នេះ​ទេ​។​

អ្នក​ចាំ​ទី​ក្រុម​ជម្រើស​​វៀតណាម​​អាច​ជួយ​សង្គ្រោះគ្រាប់​បាល់​មួយ​ទំហឹង​ពី​ចម្ងាយ​របស់​កីឡាករ​ឡាវ​

យើង​​​​​យក​ឈ្នះ​ដោយ​ទាត់​​បាល់​បញ្ចូល​ទី​បាន​​២​គ្រាប់​​។ ​​​​លទ្ធផល​នេះ​មិន​មែន​បាន​មក​ដោយ​ងាយ​ស្រួល​​​ទេ។​​ ប៉ុន្តែ​បាន​មក​ពី​ការ​​ខិត​ខំ​​​របស់​​​កីឡាករ​​​​របស់​យើង​​។ ​នៅ​ទី​បញ្ចប់​, យើង​ទទួល​ជ័យ​ជម្នះ​​​។​ នេះ​ជា​អ្វី​​ដែល​យើង​ត្រូវ​តែ​​ទទួល​ស្គាល់​ទាំង​អស់​គ្នា​។ ​​​សូម​ជម្រាប​ថា​នៅ​ក្នុង​ការ​ប្រកួត​ស៊ីហ្គេម​​​​២​​លើក​កន្លង​ទៅ​នេះ​, ​ក្រុម​ជម្រើស​ជាតិ​វៀតណាម​​អាច​ដណ្ដើម​បាន​មេ​ដាយ​មាស​ទាំង​២​លើក​ជូន​ជាតិ​មា​តុ​ភូមិ​​​។

ខ្សែ​ប្រយុទ្ធ​វៀតណាម​ អាវ​ក្រហម ​ត្រៀម​យារ​ជើង​ទាត់​បាល់​គ្រាប់​ទី​២​ ដែល​បញ្ជូន​ពី​ស្លាប​ខាង​ឆ្វេង​នៅ​នាទី​ទី​៩២​

​ដូច្នេះ​​ ​តើ​​គ្រូ​ជម្រើស​ជាតិ​​ថ្មី​របស់​វៀតណាម​​អាច​ធ្វើ​បាន​ ឬ​មិន​​បាន​? ​​​នេះ​ជា​សម្ពាធ​ដ៏​ធំ​១​សម្រាប់​រូប​លោក​​​​​។ លោក​​ទ្រូស​ស្យេ​ខ្លួន​ឯង​ក៏​បាន​ដឹង​អំពី​បញ្ហា​នេះ​ផង​ដែរ​​។​ ​លោក​​​ប្រាប់​ថា​លោក​​ក៏​ចូល​ចិត្ត​ការ​ទទួល​រង​សម្ពាធ​​​បែប​នេះ​​ផង​ដែរ​។ ​​សូម​ជម្រាប​ថា​វៀតណាម​ នឹង​ប៉ះ​គ្នា​ជា​មួយ​សិង្ហបុរី​​​នា​ថ្ងៃ​ទី​៣ ខែ​ឧសភា​ខាង​មុខ​នេះ​​៕​

ប្រភព៖ Vietnam Express

អត្ថបទ​ដែល​ទាក់​ទង​នឹង​ការ​ប្រកួត​ស៊ីហ្គេម ២០២៣
បំពេញ​តួនាទី​បាន​ល្អ​! ជូ ស៊ិ​ន​ទិ ជាប់​ជា​កីឡាករ​ឆ្នើម និង​កំពុង​ឈរ​ជា Top Scorer

គ្រូ​ជម្រើស​ជាតិ​ឡាវ លោក​ Michael Weis (រូប​ពាក់​ឈុត​ខ្មៅ​ខាង​ស្ដាំ​ដៃ​)
គ្រូ​ជម្រើស​ជាតិ​វៀត​ណាម លោក​ ​Philippe Troussier (រូប​កាន់​ដប​ទឹក​សុទ្ធ​)

អត្ថបទសរសេរ ដោយ

កែសម្រួលដោយ