ភ្លៀងធ្លាក់លាយឡំខ្យល់កន្ត្រាក់នៅស្រុកអន្លង់វែង បំផ្លាញផ្ទះពលរដ្ឋ និងស្លាកប៉ាណូផ្សេងៗ
- ឧត្តរមានជ័យ
ខេត្តឧត្តរមានជ័យ ៖ ទឹកភ្លៀងធ្លាក់លាយឡំមានខ្យល់កន្ត្រាក់បកបោក បណ្តាលឲ្យលំនៅឋានពលរដ្ឋ
ខេត្តឧត្តរមានជ័យ ៖ ទឹកភ្លៀងធ្លាក់លាយឡំមានខ្យល់កន្ត្រាក់បកបោក បណ្តាលឲ្យលំនៅឋានពលរដ្ឋចំនួន២ខ្នងរងការខូចខាត និងប៉ានណូមួយផ្ទាំងដួលរលំកាលពីវេលាម៉ោង៤និង៤០នាទីល្ងាចថ្ងៃទី១២ ខែមេសា ឆ្នាំ២០២៣ ដែលហេតុការណ៍នេះកើតឡើងទៅលើឃុំចំនួន៣ គឺឃុំអន្លង់វែង ឃុំត្រពាំងប្រីយ៍ និងឃុំត្រពាំងតាវ ក្នុងស្រុកអន្លង់វែង ខេត្តឧត្តរមានជ័យ ។
ប្រជាពលរដ្ឋដែលរងគ្រោះបានឲ្យដឹងថា នាពេលសព្វថ្ងៃនេះពួកគាត់មានក្តីបារម្ភក្នុងចិត្តនៅពេលឃើញមេឃឡើងដុំពពកពណ៍ខ្មៅម្តងៗ និងមានខ្យល់បកបោក ។ ជាក់ស្តែងនៅល្ងាចថ្ងៃទី១២ ខែមេសា ឆ្នាំ២០២៣នេះតែម្តង ទឹកភ្លៀងបានធ្លាក់មួយមេស្រាប់តែមានខ្យល់កន្ត្រាក់យ៉ាងខ្លាំងផងដែរ បកបោកលើលំនៅឋានប្រជាពលរដ្ឋពួកគាត់ បណ្តាលឱ្យរងការខូចខាត ។
លោកងួន ទ្ធី រិទ្ធអភិបាលស្រុកអន្លង់វែងនៅព្រឹកថ្ងៃទី១៣ ខែមេសា ឆ្នាំ២០២៣បានឲ្យដឹងថា គ្រោះធម្មជាតិបានបំផ្លាញលំនៅឋានប្រជាពលរដ្ឋចំនួន២ខ្នងផ្ទះ និងប៉ានណូមួយផ្ទាំងនៅឃុំចំនួន៣ក្នុងឃុំអន្លង់វែង រលំបាក់ធ្លាក់ផ្ទាំងប៉ាណូរបស់រដ្ឋបាលស្រុកអន្លង់វែងទំហំ៧ម៉ែត្រx៩,៥០ម៉ែត្រ កំពស់៦,៥ម៉ែត្រ ។ ឃុំត្រពាំងប្រីយ៍ ចំណុចមុខសាលាឃុំត្រពាំងប្រីយ៍ ស្ថិតនៅភូមិឃ្លាំងកណ្ដាល ឃុំត្រ
ពាំងប្រីយ៍ បណ្ដាលឱ្យដួលរលំស្លាកមួយទៀតមានទំហំ១,៨ម៉ែត្រx ២.៩ម៉ែត្រ ។ ឃុំត្រពាំងតាវលំនៅឋានប្រជាពលរដ្ឋ២ខ្នងប៉ើងដំបូលផ្ទះតែមិនបង្កដល់មនុស្សនណាម្នាក់រងរបួសនោះទេ ។
លោកអភិបាលបានបញ្ចាក់ថា ក្រោយពលកើតហេតុ ក្រុមការងារស្រុកបានចុះទៅដល់នាំយកស័ង្គសីនិងអំណោយគ្រឿងឧបភោគ បរិភោគជួយឧបត្ថម្ភភ្លាមៗផងដែរ ៕
ចែករំលែកព័តមាននេះ