រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា បច្ចុប្បន្ននេះ សម្តេចអាចចាត់ទុកជាអ្នកទោសពាក់កណ្តាលដោយសារទៅទីណាមានការដាក់ពង្រាយកងកម្លាំងយាមយ៉ាងតឹងរឹង ។ ថ្លែងក្នុងពិធីបុណ្យបញ្ចុះខណ្ឌសីមា…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា បច្ចុប្បន្ននេះ សម្តេចអាចចាត់ទុកជាអ្នកទោសពាក់កណ្តាលដោយសារទៅទីណាមានការដាក់ពង្រាយកងកម្លាំងយាមយ៉ាងតឹងរឹង ។
ថ្លែងក្នុងពិធីបុណ្យបញ្ចុះខណ្ឌសីមា និងឆ្លងសមិទ្ធផលនានាក្នុងវត្តព្រះបារមីវង្កតបុរីនា ព្រឹកថ្ងៃទី២៤ ខែមេសា ឆ្នាំ២០២៣ សម្តេចតេជោបានបញ្ជាក់យ៉ាងដូច្នេះថា៖«ខ្ញុំព្រះករុណាខ្ញុំមកដល់ភ្លាមមិនដឹងអង្គរក្សា និងកម្លាំងមកពីខាងណាទេ គឺវេទនាមែនទែន ហើយអាលូវសូមនិយាយថា ស្ថិតក្នុងស្ថាភាពជាអ្នកទោសពាក់កណ្តាលអាចនិយាយបានថា អីញ្ចឹងម្តងអត់មានសេរីភាពទេ»។
សម្តេចតេជោ ក៏បានលើកឡើងថា កាលពីថ្ងៃមុនកូនស្រីសម្តេចបានខំរៀបចំហៅឪពុកទៅលេងកែបជាមួយម្តាយដោយស្ងាត់ស្ងៀម ដោយហៅគ្នា តែស្រាប់ព្រឹកឡើងមើលតាមវ៉ាត់អាប់ ឯកឧត្តមយូរ ស៊ុនឡុងបានចាប់កម្លាំងតាំងពីខេត្តកណ្តាល កំពង់ស្អឺ តាកែវ រហូតដល់ខេ ត្តកំពត រហូតដល់ខេត្តកែបតែម្តង អីញ្ចឹងគ្រាន់តែទៅដើរលេងមានកា រៀបចំកម្លាំងអាចនិយាយថា រាប់ពាន់នាក់ ហើយរៀបចំនៅកន្លែងលេងនោះប្រមាណ៣រយនាក់ថែមទៀត ។ ដូច្នេះខ្ញុំនិយាយថា មិនចាំបាច់ទៅទេបើរៀបចាំអីញ្ចឹងគ្រាន់ទៅដើរលេងសោះ។
ជាមួយគ្នានោះដែរ សម្តេចតេជោបានឲ្យដឹងថា សម្តេចទៅកន្លែងណាអាចឲ្យដឹងតែ១០ទៅ១៥នាទីប៉ុណ្ណោះ បើមិនដូច្នេះអស់លោកនឹងដាក់កម្លាំងពង្រាយពេញផ្លូវដែលជាការបាត់សេរីភាពវិញទេ ។ សម្តេចតេជោ ក៏បានឲ្យដឹងថា ការធ្វើជាអ្នកធំមានការពិបាក ប៉ុន្តែមានអ្នកចង់ធ្វើតែវាសនារបស់គេចាមកមិនបានធ្វើទេ ទោះបីជាគេស្លា.ប់ជាតិក្រោយក៏មិនបានធ្វើដែរ ។
ចំណែកសម្តេចដែលមិនចង់ធ្វើហើយមិនស្គាល់តំណែងនាយករដ្ឋមន្ត្រីបែបណាទេ តែបានធ្វើជានាយករដ្ឋមន្ត្រីរហូតជិត៤ទស្សវត្ស៍ទៅហើយ និងបើបូកជាមួយដំណែងនានាជិត៤៤ឆ្នាំហើយ ។ បើនិយាយពីការបំបែកឯកត្តកម្មលើពិភពលោក គឺបានធ្វើរួចស្រេចទៅហើយ ។
សម្តេចតេជោ នាយករដ្ឋមន្ត្រីបានលើកឡើងថា អ្នកខ្លះថា សម្តេចក្រាញអំណាច តែសូមប្រាប់ថា អំណាចនេះ គឺប្រជាជនអ្នកឲ្យចុះអ្នកដែលចង់បានអំណាចនោះយ៉ាងណដែរ ។ សម្តេចបញ្ជាក់ថា ៖«គេកំពុងតែការពារអំណាច ដើម្បីសេចក្តីសុខរបស់ប្រជាជន តើវាខុសឬអី? ចុះអ្នកឯងចង់ធ្វើនាយករដ្ឋមន្ត្រីតើវាយ៉ាងណាដែរ?។ ខ្ញុំមិនចង់និយាយទេសនារឿងនយោបាយទេ»៕
ចែករំលែកព័តមាននេះ