បុរសម្នាក់លួចឡានពីការ៉ាស់ចូលចាក់សាំងហើយអត់លុយឱ្យគេ បើករត់ទៀត ត្រូវបញ្ជូនទៅស្នងការរាជធានី
- បន្ទាយមានជ័យ
ខេត្តបន្ទាយមានជ័យ ៖ ជនសង្ស័យដែលលួចរថយន្តពីភ្នំពេញចាប់បាននៅខេត្តបន្ទាយមានជ័យ
ខេត្តបន្ទាយមានជ័យ ៖ ជនសង្ស័យដែលលួចរថយន្តពីភ្នំពេញចាប់បាននៅខេត្តបន្ទាយមានជ័យ
ខេត្តបន្ទាយមានជ័យ ៖ ជនសង្ស័យដែលលួចរថយន្តពីភ្នំពេញចាប់បាននៅខេត្តបន្ទាយមានជ័យ ត្រូវបានប្រគល់ជូននគរបាលរាជធានីភ្នំពេញអនុវត្តតាមច្បាប់ជាបន្តកាលពីថ្ងៃទី២២ ខែមេសា ឆ្នាំ២០២៣ នៅស្នងការដ្ឋាននគរបាលខេត្តបន្ទាយមានជ័យ។ គួររំលឹកថា លួចឡានចេញពីការ៉ាស់ចូលចាក់សាំងហើយអត់លុយឱ្យគេ បើករត់ទៀត
លោកវរៈសេនីយ៍ឯក ព្រហ្ម ប៊ុនធឿន នាយការិយាល័យព្រហ្មទ័ណ្ឌកម្រិតស្រាលនៃស្នងការដ្ឋាននគរបាលខេត្តបន្ទាយមានជ័យបានប្រាប់ថា ជនសង្ស័យដែលត្រូវឃាត់ខ្លួនមានឈ្មោះ ផល ភីរុំ ភេទប្រុសអាយុ២៤ឆ្នាំរស់នៅភូមិថ្មដូន ឃុំគោកមន ស្រុកបន្ទាយអំពិល ខេត្តឧត្តរមានជ័យ មុខរបបធ្វើជាងបាញ់ថ្នាំឡាន នៅខណ្ឌឫស្សីកែវ រាជធានីភ្នំពេញ។
លោកបានបញ្ជាក់ថា កាលពីថ្ងៃទី២១ ខែមេសា ឆ្នាំ២០២៣ នៅចំណុចភូមិឃុំរហាល ស្រុកព្រៈនេត្រព្រៈ មានជនសង្ស័យម្នាក់ឈ្មោះ ផល ភីរុំ បើករថយន្តម៉ាក RANGEROVER ពាក់ផ្លាក់លេខ ភ្នំពេញ2BT.5818 បានចូលចាក់សាំង ហើយបើករថយន្តគេចមិនបានអោយលុយ ហើយអ្នកចាក់សាំងជាម្ចាស់រត់ដេញតាម និងប្តឹងសមត្តកិច្ចភ្លាមៗជួយអន្តរាគមន៍កម្លាំងចរាចរណ៍ផ្លូវគោកនៅចំណុចគោលដៅសហការជាមួយកម្លាំងជំនាញឃាត់បាន ហើយបញ្ជូនមកស្នងការដ្ឋាននគរបាលខេត្តបន្ទាយមានជ័យដើម្បីសាកសួរចម្លើយ។
លោកវរៈសេនីយ៍ឯក ព្រហ្ម ប៊ុនធឿន បានបញ្ជាក់ថា ក្រោយឃាត់ខ្លួនជនសង្ស័យឈ្មោះ ផន ភីរុំ បាននាំយកសាកសួរហើយជាមុខសញ្ញាលួចរថយន្តពីការ៉ាសជួសជុលបាញ់ថ្នាំរថយន្តនៅខ័ណ្ឌឫស្សីកែវ រាជធានីភ្នំពេញ នៅការ៉ាសជួសជុលរថយន្តឈ្មោះ ស៊ីម ពិសិដ្ឋ ភេទប្រុស អាយុ៤៥ឆ្នាំ កាលពីថ្ងៃទី២០ ខែមេសា ឆ្នាំ២០២៣ នៅពេលម្ចាស់រថយន្តឈ្មោះ ទូ គីម ភេទប្រុស អាយុ៣៣ឆ្នាំ រស់នៅភូមិ១៣ ខ័ណ្ឌទួលគោក រាជធានីភ្នំពេញ ដែលយកទៅជួសជុលបាញ់ថ្នាំកាលពីថ្ងៃទី១៩ ខែមេសា ឆ្នាំ២០២៣។
ជនសង្ស័យឈ្មោះ ផន ភីរុំ ក្រោយពេលដែលកម្លាំងជំនាញខេត្តបន្ទាយមានជ័យធ្វើការសាកសួរហើយបានប្រគល់ជូនកម្លាំងជំនាញនៃស្នងការរាជធានីភ្នំពេញដើម្បីអនុវត្តបន្តតាមនីតិវិធី ៕
ចែករំលែកព័តមាននេះ