សង់សំណង់១០ជាន់គ្មានដាក់ស្បៃការពារ ធ្វើឱ្យពលរដ្ឋបារម្ភពីសុវត្ថិភាព
- បន្ទាយមានជ័យ
ខេត្តបន្ទាយមានជ័យ ៖ សំណង់កម្ពស់១០ជាន់ សាងសង់គ្មានការដាក់ស្បៃការពារធ្វើប្រជាពលរដ្ឋ
ខេត្តបន្ទាយមានជ័យ ៖ សំណង់កម្ពស់១០ជាន់ សាងសង់គ្មានការដាក់ស្បៃការពារធ្វើប្រជាពលរដ្ឋ
ខេត្តបន្ទាយមានជ័យ ៖ សំណង់កម្ពស់១០ជាន់ សាងសង់គ្មានការដាក់ស្បៃការពារធ្វើប្រជាពលរដ្ឋរស់នៅជិតខាងព្រួយបារម្ភពីសុវត្ថិភាព និងសំណូមពរដល់អាជ្ញាធរ ព្រមទាំងមន្ត្រីជំនាញចុះពិនិត្យផង ដែលសំណង់ខាងលើនេះស្ថិតភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ។
ប្រជាពលរដ្ឋបានរៀបរាប់ឱ្យដឹងថា សំណង់កម្ពស់១០ជាន់ខាងលើនេះ ពេលសាងសង់មិនឃើញមានដាក់ស្បៃការពារសុវត្ថិភាពអ្នកជិតខាង ឬអ្នកធ្វើដំណើរឆ្លងកាត់ ជាហេតុធ្វើឱ្យពួកគាត់មានការព្រួយបារម្ភខ្លា.ចធ្លាក់ចំ និងប៉ះពាល់ប្រឈមគ្រោះថ្នាក់គ្រប់ពេលវេលា ព្រោះសំណង់នេះត្រូវក្រុមជាងកំពុងសាងសង់រាល់ថ្ងៃ និងឃើញមានកម្ទេចស៊ីម៉ង់ត៍ និងឈើធ្លាក់រាល់ថ្ងៃ ។
ប្រជាពលរដ្ឋបានសំណូមពរដល់អភិបាលក្រុងប៉ោយប៉ែត លោក គាត ហ៊ុល និងមន្ត្រីជំនាញ ចុះទៅពិនិត្យនិងណែនាំអោយម្ចាស់សំណង់ធ្វើការបិទបាំងស្បៃអោយបានត្រឹមត្រូវ កុំឱ្យគ្រោះថ្នាក់ណាមួយកើតឡើងជាយថាហេតុ ។
លោក គាត ហ៊ុល អភិបាលក្រុងប៉ោយប៉ែតបានបញ្ជាក់ថា ក្រោយទទួលព័ត៌មានពីប្រជាពលរដ្ឋថា សំណង់ខាងលើគ្មានបិទបាំង និងការពារសុវត្ថិប្រជាពលរដ្ឋ លោកឱ្យអោយចៅសង្កាត់ចុះទៅពិនិត្យនិងណែនាំអោយម្ចាស់សំណង់ត្រូវបិទបាំង និងការពារសុវត្ថិភាពអោយបានត្រឹមត្រូវ បើមិនអនុវត្តតាមការណែនាំទេ និងមានចំណាត់ការតាមផ្លូវច្បាប់ ៕
ចែករំលែកព័តមាននេះ