ខេត្តបន្ទាយមានជ័យ ៖ របងរំលោភចំណីផ្លូវដែកមួយកន្លែង ត្រូវបានអាជ្ញាធរក្រុងនិងក្រុមជំនាញចុះទៅហាមឃាត់និងបញ្ជាឱ្យរុះរើចេញវិញជាបន្ទាន់ ព្រោះនេះបានល្មើសនឹងច្បាប់កាលពីថ្ងៃទី២៣ មេសា ឆ្នាំ២០២៣ ស្ថិតភូមិ-សង្កាត់ផ្សារកណ្តាល ក្រុងប៉ោយប៉ែត ។…
ខេត្តបន្ទាយមានជ័យ ៖ របងរំលោភចំណីផ្លូវដែកមួយកន្លែង ត្រូវបានអាជ្ញាធរក្រុងនិងក្រុមជំនាញចុះទៅហាមឃាត់និងបញ្ជាឱ្យរុះរើចេញវិញជាបន្ទាន់ ព្រោះនេះបានល្មើសនឹងច្បាប់កាលពីថ្ងៃទី២៣ មេសា ឆ្នាំ២០២៣ ស្ថិតភូមិ-សង្កាត់ផ្សារកណ្តាល ក្រុងប៉ោយប៉ែត ។
លោក មាស សំណាង អភិបាលរងក្រុងប៉ោយប៉ែតបានប្រាប់ថា ក្រោយទទួលព័ត៌មានបានដឹងមានបុគ្គលម្នាក់បានសង់របងថ្មរំលោភចំណីផ្លូវដែកពីចញ្ចើមផ្លូវប្រមាណជា២ម៉ែត្រ ហើយជាការណែនាំពីលោក គាត ហ៊ុល អភិបាលក្រុងប៉ោយប៉ែត បានឱ្យលោកដឹកនាំមន្ត្រីជំនាញ និងអាជ្ញាធរភូមិ.សង្កាត់បានចុះពិនិត្យហើយហាមឃាត់អោយបញ្ឈប់សកម្មភាពសាងសងសំណង់របងបេតុងដែលរំលោភចំណីផ្លូវដែកនោះ ។
លោកបានបញ្ជាក់ថា ក្រោយមន្ត្រីចម្រុះចុះពិនិត្យហាមឃាត់ហើយហៅម្ចាស់សំណង់ធ្វើកិច្ចសន្យាអោយបញ្ឈប់សកម្មភាព ហើយត្រូវរុះរើរបងថ្មដែលសង់រំលោភចំណីផ្លូវដែកចេញជាបន្ទាន់នេះជាអំពើរល្មើសច្បាប់ដែលអាងតែមានលុយចេះហ៊ានធ្វើផ្តេសផ្តាស់ បើមិនរុះរើចេញតាមកិច្ចសន្យាទេនឹងមានវិធានការតាមច្បាប់។
លោក សុក ចាន់ថា ប្រធានមន្ទីសាធារណៈការនិងដឹកជញ្ជូនខេត្តបន្ទាយមានជ័យបានប្រាប់ថា៖ចំណីផ្លូវជាតិនិងផ្លូវដែកពីចញ្ចើមផ្លូវប្រវែង៣០ម៉ែត្រហើយមិនអនុញ្ញាតិអោយចាក់ដីខ្ពស់ជាងផ្លូវជាតិរឺផ្លូវដែកដែលខុសនិងច្បាប់បើសិនជាមន្ត្រីឃើញមានសកម្មភាពការចាក់ដីរំលោភចំណីផ្លូវដែកត្រូវមានវិធានការតាមច្បាប់ ៕
ចែករំលែកព័តមាននេះ