ADផ្ទាំងផ្សព្វផ្សាយពាណិជ្ជកម្ម

Picture

ទីបំផុត លោក​អធិការរង​ស្រុក​បាភ្នំ​វ័យក្មេង​ត្រូវ​ចោទ​​ពី​បទ​ហិ.​ង្សា​​.និង​ប្រើ​កាំ.ភ្លើ.ង​​​ខុសច្បាប់

11 ខែ មុន
  • ព្រៃវែង

ខេត្ត​ព្រៃវែង ៖ នៅ​ព្រឹក​ថ្ងៃ​ទី​២០ មេ​សា​ នេះ តំណាង​អយ្យការ​អម​សាលាដំបូង​ខេត្តព្រៃវែង បាន​សម្រេច​ចោទប្រកាន់​លោក ស៊ា​ន ប៊ុ​ន​ណា​ល់ អធិការរង​ស្រុក​បាភ្នំ​ជា​ផ្លូវការ​ហើយ…

ខេត្ត​ព្រៃវែង ៖ នៅ​ព្រឹក​ថ្ងៃ​ទី​២០ មេ​សា​ នេះ តំណាង​អយ្យការ​អម​សាលាដំបូង​ខេត្តព្រៃវែង បាន​សម្រេច​ចោទប្រកាន់​លោក ស៊ា​ន ប៊ុ​ន​ណា​ល់ អធិការរង​ស្រុក​បាភ្នំ​ជា​ផ្លូវការ​ហើយ ដោយ​ជាប់​ចោទ​ពី​បទ ( ហឹ​ង្សា​មាន​ស្ថាន​ទំងន់ទោស និង​ប្រើប្រាស់​កាំភ្លើង​ខុសច្បាប់ ) ​។ សូមរំលឹកថា៖ ផ្ទុះអាវុ.ធ១គ្រាប់ពេលចុះបង្ក្រាប អធិការរងម្នាក់ត្រូវឃាត់ខ្លួន និងអ្នកជ.ល់មាន់ម្នាក់របួសធ្ងន់

លោក ចាន់ វណ្ណៈ ព្រះរាជអាជ្ញា​រង និង​ជា​អ្នកនាំពាក្យ​សាលាដំបូង​ខេត្តព្រៃវែងបានអោយ​ដឹង​ថា បច្ចុប្បន្ន​ ជន​ត្រូវ​ចោទ​កំពុង​ស្ថិត​ក្នុង​នី​តិ​វិធី​របស់​ចៅក្រម​ស៊ើបសួរ ហើយ​នៅ​រសៀល​ថ្ងៃ​ទី២០
​មេ​សា ​នេះ ចៅក្រម​អាច​នឹង​ចេញ​ដីកា​​ឃុំខ្លួន​ជា​បណ្តោះអាសន្ន ​។

សូម​បញ្ជាក់​ផង​ដែរ​ថា ក្រោយ​មាន​ហេតុការណ៍​សមត្ថកិច្ច​ផ្ទុះអាវុធ​ក្នុង​ពេល​ចុះ​បង្ក្រាប​កន្លែង​ជល់​មាន់ និង​បណ្តាល​អោយ​ត្រូវ​អ្នក​ជល់​មាន់​ម្នាក់​រង​របួសធ្ងន់​នោះ នាយ​ឧត្តមសេនីយ​សន្តិ​បណ្ឌិត
​នេ​ត សា​វឿ​ន អគ្គស្នងការ​នគរបាល​ជាតិ បាន​ណែនាំ​ដល់​ស្នងការ​ខេត្តព្រៃវែង នូវ​គោល​ការ ​3​​ចំណុច គឺ1-ឃាត់ខ្លួន​លោក​អធិការរង​ដែល​ផ្ទុះអាវុធ យក​មក​កាន់​ស្នងការដ្ឋាន និង​ផ្អាក​ការងារ​។
2 -បញ្ជូន​ឯកសារ​ទាំងស្រុង​ទៅ​តុលាការ វិនិច្ឆ័យ​តាម​ច្បាប់​ និង3-អោយ​លោកស្នងការ ចុះ​សួរ​សុខទុក្ខ និង​សុំ​ទោស​ដល់​ក្រុម​គ្រួសារ​ជន​រង​គ្រោះ ព្រមទាំង​ដោះស្រាយ​ជា​គោលនយោបាយ សម្រាប់​ព្យាបាល​ជន​រង​គ្រោះ​ ។

គួរ​រំលឹក​ឡើង​វិញ​ផង​ដែរ​ថា កាលពី​វេលា​ម៉ោង០១ ​និង១៥ នាទី​រសៀល​ថ្ងៃ​ទី​១៥ ​មេ​សា កន្លងមក កំលាំង​នគរបាល​ស្រុក​បាភ្នំ​ចំនួន​៤​នាក់ ស្លៀកពាក់​ឯកសណ្ឋាន​ស៊ី​វិល ប្រដាប់​ដោយ​កាំភ្លើង​២​ដើម ( កាំ​ភ្លើងខ្លី​1​ដើម និង​វែង​1​ដើម ) បាន​ឆ្មក់​ចូល​បង្ក្រាប​មនុស្ស​មួយ​​ក្រុម​ដែល​កំពុង​លេង​ជល់​មាន់ នៅ​ភូមិ​គ្រួ​ស ឃុំ​ឈើ​កាច់ ស្រុក​បាភ្នំ ហើយ​ពេល​នោះ​ លោក ស៊ា​ន ប៊ុ​ន​ណា​ល់ អធិការរង​ស្រុក​បាន​ផ្ទុះអាវុធ​១គ្រាប់ បណ្តាល​អោយ​ត្រូវ​បុរស​ម្នាក់​ឈ្មោះ សាន វិច្ឆិកា ភេទ​ប្រុស អាយុ​36​ឆ្នាំ ដួល​ដេក​នឹង​ដី​រង​របួសធ្ងន់ ​។

ក្រោយ​កើតហេតុ ជន​រង​គ្រោះ​ត្រូវ​បាន​នាំ​យក​ទៅ​កាន់​មន្ទីរពេទ្យ​បង្អែក​ស្រុ​ក ក្រោយមក​ក៏​បញ្ជូន​បន្ត​ទៅ​មន្ទីរពេទ្យ​ជោ​រៃនៅ​ភ្នំពេញ ហើយដោយ​គ្រូពេទ្យ​មិន​អាច​ព្យាបាល​បាន ដោយ​ក្បាល​គ្រាប់​បាន​បៀម​ជាប់​ក្នុង​ថ្លើម ទើ​ម​ក្រុម​គ្រួសារ សម្រេច​បញ្ជូន​ជន​រង​គ្រោះ​ទៅ​ព្យាបាល​បន្ត នៅ​ប្រទេស​វៀតណាម ហើយ​មក​ដល់​បច្ចុប្បន្ន​នេះ ស្ថានភាព​ជន​រង​គ្រោះ​នៅ​មិន​ទាន់​បាន​ប្រសើរ​ឡើង​នោះ​ទេ​។​

ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។

អត្ថបទសរសេរ ដោយ