បក្សប្រឆាំងជំទាស់ការអនុម័តច្បាប់ចំនួន៤ តែបក្សកាន់អំណាចថា គោរពតាមរដ្ឋធម្មនុញ្ញ
រាជធានីភ្នំពេញ ៖ បន្ទាប់ពីសមាជិករដ្ឋសភាមកពីគណបក្សប្រជាជនកម្ពុជាបានចំនួន ៦៧រូប បានលើកថា
រាជធានីភ្នំពេញ ៖ បន្ទាប់ពីសមាជិករដ្ឋសភាមកពីគណបក្សប្រជាជនកម្ពុជាបានចំនួន ៦៧រូប បានលើកថា
រាជធានីភ្នំពេញ ៖ បន្ទាប់ពីសមាជិករដ្ឋសភាមកពីគណបក្សប្រជាជនកម្ពុជាបានចំនួន ៦៧រូប បានលើកដៃអនុម័តច្បាប់ចំនួន ៤ពាក់ព័ន្ធនឹងការយកអាសនៈគណបក្សនយោបាយដែលត្រូវរំលាយដល់គណបក្សផ្សេងៗនោះ ត្រូវបានគណបក្សសង្គ្រោះជាតិចេញសេចក្តីថ្លែងការណ៍ជំទាស់មិនទទួលស្គាល់ឡើយ។
ក្រុមតំណាងរាស្ត្រគណបក្សសង្គ្រោះជាតិ បានចេញសេចក្តីថ្លែងការណ៍មួយនៅថ្ងៃទី ១៧ ខែតុលា ឆ្នាំ ២០១៧ ដើម្បីបញ្ជាក់ពីសុពលភាព និងភាពស្របច្បាប់របស់ខ្លួនក្នុងនាមជាតំណាងរបស់ប្រជាពលរដ្ឋ។
តំណាងរាស្ត្រគណបក្សប្រឆាំងមួយនេះបានបញ្ជាក់ក្នុងថា៖ « យើងជាសមាជិករដ្ឋសភា ក្រុមប្រឹក្សាឃុំ- សង្កាត់ រាជធានី ខេត្ត ក្រុង ស្រុក ខណ្ឌ នៅតែជាតំណាងស្របច្បាប់របស់បងប្អូនប្រជាពលរដ្ឋខ្មែរទាំងអស់» ។
ការប្រកាសរបស់តំណាងរាស្ត្រគណបក្សសង្គ្រោះជាតិខាងលើ គឺក្រោយពីតំណាងរាស្ត្រមកពីបក្សកាន់អំណាចបានអនុម័តសេចក្តីស្នើច្បាប់មួយចំនួន ដើម្បីបើកផ្លូវឲ្យគណៈកម្មាធិការជាតិរៀបចំការបោះឆ្នោត អាចបែងចែកអាសនៈ នៃគណបក្សណាមួយដែលត្រូវរំលាយទៅឲ្យគណបក្សនយោយបាយដទៃទៀត ។ ជាពិសេសស្ថិតក្នុងដំណាក់កាលនេះ តុលាការកំពូលកំពុងចាត់ការលើបណ្តឹងរបស់ក្រសួងមហាផ្ទៃ ដែលស្នើសុំឲ្យរំលាយគណបក្សសង្គ្រោះជាតិ ។
ដូច្នេះឲ្យតែសេចក្តីស្នើខាងលើចូលជាធរមានហើយ គណបក្សសង្គ្រោះជាតិក៏ត្រូវបានរំលាយមែននោះ រាល់អាសនៈក្នុងរដ្ឋសភា និងអាសនៈជាសមាជិកក្រុមប្រឹក្សាឃុំ-សង្កាត់ របស់គណបក្សនេះ នឹងត្រូវធ្លាក់ ទៅលើគណបក្សផ្សេងៗជាមិនខាន ។
ក្រុមតំណាងរាស្ត្រគណបក្សសង្គ្រោះជាតិបានចាត់ទុកសេចក្តីស្នើច្បាប់ពីតំណាងរាស្ត្រគណបក្សប្រជាជនកម្ពុជាថា «ជាការរំលោភលើឆន្ទៈប្រជាពលរដ្ឋ និងជាការរំលោភលើរដ្ឋធម្មនុញ្ញយ៉ាងធ្ងន់ធ្ងរ» ។ តំណាងរាស្ត្រគណបក្សសង្គ្រោះជាតិយល់ថា សេចក្តីស្នើច្បាប់ខាងលើ អាចនាំឲ្យស្ថាប័នជាតិសំខាន់ៗបាត់បង់ភាពស្របច្បាប់ ។ យ៉ាងណា តំណាងរាស្ត្រគណបក្សសង្គ្រោះជាតិនៅតែអំពាវនាវឲ្យមានការពិនិត្យឡើងវិញ ចំពោះសេចក្តីស្នើច្បាប់ទាំងនោះ ។
យ៉ាងណាមិញ តំណាងរាស្ត្រមកពីគណបក្សប្រជាជនកម្ពុជាអះអាងថា សេចក្តីស្នើច្បាប់ទាំងនោះ គឺស្របតាមរដ្ឋធម្មនុញ្ញ ។ លោក សុខ ឥសាន អ្នកនាំពាក្យគណបក្សប្រជាជនកម្ពុជាបានលើកឡើងថា ការអនុម័តច្បាប់របស់រដ្ឋសភាជាតិ ក្នុងនាមប្រជាជនកម្ពុជាទូទាំងប្រទេស «មានភារកិច្ចធ្វើច្បាប់ និងអនុម័តច្បាប់សម្រាប់ជាតម្រូវការរបស់សង្គមជាតិ»។
ចែករំលែកព័តមាននេះ