ចៅក្រមស៊ើបសួរសាលាដំបូងខេត្តក្រចេះ លោក គុយ ពិទូ កាលពីល្ងាចថ្ងៃទី២៩ ខែមេសា ឆ្នាំ២០២៣ បានសម្រេចឃុំខ្លួនមនុស្សចំនួន១១នាក់ ដាក់ពន្ធនាគារ
ខេត្តក្រចេះ ៖ ចៅក្រមស៊ើបសួរសាលាដំបូងខេត្តក្រចេះ លោក គុយ ពិទូ កាលពីល្ងាចថ្ងៃទី២៩ ខែមេសា ឆ្នាំ២០២៣ បានសម្រេចឃុំខ្លួនមនុស្សចំនួន១១នាក់ ដាក់ពន្ធនាគារក្រោមការស៊ើបអង្កេតពីបទ «ដឹកជញ្ជូនផល អនុផលព្រៃឈើគ្មានច្បាប់អនុញ្ញាត្ត» ដែលប្រព្រឹត្តិកាលពីថ្ងៃទី២៤ ខែមេសា ឆ្នាំ២០២៣។
យោងតាមដីកាបង្គប់ឲ្យឃុំខ្លួនរបស់ចៅក្រមសាលាដំបូងខេត្តក្រចេះ បានបញ្ជាក់ថា ជនត្រូវចោទចំនួន១១នាក់ ស្ថិតក្នុងសំណុំរឿងបទល្មើសព្រៃឈើ មានឈ្មោះដូចជា ៖
ទី១- ឈ្មោះ ឡាយ សុភ័ក្រ ភេទប្រុស អាយុ៣០ឆ្នាំ មុខរបរកសិករ រស់នៅភូមិចង្ក្រង់ ឃុំចង្ល្រង់ ស្រុកចិត្របុរី ខេត្តក្រចេះ។
ទី២- ឈ្មោះ ជីម ទឹម ភេទប្រុស អាយុ៤៩ឆ្នាំ មុខរបរកសិករ រស់នៅភូមិដងទង់ ឃុំវឌ្ឍនះ ស្រុកសំបូរ ខេត្តក្រចេះ។
ទី៣- ឈ្មោះ កែវ មាក់ ភេទប្រុស មុខរបរកសិករ អាយុ៣៤ឆ្មាំ រស់នៅភូមិអាជេន ឃុំកំពង់ចាម ស្រុកសំបូរ ខេត្តក្រចេះ។
ទី៤- ឈ្មោះ ចេម តុង ភេទប្រុស អាយុ២៤ឆ្មាំ មុខរបរកសិករ រស់នៅភូមិដងទង់ ឃុំវឌ្ឍនះស្រុកសំបូរ ខេត្តក្រចេះ។
ទី៥- ឈ្មោះ ឡាច ភ័ណ្ឌ ភេទប្រុស ភូមិតាងួន ឃុំ វឌ្ឍនះ ស្រុកសំបូរ ខេត្តក្រចេះ។
ទី៦- ឈ្មោះ ណឹក ស្មាក់ ភេទប្រុស អាយុ២៨ឆ្នាំ មុខរបរកសិករ រស់នៅភូមិចង្ក្រង់ ឃំចង្ល្រង់ ស្រុកចិត្របុរី ខេត្តក្រចេះ។
ទី៧- ឈ្មោះ សាត សុខរី ភេទប្រុស អាយុ២៥ឆ្នាំ មុខរបរកសិករ រស់ភូមិកោះផ្ដៅ ឃុំកំពង់ចាម ស្រុកសំបូរ ខេត្តក្រចេះ។
ទី៨- ឈ្មោះ សាត សុខរ៉ម ភេទប្រុស អាយុ២៤ឆ្នាំ មុខរបរកសិករ នៅភូមិអន្សោងធ្លាក់ ឃុំកំពង់ចាម ស្រុកសំបូរ ខេត្តក្រចេះ។
ទី៩- ឈ្មោះ ជឿន ជន់ ភេទប្រុស អាយុ៣៥ឆ្នាំ មុខរបរកសិករ នៅភូមិអន្សោងធ្លាក់ ឃុំកំពង់ចាម ស្រុកសំបូរ ខេត្តក្រចេះ។
ទី១០- ឈ្មោះ នាង ឆៃយ៉ា ភេទប្រុស អាយុ៣០ឆ្នាំ មុខរបរកសិករ រស់នៅភូមិបន្ទាយ ឃុំគោលាប់ ស្រុកចិត្របុរី ខេត្តក្រចេះ។
ទី១១- ឈ្មោះ សៀវ ផាន ភេទប្រុស អាយុ៣៨ឆ្នាំ មុខរបរកសិករ រស់នៅភូមិបន្ទាយ ឃុំគោលាប់ ស្រុកចិត្របុរី ខេត្តក្រចេះ។
អ្នកទាំង១១នាក់ខាងលើនេះ ត្រូវដាក់ឲ្យស្ថិតក្រោមការពិនិត្យពីបទ «ដឹកជញ្ជូនផល, ប្រមូលផល អនុផលព្រៃឈើគ្មានលិខិតអនុញ្ញាត្ត» ដែលប្រព្រឹត្តិនៅចំណុចអូរកំភ្លិក ត្រាំអង្ក្រង់ ត្រាំពាំងទា អន្លង់ត្បាល់ បន្ទាយសៀម ត្រពាំងកាត់សក់ សោមដេប៉ូ ភ្នុំចែម៉ៃ ក្នុងដែនការពារ បរិស្ថានកំពតគយ នៃដែនជម្រកសត្វព្រៃឡង់ ស្ថិតនៅភូមិអាជេន ឃុំកំពង់ចាម ស្រុកសំបូរ ខេត្តក្រចេះ ។
សូមបញ្ជាក់ថា អ្នកទាំង១១នាក់ខាងលើនេះ ត្រូវបានកម្លាំងចម្រុះឃាត់ខ្លួន កាលពីថ្ងៃទី២៦ ខែ មេសា ឆ្នាំ២០២៣ យកមកសួរនៅទីបញ្ជាការដ្ឋានកងរាជអាវុធហត្ថខេត្តក្រចេះ។ ក្រោយការស៊ើបអង្កេតពីកម្លាំងសមត្ថកិច្ច ក៏បានបញ្ជូនទៅកាន់តុលាការ ដើម្បីបន្តនីតិវិធី និងបានបន្តនាំទៅឃុំខ្លួននៅពន្ធនាគារ។
ទាក់ទិនករណីខាងលើនេះដែរ គេមិនទាន់ដឹងថា តើការផ្តល់ចម្លើយរបស់អ្នកទាំង១១នាក់នោះមានការពាក់ព័ន្ធជនមានអំណាច មានលុយនៅពីក្រោយការបញ្ជាទិញ និងបំផ្លាញព្រៃឈើនោះនៅឡើយដែរ?៕
ចែករំលែកព័តមាននេះ