អ្នកគាំទ្រនៅក្នុងប្រទេសថៃ នាំគ្នាសម្តែងនូវការពេញចិត្តពីការប្រកួត Miss &Mister Supranational Thailand 2023 ដោយឃើញថា ម្ចាស់ជ័យលាភី និងម្ចាស់មកុដ សមប្រកបដោយភាពជឿជាក់ និងសមត្ថភាពល្អទាំងផ្នែកបុរស និងនារី។ ភាពច្បាស់លាស់នេះហើយ ជម្រុញអោយ
រាជធានីភ្នំពេញ ៖ អ្នកគាំទ្រនៅក្នុងប្រទេសថៃ នាំគ្នាសម្តែងនូវការពេញចិត្តពីការប្រកួត Miss &Mister Supranational Thailand 2023 ដោយឃើញថា ម្ចាស់ជ័យលាភី និងម្ចាស់មកុដ សមប្រកបដោយភាពជឿជាក់ និងសមត្ថភាពល្អទាំងផ្នែកបុរស និងនារី។ ភាពច្បាស់លាស់នេះហើយ ជម្រុញអោយអ្នកតាមដានក្នុងប្រទេសថៃ ផ្តល់ទំនុកចិត្តថា តួឯកទាំង២រូបដែលចម្រាញ់បាននេះ និងរុញនូវភាពលេចធ្លោទៅកាន់ឆាកអន្តរជាតិនាពេលខាងមុខនេះ។
ខណៈកម្ពុជាទើបរកឃើញបុរសឯកកញ្ញាឯក Miss&mister supranational Cambodai 2023 នាឯប្រទេសថៃឯណោះវិញ ក៏បានស្វិតស្វាញធ្វើការប្រកួតប្រជែងច្រើនវគ្គរកឃើញជើងខ្លាំងរបស់ខ្លួនដែរ។ នាវិនាទីចុង ក្រោយគេក៏បានសម្រេចរកឃើញម្ចាស់ជ័យលាភីជាផ្លូវការ ដោយបានស្វែងរកតួឯកពិតប្រាកដ ប្រចាំឆ្នាំ២០២៣ ដែលជាស្រីស្អាត និងប្រុសសង្ហា។
ពួកគេទាំង២នាក់ ពិតជាមានចំណុចពិសេស និងចំណេះដឹង ដោយសារយល់ដឹងច្រើនពីការដាក់វិញ្ញាសា បំពេញការងារ និងទទួលបានការចាប់អារម្មណ៍ជាងគេពីអ្នកដាក់ពិន្ទុ និងអ្នកតាមដាន។ ហើយគ្រប់វគ្គ ពួកគេរកបានចំណុចល្អៗ ដែលគណៈកម្មាការគិតថាល្អ អាចបន្តដឹកដៃគ្នាទៅកាន់វគ្គថ្មី នៅលើទឹកដីក្នុងប្រទេសប៉ូឡូញបាន។ ជាពិសេសនៅក្នុងតំបន់អាស៊ាន បានរកឃើញហើយបុរសឯក នារីឯក ដែលមានកម្ពុជា-ថៃ និងបន្តស្វែងរកជើងខ្លាំងតាមប្រទេសផ្សេងៗទៀត។
ជាមួយគ្នានេះដែរ ទាំងស្រីស្អាត លីវ ជីលី និងបុរសសង្ហាលោក វ៉ន សិលា ជាម្ចាស់ជ័យលាភី នៅក្នុងប្រទេសកម្ពុជាយើង ទើបបានតំណែងថ្មោងថ្មី ត្រូវខិតខំស្វែងរកនូវគន្លឹះល្អៗជាបន្តទៀត ដើម្បីធ្វើដំណើរឆ្ពោះទៅប្រកួតកម្រិតអន្តរជាតិ ជាគោលដៅសំខាន់ដែលហ្វេនៗចង់បាន និងតាមដាន។
ចំពោះកញ្ញា លីវ ជីលី ធ្លាប់និយាយថា នាងចំណាយថវិកា ពេលវេលា ការលះបង់ម្តងទៀតនេះ ដើម្បីវិស័យបវរកញ្ញា និងមុខមាត់កម្ពុជា នៅលើឆាកអន្តរជាតិ។ ពេលនេះ ជីលី ធ្វើបានដោយក្លាយជាម្ចាស់មកុដពេញមុខលើឆាក ខុសពីមកុដលើកមុន ដែលជាការផ្ទេរតំណែងពី អ្នកជាប់ ហើយបោះបង់ចោល។
រីឯលោក វន សិលា ជាបុរសឯក ទើបលើកពានយកឈ្នះចិត្តគណៈកម្មាការ ដោយឆ្លើយសំណួរចាក់ដោត អំពីការលើកទឹកចិត្តដល់មនុស្សបាក់ទឹកចិត្តអោយមានសង្ឃឹមឡើងវិញ ត្រូវចេះជួយគាត់ ត្រឹមជាយោបល់ក៏ជាផ្នែកមួយ ដាស់តឿនគាត់អោយមានសង្ឃឹម ។ មនុស្សបាក់ទឹកចិត្តក្នុងសង្គមយើងមានច្រើន ហើយខ្លះគ្មានការជួយខ្នះខ្នែង រហូតធ្វើរឿងអ្វីមួយស្មានមិនដល់។ ហើយលោកនឹងដឹកដៃស្រីស្អាត លីវ ជីលី ធ្វើដំណើរឆ្ពោះទៅក្រៅប្រទេសព្រមគ្នា ដោយគេរំពឹងថា អ្នកទាំង២ ធ្វើបានល្អ ដើម្បីមុខមាត់សង្គមជាតិលើឆាកអន្តរជាតិ។
ចែករំលែកព័តមាននេះ